ISAIA 43:19 - AMÜSÜH HÜM CL Bible (BSI)

¹⁹ I a aso rhimopü thsüchoh; kheakü mukhuhde akhiukchoh, nünü ju manikhit de? Inü limro aso khülang sunglo ching thsübah tüsho loshelo ching ayungbo lashihbah.

ISAIA 43:19 Iomraidhean Croise

MUNGSHIKHÜN 105:41

Apinü lungto khimshuh, tüsho ke bukkhit; ayung nangde akung dangpungbo ching buk.

MUNGSHIKHÜN 126:4

O Atungpuh , düjinglim ayung nangde isa aramrübo belode arang.

ABEKHIT 17:6

Kheahang, I nü müngüh Horeb kheak zhipbah; nünü lungto kheak rhapbah tüsho ke akhiukbah, junangde mihtsürübonü ayungbah.” Tüsho Israel azothsürübo mikinü Mosanü jude rhimo.

ISAIA 30:25

Tode alaksahkhi, aheangsadam lungkhi nimung ching awung mujuk tüsho awung achang kheak ke bukkhi ayungbo labah.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 33:21

Tüshe ju ching Atungpuh ju wüntre-müretah ching, ayungbo ato tüsho yungzübo lakhi dangpungbo, sangkung-tso mülade sangkung müyükhuk, yungsho sangkung amülak muhokhukpü lakhi ching isa thsungkheak labah.

ISAIA 35:1

Sunglo tüsho akung lo asühbah, loshelo asühachihbah tüsho apungbah; mumükin sangbün nangde,

ISAIA 41:18

Inü achangbo kheak ayungbo, tüsho jindükhünbo ching kenübo khimshuhbah; inü sunglo ju kekhip khülang kamshihbah tüsho akunglo kenübo kamshihbah.

ISAIA 41:19

Inü sunglo ching cedar, akasia, martel, tüsho oliv yukbah; inü loshelo ching saipress, yütosang tüsho tsünsang rukhüh khimbah.

ISAIA 42:9

Kheahang, adüso müchitkhibo dünjido tüsho inü aso khipkhitchoh; arübo mumukhuhkhityi khiungde inü arü dünkheak nüsa ki thachoh.

ISAIA 48:5

adüsonü inü jurübo nü ki thado, arü müdünjiyide inü nü ki mükheahshihdo, junangde nünü müthabah, “ I sangthsünü jurü rhimokheah, I yo asümkhi sangthsü tüsho anungkhi sangthsünü arübo thiyukhüm jihkheah.”

ISAIA 48:6

Nünü sodo; kheakü ha alala kheahang tüsho nünü ha müleangkhiba de? Ha kimnü rünbah inü nü aso rhimobo, nünü mümükheahkhi rama lakhibo soshihbah.

ISAIA 49:10

arü mükhüm yungsho kemüthüri yungsho apung atak yungsho aninü arü kheak mütak, tümüde shepünü arü kheak müthsümchonü arü bebah, tüsho ayung limpeang arü bebah.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

JEREMIA 23:7

Jumonü, Atungpuhnü thachoh, nimungbo arado, judüki kheaküa ha mütha, “Atungpuh lale, shepünü Israel mihtsürü Ijip lomi chingnü bekhit,”

JEREMIA 31:22

Külokhüh nü rümde atsahba, O akin mülakhi tsührübe? Tümüde Atungpuhnü alomi kheak kukruk aso khülang thründo; aliberü khülangnü athrürü kümdopü lah.

JEREMIA 31:9

Tripde arübo arübah tüsho shukheamde inü arü belodarübah, inü arübo yungzü ke yeande atsahshihbah, limro mukhiungkhi ching arü jing mümükhe; tümüde I Israel abuh kamdo tüsho Ephraim ju I tsührü adüjibuh.

WÜHKHE 20:11

Jushu Mosanü akhah shuhkihbah atsonü lung kheak mahne ki rhap; tüsho ke suhdahde akhiuk, tüsho boto le arü shiwühbonü yung.

2 KORINT 5:17

Jumonü khürü Khrista ching lasho, api aso thrünlokhi ah; awünbe hode tsodo, kheahang, aso arüdo.

YUZÜNGTHALO 8:15

Apinü nüsa mükheahbinkhi tüsho atrebe sunglo, kethürikhi tüsho akung lo, müzüm phuruto tüsho lungthsühri lakhi hode bebah arü. Apinü nüsa kilim lungmüzhak chingnü ke handarü.

AMIKHEAKAKHIUKKHI 21:5

Tüshe kiulongthsü-binkiu kheak binbuhnü tha, “Kheahang, inü alala aso kamshihchoh.” Apinü thalo, “Ha thrütang, tümüde harü yubo akin labe tüsho thiyuro.”