ISAIA 43:13 - AMÜSÜH HÜM CL Bible (BSI)

¹³ I Thrünpuh ah, tüsho kheakünü rünbah I api ah; I khah chingnü abekhitkhukrü she müla; inü rhimochoh tüsho shenü ju zhipdopü kukla?

ISAIA 43:13 Iomraidhean Croise

JOB HU H T ANYU 10:7

I amülim mülakhi tüsho nü khah chingnü abekhitpü she müla de nünü mükheahkheah she?

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

JOB HU H T ANYU 9:12

Apinü lubah tsosho shepünü api tholokhukpü? Shepünü api ki, “Nü tümü thsücho?” de athapü.

MUNGSHIKHÜN 102:28

Nü yamlarübo tsührübo mutuklode alabah, tüsho arü tsühsoniusobo nü miki rünkih-a labah.”

MUNGSHIKHÜN 50:22

Kheakü ha lümakheahang, nüsa Thrünpuh mihrü, jude yungsho inü nüsa adütre kamde ayihthünakbah, tüsho nüsa bekhitrü she mülade alabah:

MUNGSHIKHÜN 90:2

Müzüngbo müthrünkhityide, yungsho nünü alomi tüsho alomiküp mükamshihyide, akheam mülanü akheam müla khiungde, nü Thrünpuh ah.

MUNGSHIKHÜN 93:2

Nü kiulongthsü-binkiu adüsonü thsüa lah; nü a akheam mülade lah.

MÜCHITMUDU 21:30

Atungpuh azhihde lümlung yungsho anikhitkhi yungsho lümthiyan tümü müla.

MÜCHITMUDU 8:23

I a akheam mülakhi chingnü alomi mülachoki, atankih chingnü alakheah.

ISAIA 14:27

Tümüde Wuto Atungpuhnü lümkhi thsüdo, tüsho shenü ju zhipdokhukpü? Api khah chungkih-a lah, tüsho shenü ju tukloshihba?

ISAIA 41:4

Atankih chingnü lünbo lümkhitlode, shenü ha külüpkhea tüsho rhimokhea? I, Atungpuh , akhuhbuh tüsho akheam lung labah.

ISAIA 46:10

atankih chingnü akheam khipkhitde tüsho jipü kim chingnü mürhimoyikhibo thade, “ I lümkhi zhipbah, tüsho inü alümkhi akuk ngübah,”

ISAIA 46:4

nü ashin khiungde I api ah, nü ku buyiuk khiungde inü nü buhbah. Inü nü thründo, tüsho inü akümbah; inü nü buhbah tüsho khümkhitbah.

ISAIA 47:15

Hadürü kheak nünü rhimodo, shepü athunuchokinü nü lung tsahkhea; arü alala nihbuh limro ching rümde tsahchoh; nü khümkhitpü she müla.

ISAIA 48:16

I ki phünide arang, ha aniang! Atankih chingnü inü ramde masuk, ha dünjipü lachoki I lakheah. Tüsho kheakü Atungpuh Thrünpuhnü api me bede I thiyikheah.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

HOSEA 2:10

Kheakü inü alibe muzhorübo mük ki anihbe achihbe mülüpdojih, tüsho shenü she I khah chingnü alibe mükhümkhit.

HOSEA 5:14

Tümüde I ju Ephraim ki kekhüzü nangde, tüsho Juda yamkhün ki kekhüzü nunu nangde alabah. Inü achakthünakbah tüsho tsoabahbah; inü arü hande atsobah, tüsho shenü she arü mükhümkhit.

MIKA 5:2

Tüshe nü, O Bethlehem Ephratha shepü Juda gukbo ching aninibe la, nü kheaknü I thsungkheak Israel ching yakzan shuhpü arübah, shepü ying awün chingnü, jipü nimungbo chingnü la.

HABAKKUK 1:12

Nü adüsonü lah yung de, O Atungpuh I Thrünpuh, I yo Amüsüh Khülang? Nü müshe. O Atungpuh , mahkhapshihpü nünü arü mokhit; tüsho O Lung, nünü thsünüshihpü arü lashih.

WÜHKHE 23:20

Müngühjihpü yukhüm inü leangkhido; apinü müngühjihdo tüsho inü ju mümüthrikhuk.

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”

EFISIA 1:11

Lüpdükhi api lümthiyan yande rhimobah, api lümkhi yande akhujungkhinü, isanü api lung yamrüplurüp ngü,

YUZÜNGTHALO 28:31

Nü moshipung nü mük kinü alaksahbah, tüshe nünü ashih mütsüh; nü yo donki nü mikinü jangkhia lubah atsobah, tüsho nü kilim müjihlo; nü yo namfimihnu nü riribo kilim jihbah, tüsho jurü bekhitpü thsüde nü ki sheshe alapü yung.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

1 TIMOTHI 1:17

Amüshebuh, amüngübuh, lünbo Kiulongthsürü, Thrünpuh lang lünnü lün wüntre lashang tüsho müretahkhi thsang. Amen.

IBRI 13:8

Jisu Khrista ju yini, khihni tüsho lünnü rukhüh ah.

JIHUSUA 2:2

Ju tsüngre Israelrü khürü lomi rük yimpü arüa lah de Jirikho kiulongthsüpuhnü so,

AMIKHEAKAKHIUKKHI 1:8

Shepü la tüsho shepü lakhea tüsho shepü arüpü la, Atungpuh Thrünpuh, Wutonü thachoh, “I atankih tüsho akheam.”