ISAIA 43:5 - AMÜSÜH HÜM CL Bible (BSI)

⁵ Dütre, tümüde I nü lung lah; inü nü tsührübo aniakhiuklimnü bedarübah, tüsho aniyüzahlimnü inü nüsa bemukhungbah.

ISAIA 43:5 Iomraidhean Croise

MUNGSHIKHÜN 106:47

Nü mung amüsüh kilim makshe jihpü tüsho nü mungshikhi ching akuk ngüpü, isa khümkhitang, O Atungpuh isa Thrünpuh, tüsho isa khiungkerü bolungnü bemukhungang.

MUNGSHIKHÜN 107:3

tüsho lomibo chingnü bemukhung, aniakhiuklim tüsho aniyüzahlimnü, dukulim tüsho düjinglimnü.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

ISAIA 41:9

nü shepü inü alomi akheam chingnü alukhea, tüsho limshu amühit chingnü ajikhea, nü ki tha, “ Nü I yamlarü, inü nü mokhitdo tüsho nü mübahjih”;

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 43:2

Küyimki nü ke hode yübanü, I nü lung labah; tüsho ayungbo hode yüchoki nü müzhido: küyimki nü mo tsahhobanü nü mütak tüsho motrunü nü maniu.

ISAIA 44:2

Atungpuhnü ha thachoh, shepünü nü thrünkhea, shepünü nü nuyam chingnü kamshihkhea tüsho nü rungpü la: Dütre, O I yamlarü Jakob, Jeshurun, shepü inü mokhitkhea.

ISAIA 49:12

Kheahang, harü limshu chingnü arübah, tüsho kheahang, harü dukulim tüsho aniyüzahlimnü, tüsho Sinim lomi chingnü arübah.

ISAIA 49:18

Nü mük züngkihang tüsho mühide kheahang; arü alala mukhungchoh, arübo nü kilim arüchoh. I lale, Atungpuhnü thachoh, zülu nangde arü alala nünü ayihbah, tüsho arhangberü nangde nünü arü yihbah.

ISAIA 54:3

Tümüde nü tsülim tüsho huzulim bude ayübah, tüsho nü tsühsoniusobonü trükshihbo lubah tüsho abahkhitkhi kiutobo ching labah.

ISAIA 54:7

Kim anükhüh thsungkheak inü nü bahyuk, tüshe amuzhokhi atonü inü nü bea lubah.

ISAIA 61:9

Arü tsühsoniusobo trükshih bolung mükheahbah, tüsho arü münübo mihtsürü bolung mükheahbah, arü ngürü alalanü arübo ju Thrünpuhnü müngühjihkhi mihtsürü de amükheahbah.

ISAIA 8:10

Rukhühnü lümkhi thsang, tüshe ju akeangkeang kambah; thiyu thaang, tüshe ju müzhip, tümüde Thrünpuh isa lung lah.

JEREMIA 23:7

Jumonü, Atungpuhnü thachoh, nimungbo arado, judüki kheaküa ha mütha, “Atungpuh lale, shepünü Israel mihtsürü Ijip lomi chingnü bekhit,”

JEREMIA 23:8

tüshe “Atungpuh lale, shepünü Israel yamkhün tsührübo dukulim lomi tüsho apinü arü yanmüzütpung lomi alala chingnü bekhit tüsho bekhea.” Tüsho arübonü arü nihbuh lomi ching labah.

JEREMIA 29:14

inü nüsa ki I ngüshihbah, Atungpuhnü thachoh, tüsho inü nüsa kuhi jihlobah tüsho inü nüsa müzütshihpung trükshihbo alala tüsho dangpungbo alala chingnü nüsa bemukhungbah, Atungpuhnü thachoh, tüsho inü nüsa ramtso ching yüshihpung ching nüsa belodarübah.

JEREMIA 3:18

Judüki Juda yamkhünnü Israel yamkhün lung arihbah, tüsho arü rukhühnü inü nüsa jipürü kilim yamrüplurüp jihkhi lo lim dukulim lomi chingnü arübah.

JEREMIA 42:11

Babilon kiulongthsüpuh ki kheaküa dütre; api dütre, Atungpuhnü thachoh, tümüde api khah chingnü nüsa khümkhitpü tüsho bekhitpü I nüsa lung lah.

JEREMIA 51:46

Lomi ching arhunganimkhi sobah mulong dünini yungsho trede düla–kam khülang ching arhunganim khülang arüchoh, ashikampü püpü arüchoh, lomi ching athsümünim düsheak tüsho yakzanshuhrünü yakzanshuhrü azhihkhi lah.

JOEL 3:7

Kheahang, inü arübo nüsanü ayinpung chingnü abekhitbah, tüsho inü nüsa rhimobo nüsa ku kheak jihlobah.

MIKA 2:12

Inü tsükjide nüsa alala bemukhungbah, O Jakob, inü Israel arhang larü bemukhungbah; inü arübo rimlopung ching namfimihnu boto nangde, ayam ching bemukhungbah; ju mihtsürünü mide akambah.

ZEKARIA 8:7

Wuto Atungpuhnü ha thachoh: Inü I mihtsürübo aniakhiuklim tüsho aniyüzahlim lomibo chingnü akhümkhitbah;

LUKNÜ ATHRÜTKHI THIYUSHEAK-ATSÜ HUHTANYU 13:29

Mihtsürübo aniakhiuklim le aniyüzahlim, dukulim le düjinglimnü arübah tüsho Thrünpuh kiulongthsü ching binbah.

JOHAN 10:16

Namfimihnubo püpü ha yam ching mülakhi she inü bede arübah, tüsho arünü I düsheak anibah; tüsho arübo namfimihnu boto khülang tüsho namfimihnu neakrü khülang labah.

YUZÜNGTHALO 30:3

Atungpuh nüsa Thrünpuhnü nüsa aramkhi chingnü belode arübah, tüsho nüsa kheak muzhode, Atungpuh nüsa Thrünpuhnü trük alala ching müzütshihkhi chingnü bemukhungbah.