ISAIA 42:7 - AMÜSÜH HÜM CL Bible (BSI)

⁷ müktukrü mük khimshuhpü, amiting rihyam chingnü aramrü bekhitpü.

ISAIA 42:7 Iomraidhean Croise

MUNGSHIKHÜN 97:7

Sherünü mejak tankihcho, sherünü sangthsü dünkheak kükheangchonü alala achih ngüshang. Api kingaünang, nüsa thrünpuhbo alala.

ISAIA 29:18

Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

ISAIA 35:5

Judüki müktukrü mükbo khimshuhbah tüsho nükhünpeangrünü asobah;

ISAIA 42:16

Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 42:22

Tüshe ha mihtsürübo ahühkhi tüsho yankhia-lukhi lah, arü alala alokhünbo ching phuh-a lah tüsho rihyambo ching rama zolah; arübo shih kamdo, shenü mübekhit, arübo yankhia ludo, shenü mütha, “Tsoloshang!”

ISAIA 49:9

aramrübo ki thachoh, “Akhiukang,” amiting ching larü ki, “ Nüsa huhang.” Arübo limro mungyean yimtsühbah, achang arakrak alala arü yimtsühpung labah;

ISAIA 61:1

Atungpuh T H RÜ NPU H me I kheak lah, tümütüsho Atungpuhnü I zhochihrü kilim thiyusheak atsü thsangyupü mujude-mokhit; mulong thsümünima larü thsüngushihpü, aramrü kilim zuzu kuhi zhiyukpü, tüsho ramyukrü dükheshihpü apinü I thiyi;

ISAIA 9:2

Amiting ching tsahrü mihtsürünü ayin ato khülang ngüdo; amiting lomi ching larü kheak ayin tahkihdo.

MIKA 7:9

Tümütüsho inü api azhihde neak yihbeak, api I kilim tsangkhi tüsho I mahkhapkhi khiungde inü Atungpuh bukakhiukkhi arümpü lah. Apinü I ayin ching bekhitbah; inü api thiyuro-lungki ngübah.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

LUKNÜ ATHRÜTKHI THIYUSHEAK-ATSÜ HUHTANYU 24:45

Tüsho arünü amüsühyubo anikhitpü thsüde apinü arü lümkhi khimshuhjih.

JOHAN 9:39

Tüsho Jisunü tha, “Mahkhappü thsungkheak ha lomi ching I arükheah, junangde shepünü müngünü angübah, tüsho shepünü ngülanü mük tukbah.”

JOHAN 9:7

Tüsho apinü anihbuh ki tha, “Yübah Siloam (amütsan yüshih) kekhip chingnü müsühang.” Jumonü apinü yübah müsüh tüsho ngüde alodarü.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

2 TIMOTHI 2:26

tüsho arübo ju api lümkhi rhimoshihpü ramkhi amünean zheang chingnü atsokhitbah.

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.

AMIKHEAKAKHIUKKHI 3:18

Nü alarü kampü thsüde I kilimnü mo chingnü atsangkhitkhi suna thulopü inü nü ki athsunganahchoh; tüsho nü bünkeang lüpdopü thsüde aphuyupü amüye khimbo; tüsho nünü angükhukpü thsüde nü mükbo kheak mujupü müdangke.