ISAIA 43:21 - AMÜSÜH HÜM CL Bible (BSI)

²¹ mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 43:21 Iomraidhean Croise

MUNGSHIKHÜN 102:18

Ha arübe lünbo thsungkheak thrütbah, junangde müthrünyide alakhi mihtsürünü Atungpuh shibah.

MUNGSHIKHÜN 102:19

Tümüde apinü api arüngakopung achang chingnü abinkhia kheahchoh; Atungpuhnü yinmi chingnü alomi chinzhindo,

MUNGSHIKHÜN 4:3

Tüshe amüsührü a Atungpuhnü api thsungkheak shuhmuwuh-a zolah de mükheahang; inü api jichoki Atungpuhnü sochoh.

MUNGSHIKHÜN 79:13

Jumonü, isa nü mihtsürü tüsho nü yo rimlopung namfimihnubonü, lünnü nü ki makshe jihbah; isanü lünbo alala ki nü shijihkhi huhbah.

MÜCHITMUDU 16:4

Atungpuhnü lüpdükhi api thsungkheak thsü, am, thsümütsü nimung thsungkheak mihbukmuyuk she ah.

ISAIA 42:12

Arünü Atungpuh kilim müretahkhi jihshang, tüsho keyean lomibo ching api mungshi thashang.

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 50:7

Atungpuh Thrünpuhnü I rungchoh; jumonü I achih müngü; jumonü inü molaklung nangde I miro kheah, tüsho I achih müngü de inü mükheah;

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

JEREMIA 13:11

Tümütüsho chimrüm khimnü khürü chim kheak kapkihkhi nangde, inü Israel yamkhün abümnü tüsho Juda yamkhün abümnü I kheak kapkihshihbah, Atungpuhnü thachoh, jude athsükhinü arübo I thsungkheaknü mihtsürü khülang, mung khülang, mungshi khülang, tüsho müretahkhi khülang labah. Tüshe arünü mani.

JEREMIA 33:9

Tüsho inü arü thsungkheak atsü rhimokhi alala sopü larü lomi trükshihbo alala miki ha kiuto I ki asühkhi mung, mungshi tüsho müretahkhi labah; inü ha thsungkheak atsü tüsho lalim atsü alala jihkhi dünkheak arünü atrebah tüsho ajanbah.

MALAKI 3:17

Arü I yo thsübah, Wuto Atungpuhnü thachoh, inü arhimopü nimung tsüde akhukhi I yamalo thsübah, tüsho bebuhrünü arü khinkih thsürü arü tsührübo müthsümkhi nangde inü arü müthsümbah.

1 KORINT 10:31

Jumonü nüsanü tsühtsüh she tüsho yungyung she, yungsho tümüpürü rhimobanü, alala Thrünpuh müretahpü rhimoang.

EFISIA 3:21

borü ching tüsho isa Khrista ching lünbo alala kilim lünnü lün api müretahshang. Amen.

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

TITA 2:14

Apinü isa mülimkhibo alala chingnü rhokhitbah atsü rhimopü mulongrü api mihtsürü thsüpü thsungkheak tsangkhitpü isa thsungkheak anihbuh jihabah.

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.