ISAIA 44:14 - AMÜSÜH HÜM CL Bible (BSI)

¹⁴ Apinü cedar kiushakchoh yungsho saipress le thülamsang mokhitchoh tüsho murung ching sang bolung müküpde toshihchoh. Apinü tsünsang yangchoh tüsho tsüngnü dütsütmusuchoh.

ISAIA 44:14 Iomraidhean Croise

ISAIA 40:20

Hadürü kingaün müjihkhukrü khide zhochihrü mihtsürünü amushuhbe sang mokhitchoh. Apinü sangthsü khülang mulungde azhipshihpü thsüde ayeanzo-rhimosorü khülang kheahchoh.

ISAIA 44:13

Sangrhimosorünü liu züngchoh, lungmüyenü thrütareakchoh, athsukbenü thsukarihchoh, yinchikheambonü nanarihchoh; apinü ju akheahakham mihtsürü nangde kingaünpung ching zopü thsüchoh.

ISAIA 44:15

Jushu mihtsürünü mokhih thsüpü kuklah. Ha chingnü apinü lubah nihbuh thüyüpchoh; apinü mo takkihchoh tüsho yikhap damchoh. Jushu apinü thrünpuh thsüchoh tüsho kingaünchoh, sangthsü khülang thsüchoh tüsho ju miki khukningchoh.

HOSEA 4:12

I mihtsürübonü sang ki keokhichoh, tüsho arü müchit-tsonü arü ki müchita jihchoh. Tümüde jilihjikhün menü arü bephülapdo, tüsho arü Thrünpuh mihabahde arünü jilihjikhün ahorido.

HABAKKUK 2:19

Nüsa sherünü sang ki, “Asürang!” de thacho, malankhi lung ki, “ Wusuang” de thachonü are. Hanü thsangyukhukla de? Kheahang, ha suna tüsho shotoyinchi mujukihkhi lah, tüsho ju ching sheak müla.