ISAIA 43:24 - AMÜSÜH HÜM CL Bible (BSI)

²⁴ Nünü I khilim shonü niungyidung muthulojih, yungsho nünü alaksahkhi müdangnü I reangmükeamshih. Tüshe nü neakbonü I hah mülangshihdo; nü amülimbonü I khishihdo.

ISAIA 43:24 Iomraidhean Croise

MUNGSHIKHÜN 95:10

Tümüde kam yirü I ju lün lung mulong rozhakde alakheah, tüsho tha, ‘ Ha arü mulong ching rholode atsokhi mihtsürü, tüsho arünü I limrobo mümükheah.’

ABEKHIT 30:34

Atungpuhnü Mosa ki tha, “Thüneathürabe–ano, onika, galbanun tüsho jinjinlak müthsün luang; jurübo adünkhi rukhüh lang alabah.

ABEKHIT 30:7

Aronnü yapsu aban tsünpung kümpü arüchoki kingaün sadam kheak jinjinlak takbeah.

ISAIA 1:14

Nüsa khinu asobo tüsho akhukhitkhi thüniobo I menü thraneanlah; arübo I hahmülang khülang kamdo, arü hankhinü I khiabahdo.

ISAIA 1:24

Jumonü Wuto Atungpuh , Israel yo Wutonü thachoh: Ah, inü I riribo kheak I bukakhiukkhi dungkihbah, tüsho I riri kheak I royimbah!

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

ISAIA 7:13

Judüki Isaia nü tha: “ Kheakü aniang, O David yamkhün! Nü thsungkheaknü mihtsürü khikhi khide ninilah de, nünü I Thrünpuh she keaksahshihba de?

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

JEREMIA 6:20

Sheba chingnü jinjinlak arükhi yungsho limshu lomi ching niungyidung I ki tümü yihnüpü la? Nüsanü taka kingaünkhibo müleangkhi, yungsho nüsanü shuhmülanga jihkhibonü I asühbe yung.

EZEKIEL 16:43

Tümütüsho nü athunu nimungbo nünü mülümkhit tüshe harübo hode I mulong zhipzhipshih, tsükjide nünü arhimokhi inü nü ku kheak handarübah, Wuto Atungpuhnü thachoh. Nünü athraneanbe rhimokhibo püpü alala lung yukrude yüliyüra müthsü de?

EZEKIEL 6:9

Judüki arü ramde ayükhi trükshihbo ching atsokhitrünü I lümkhitbah–künangde arü müzammüram mulongbonü I mulong tukthsüshihkhea, küpü I kheaknü rholode atsokhea, tüsho arü mükjibonü arü sangthsübo kheah-a mürühkhea. Arünü arhimokhi amütsü thsungkheak tüsho arünü athraneanbe rhimokhi alala arünü amukhiukbah.

LEVI 3:16

Tüsho amükeambuhnü Atungpuh kilim tsühyungpü kingaün ah de kingaünpung kheak takde arhümthüneakhinü Atungpuh asühshihbah; amüdang alala ju Atungpuh yo.

LEVI 4:31

Mungtsü kingaünbe chingnü amüdang yihkhitkhi ruk apinü amüdang yihkhitbah, tüsho amükeambuhnü ju kingaünpung kheak arhümthüneakhinü Atungpuh asühshihpü takbah, hanangde neak dünthsükhibah, tüsho api neak bahjihbah.

AMOS 2:13

Jumonü lolungbenü hi mide hanbah azünakkhi nangde inü nüsa zünakbah.

MALAKI 1:14

Shepü namfimihnu bolung pung la tüsho ju jihpü thiyuchihchimbah Atungpuh kilim lapha kihkhi laksah-a kingaünchonü, rük mütsükhi ju muthrumünean thsang; tümüde I ato kiulongthsürü ah, Wuto Atungpuhnü thachoh, tüsho trükshih bolung I mung wüntre jihchoh.