ISAIA 43:20 - AMÜSÜH HÜM CL Bible (BSI)

²⁰ Mütüm shiwühbonü I ki wüntre jihbah, shirungbo tüsho kewühtopübo; tümüde inü mokhitkhi mihtsürü kilim ayungpü thsüde inü sunglo ching ke jihchoh, loshelo ching ayungbo jihchoh,

ISAIA 43:20 Iomraidhean Croise

1 KIUTHSÜYUKHEAN 16:13

O api yamlarü Israel tsührü, Jakob tsührübo, apinü amokhitkhibo.

MUNGSHIKHÜN 104:21

Kekhüzü nunubonü arü jim Thrünpuh kilimnü yimchoh.

MUNGSHIKHÜN 148:10

mütüm shiwühbo tüsho moshibo; loriloko aninibo tüsho aphinkhi wuhnubo;

MUNGSHIKHÜN 33:12

Apinü ayamrüplurüp thsüde mokhitkhi trükshih, shepü Thrünpuh ju Atungpuh lanü müngühmühi.

ISAIA 13:22

Rimrebonü aheangsadambo kheak khungbah, tüsho shirungbo kiulongthsürü yam atsüdakbo ching labah; ha kim khah ki phünide lah, tüsho ha nimung makhin.

ISAIA 30:25

Tode alaksahkhi, aheangsadam lungkhi nimung ching awung mujuk tüsho awung achang kheak ke bukkhi ayungbo labah.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 33:21

Tüshe ju ching Atungpuh ju wüntre-müretah ching, ayungbo ato tüsho yungzübo lakhi dangpungbo, sangkung-tso mülade sangkung müyükhuk, yungsho sangkung amülak muhokhukpü lakhi ching isa thsungkheak labah.

ISAIA 35:7

takde alakhi loyi ju muliuke kambah tüsho kethürikhi lo ju kenü kambah; Shirung lapung ching rimkiu, kiupungbo tüsho khiukbo mukhuhbah.

ISAIA 41:17

Küyimki zhochihrü tüsho müthsümülarünü ke yimba, tüshe ju ching mülaba, tüsho kethürinü arü mulo kungba, I Atungpuhnü arü ki alobah, I Israel Thrünpuh nü arü mübahyuk.

ISAIA 41:18

Inü achangbo kheak ayungbo, tüsho jindükhünbo ching kenübo khimshuhbah; inü sunglo ju kekhip khülang kamshihbah tüsho akunglo kenübo kamshihbah.

ISAIA 43:19

I a aso rhimopü thsüchoh; kheakü mukhuhde akhiukchoh, nünü ju manikhit de? Inü limro aso khülang sunglo ching thsübah tüsho loshelo ching ayungbo lashihbah.

ISAIA 48:21

Apinü arübo loshelo behochoki arü kemüthüri; apinü arü thsungkheak lung chingnü ke bukshih; apinü lung peangrüp tüsho ke bukkhit.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 65:15

Nüsa mung ju inü mokhitkhi kilim athruajipü zojihbah, tüsho Atungpuh Thrünpuhnü nüsa a asheshihbah; tüshe api yamlarübo ki apinü mung püpünü ajibah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

MARK 13:20

Tüsho jurü nimungbo Atungpuhnü mükhikkheamkhülaa, sheshe rhangdung mülapü lakheah; tüshe apinü amokhitrü thsülimnü, apinü nimungbo khikkheam.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 17:14

arünü Namfimihnunu bede thirithsübah, tüsho Namfimihnununü arü kukbah, tümüde api ju atungrübo kurungkheak Atungrü tüsho kiulongthsürübo kurungkheak Kiulongthsürü, tüsho api lung larü ju ajikhi, amokhitkhi tüsho thiyuro lakhi ah.”

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.