ISAIA 43:15 - AMÜSÜH HÜM CL Bible (BSI)

¹⁵ I Atungpuh nü yo Amüsüh Thrünpuh, Israel Thrünrü, nü kiulongthsüpuh.

ISAIA 43:15 Iomraidhean Croise

MUNGSHIKHÜN 149:2

Israelrü arü Thrünrü lung asühachihshang; Zion tsührübonü arü kiulongthsüpuh lung asühachihshang.

MUNGSHIKHÜN 74:12

Tümütüsho adüsonü Thrünpuh ju I kiulongthsüpuh, alomi bolung ching akhümkhit rhimochoh.

ISAIA 30:11

limro chingnü tsoang, limtsahpung chingnü tsahhuhang, isanü kheaküa Israel yo Amüsühbuh Khülang dünkheak musonü.”

ISAIA 31:1

Aha, sherünü arung thsungkheak Ijip ching yükicho tüsho shenü khorabo kheak düthsün angücho, shenü khora-lolungbe kheak kincho tümütüsho arü ahihdo lah tüsho khoraberü kheak kincho tümütüsho arü khide sühmüh lah, tüshe Israel Amüsüh Thrünpuh kheak mükheah yungsho Atungpuh ki mükeokhi!

ISAIA 33:22

Tümüde Atungpuh ju isa mahkhapbuh, Atungpuh ju isa yakzanshuhrü, Atungpuh ju isa kiulongthsüpuh; apinü isa khümkhitbah.

ISAIA 40:25

Dale nünü I she kheak akeakheahba, yungsho I thülünkhi she a? Amüsühbuh Khülangnü thachoh.

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 41:20

Junangde alalanü angübah tüsho mükheahbah, alalanü lümakheahbah tüsho anikhitbah, junangde Atungpuh khahnü ha rhimoa lah, Amüsüh Israel Thrünpuhnü ha thrüna lah.

ISAIA 41:21

Nüsa lümkhi lubah arang, Atungpuhnü thachoh; nüsa mütsanyubo lubah arang, Jakob kiulongthsüpuhnü thachoh.

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 43:21

mihtsürü sherü I thsungkheak kamshihkhea, junangde arünü I mung shikhi khipkhitbah.

ISAIA 43:3

Tümüde I Atungpuh nü Thrünpuh, Amüsüh Israel Thrünpuh, nü Khümkhitbuh. Inü nü rhokhitpü Ijip, nü müthri Ethiopia tüsho Seba jihchoh.

ISAIA 43:7

Sherübo I mung chingnü jia la, sherü I müretahpü inü thrün, sherü inü kamshih tüsho thrün.”

ISAIA 44:6

Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

ISAIA 45:11

Atungpuhnü ha thachoh, Israel Amüsüh Thrünpuh, tüsho Athrünrü: I tsührü yungsho I khah rhimo dünkheak nünü I ki keokhiba de?

ISAIA 47:4

Isa Rhokhitrü– Wuto Atungpuh ju api mung– Israel Amüsüh Thrünpuh.

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

JEREMIA 51:5

Israel Amüsühbuh miki arü lomi amülimnü mide lalashe, Israel tüsho Juda arü Thrünpuh Wuto Atungpuhnü mübahyuk.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

AMIKHEAKAKHIUKKHI 3:7

“Tüsho Philadelphia ching borü yunirü kilim thrütang: ‘Amüsüh tüsho thiyuro, David yo amükhipbe shuhbuh yubo. Apinü tümü khimshuhchonü shenü mürihkhuk, tüsho apinü tümü rihchonü shenü mükhimshuhkhuk.