ISAIA 43:10 - AMÜSÜH HÜM CL Bible (BSI)

¹⁰ Nüsa I yumütsan thsürübo, Atungpuhnü thachoh, tüsho inü mokhitkhi I yamlarü, junangde nüsanü mükheahbah tüsho I kinbah tüsho I api ah de anikhitbah. I müngüh thrünpuh sheshe mükamde alakheah, yungsho I dunglim sheshe müla.

ISAIA 43:10 Iomraidhean Croise

MUNGSHIKHÜN 102:27

Tüshe nü a rukhüh ah, tüsho nü kambo akheam müla.

ABEKHIT 8:6

Jumonü Aronnü Ijip kebo kurungkheak akhah shuhkih; tüsho kheangbo atubah Ijip lomi lüpchimabah.

ISAIA 41:20

Junangde alalanü angübah tüsho mükheahbah, alalanü lümakheahbah tüsho anikhitbah, junangde Atungpuh khahnü ha rhimoa lah, Amüsüh Israel Thrünpuhnü ha thrüna lah.

ISAIA 41:4

Atankih chingnü lünbo lümkhitlode, shenü ha külüpkhea tüsho rhimokhea? I, Atungpuh , akhuhbuh tüsho akheam lung labah.

ISAIA 41:8

Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 43:12

Inü khipkhit, khümkhit tüsho zhiyukjih, küyimki khiungkerü thrünpuh nüsa lung mülakhea; tüsho nüsa I yumütsan thsürübo, Atungpuhnü thachoh, I Thrünpuh ah.

ISAIA 45:5

I Atungpuh tüsho püpü müla; I hobah thrünpuh müla. Nünü I mümükheahkheah she inü nü düjitlobah,

ISAIA 45:6

junangde I hobah she müla de aniakhiuklimnü aniyüzahlim khiungde mihbüm abannü amükheahbah; I Atungpuh tüsho püpü müla.

ISAIA 48:12

I ki aniang, O Jakob, tüsho Israel, shepü inü ajikhea: I api ah; I akhuhbuh, tüsho I ashubuh.

ISAIA 49:23

Kiulongthsürübo ju nü kümmusurü buhrübo labah, tüsho arü niuberübo ju nü mütrürü berübo thsübah. Arü miro alo lim kheahbah arünü nü ki khukningbah, tüsho nü jing kheak asungthulung müleakbah. Judüki I Atungpuh de nünü amükheahbah; sherünü I aleangbanü achih müngüshih.”

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

HAGGAI 2:23

Wuto Atungpuhnü thachoh, ju nimung, inü nü bea lubah, O I yamlarü Zerubbabel, Shealtiel tsührü, Atungpuhnü thachoh, tüsho nü ju mütsanyüm yingkhüm nangde akamshihbah; tümüde inü nü mokhitdo, Wuto Atungpuhnü thachoh.

JOHAN 15:27

Tüsho nüsanü she I thiyumütsan thsübah, tümütüsho atankih chingnü nüsa I lung lakheah.

JOHAN 20:31

tüshe Jisu ju Khrista, Thrünpuh tsührü de nüsanü akinpü thsüde, tüsho akinkhi hode api mung ching nüsa rhangdung lapü thsüde harü thrüta lah.

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

1 KORINT 15:15

Ju kheaknü alü isa ju Thrünpuh dünkheak arükchih thiyumütsan jihrübo thsübah, tümüde apinü Khrista ashe chingnü arhang kamloshih de Thrünpuh dünkheak isanü thiyumütsan thsü– tüshe asherü arhang mükamlokhülaa apinü anihbuh arhang mükamloshihde alabah.

YUZÜNGTHALO 32:39

Kheakü kheahang I, I lang, Thrünpuh ah, tüsho I hobah tümü thrünpuh müla; inü laksahchoh tüsho inü rhangdung lashihchoh; inü yurijihchoh tüsho inü ngushihchoh; tüsho I khah chingnü abekhitkhukpü thsüde sheshe müla.

YUZÜNGTHALO 4:35

Atungpuh ju Thrünpuh ah de ahuhpü thsüde ha nüsa ki rhimodo; api hode sheshe müla.

YUZÜNGTHALO 4:39

Jumonü khihni ha mükheahang, tüsho Atungpuh ju thüning tüsho alomi ching Thrünpuh ah de nüsa mulong ching lümang; ju ching püpü sheshe müla.

FILIPI 2:7

tüshe mihtsürü nangde zübebah, yamlarü khülang kamde api akeangkeang kam.

KOLOSI 1:7

nüsa thsung thsüde thiyuro lakhi Khrista tankihrü isanü amuzhokhi yamlarü Epaphra kheaknü nüsanü asokhi nangde,

AMIKHEAKAKHIUKKHI 1:2

apinü anihbuhnü angükhi alala ki Thrünpuh yu tüsho Jisu Khrista thiyumütsan thsü.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.