ISAIA 44:12 - AMÜSÜH HÜM CL Bible (BSI)

¹² Yingkingrünü ha thsüchoh tüsho mokhih kheaknü ha rhimochoh, yümlungnü yümarihchoh, tüsho api bin amürangnü hitchoh; api khümabahchoh tüsho asühmüh keakeade kamchoh, api kethürichoh tüsho keakabahchoh.

ISAIA 44:12 Iomraidhean Croise

ABEKHIT 32:4

Apinü arü khah chingnü suna leangkhi tüsho akheanbenü thsüde moshipung-nunu khülang zünkhitjih. Judüki arünü tha, “O Israel, ha nüsa Ijip lomi chingnü abekhitkhi nüsa thrünpuh ah!”

ABEKHIT 32:8

Inü arü ki thiyukhüm jihkhi chingnü nahde rholode tsodo tüsho arü thsungkheak moshipungnunu mejak khülang thsüa lah. Arünü ju miki mükhümde laksah-a kingaün tüsho tha, ‘O Israel, harü ha nüsa Ijip lomi chingnü bekhitkhi nüsa thrünpuhbo ah.’”

ISAIA 40:19

Sangthsü khülang ju athsüsorünü zünchoh, tüsho sunakingrünü ju kheak suna yihkihchoh, tüsho shotoyinchinü wuhrünliu thsakhamchoh.

ISAIA 40:20

Hadürü kingaün müjihkhukrü khide zhochihrü mihtsürünü amushuhbe sang mokhitchoh. Apinü sangthsü khülang mulungde azhipshihpü thsüde ayeanzo-rhimosorü khülang kheahchoh.

HABAKKUK 2:13

Mihtsürübonü motrushihpü mokhih lang Atungpuh kilimnü mürhimode tüsho akeangkeang ching trükshihbo khichoh yung de?

HABAKKUK 2:18

Athsürünü athsükhi sangthsü, yungsho akeangyu thsangyukhi mejak tümü yihnüpü la? Tümüde athsükhitkhi ju thiyu masukde sangthsü khülang lalashe ha thsübuhnü ju kheak kinchoh!

ZEKARIA 1:20

Judüki Atungpuhnü I ki rhimorü phüyi yümlung shuhbah huh.

YUZÜNGTHALO 4:28

Tüshe ju ching mihtsürü khahnü athsükhi, sang le lung, müngükhi yungsho musokhi, yungsho mütsühkhi yungsho mümünimkhi thrünpuhbo nüsanü tankihbah.