ISAIA 43:23 - AMÜSÜH HÜM CL Bible (BSI)

²³ Nünü taka kingaünpü thsungkheak nü yo namfimihnu I kilim hande marü, yungsho nü yo laksah-a kingaünkhinü I wüntre müjih. Inü hi kingaün kheangde nü ki hahmülang müjih, yungsho rhümthüneabe kheangde nü mükhishih.

ISAIA 43:23 Iomraidhean Croise

NEHEMIA 13:10

Kheaküshe inü angükhi ju mihtsürübonü shihcham dükde müjihkhi hode Levirü tüsho khün thsürü Jirusalem bahbah nihbuh lubo ching müzüt.

ABEKHIT 30:34

Atungpuhnü Mosa ki tha, “Thüneathürabe–ano, onika, galbanun tüsho jinjinlak müthsün luang; jurübo adünkhi rukhüh lang alabah.

MÜCHITMUDU 15:8

Mihbukmuyuknü laksah-a kingaünkhi ju Atungpuh kilim athraneanbe lah, tüshe alungkirü tamkhüntamnü ju api asühpü lah.

MÜCHITMUDU 21:27

Mihbukmuyuknü shuhmülanga jihkhi ju athraneanbe; mihbukmuyuk lümkhi thsüde apinü hande arükhi a küdükhüh she alaba!

MÜCHITMUDU 3:9

Nü lakhitbo tüsho nü rünkihkhi alala akhuh asokhibonü Atungpuh wüntre jihang;

ISAIA 66:3

Sherünü moshipung laksahchonü mihtsürü laksahrü ruk; sherünü namfimihnununü kingaünchonü, khihnu hung yihshakrü ruk; sherünü hi kingaün jihchonü, kheaknu thiyih jihrü ruk; sherünü mümihpü jinjinlak jihchonü, sangthsü ki tamkhüntamnükhi ruk ah. Harünü arü nihbuh limrobo mokhitdo, tüsho arü athraneanbebo ching arü menü asühchoh;

JEREMIA 7:21

Wuto Atungpuh , Israel Thrünpuhnü ha thachoh: Nüsanü shuhmülanga jihkhi ching taka kingaünkhibo yukajakang, tüsho ashihtsü tsühang.

JEREMIA 7:22

Tümüde inü nüsa jipürü Ijip lomi chingnü bekhit nimung taka kingaünkhi tüsho shuhmülanga kingaünkhi dünkheak inü arü ki masuk.

LEVI 2:1

Mihtsürü khürünü Atungpuh kilim hi kingaün jihsho apinü akhuhde ayikangkang kamde chuthünakang. Apinü ju ching oliv müdangke tüsho rhümthüneabe yukang,

LEVI 24:7

Tüsho nüsanü atsangkhitkhi rhümthüneabe aru abande yihkihang; ju yikhap ching ride yüzahbah mümihpü shihcham Atungpuh kilim monü taka kingaünkhi labah.

AMOS 5:25

Kam yirü dükeak sunglo ching nüsanü I kilim laksah-a kingaün tüsho kingaünbo hande arüdü de, O Israel yamkhün?

MIKA 6:3

“ O I mihtsürü, inü nüsa ki tümü rhimoa la? Tümü ching inü nüsa khishih-a la? I ki aloang!

MALAKI 3:8

Khürünü Thrünpuh rükakiba de? Tütüshe nüsanü I rükakichoh! Tüshe nüsanü thachoh, “ Künangde isanü nü rükakicho?” Nüsa thürü shihcham tüsho kingaün jihkhibo ching!

MATHI 11:30

Tümütüsho I sangkap amülü tüsho I hah hiphiplah.”