ISAIA 43:17 - AMÜSÜH HÜM CL Bible (BSI)

¹⁷ Shepünü khora-lolungbe tüsho khora bekhitcho, bonungrü tüsho thirithsürü; arü yaplah, arü masürükhuk, arübo zümüta lah, moke-liu nangde kunga lah:

ISAIA 43:17 Iomraidhean Croise

MUNGSHIKHÜN 118:12

Mukhubo nangde arünü I zündoa lah; arübo ayangrung aniukhi nangde aniuabah; tümüde Atungpuh mung chingnü inü arü thsümünim.

ABEKHIT 15:19

Tümüde Pharao khorabo api khora-lolungbebo tüsho khoraberübo lung keto ching yüzah, tüsho Atungpuhnü arü kheak keto kebo belodarü. Tüshe Israelrü kero phulung ching alo akung kheaknü yü.

ABEKHIT 15:4

“Pharao khora-lolungbebo tüsho api bonungrü apinü keto ching jipyuk; tüsho amokhitkhi api torübo Amürüm Keto ching thüraksah.

ISAIA 1:31

Sühmüh larü ju mojim nangde akambah tüsho arü rhimo modübin nangde alabah; arü le arü rhimo rukhühnü shenü müyihmütde atakbah.

JEREMIA 51:21

nü hode inü khorabo tüsho ju kheak binrü yümnakchoh; nü hode inü khora-lolungbe tüsho aberü yümnakchoh;

EZEKIEL 38:4

inü nü bephülapbah tüsho nü mün ching khoyangbo yukjihbah, tüsho inü nü bonungrü alala, khorabo tüsho khoraberübo, arü alala thirithsü zülu khiukchimde yihshihbah boto ato arü alala tsung tüsho tsungnini, nukshangbo shuhbah mükamde nü bebah.

MATHI 12:20

Thiyuro akuk müngüyi khiungde, apinü ayihrüpkhi khiukto mükhikshak, tüsho trude alakhi tsünpung müyihmüt;

MAHKHAPRÜ 4:16

Tüshe Baraknü khora-lolungbebo le bonungrü Harosheth Hagoyim khiungde müshamde yü, tüsho Sisera bonungrübo alala nukshangnü keamshih; mihtsürü khülang she maning.