ISAIA 42:4 - AMÜSÜH HÜM CL Bible (BSI)

⁴ Apinü alomi ching thiyuro mülashihyi khiungde, api sühkeakeade mükam yungsho müzünak; tüsho keyean lomibonü api thsangyukhi thsungkheak aleanglah.

ISAIA 42:4 Iomraidhean Croise

THRÜNTAN 49:10

Judanü kiulongthsü tso zhimbah, tüsho api tsühsoniusobonü kamruhroro yakzan shuhbah. Trükshihbonü api kilim ruk hande arübah tüsho api miki wüntre jihde khukningbah.

MUNGSHIKHÜN 22:27

Alomiküp thrip aban chingnü Atungpuh lümkhitbah tüsho api kilim rholobah; tüsho trükshih yamkhün alalanü api kingaünbah.

ISAIA 40:22

Api alomi mühean kumung kheak binlah tüsho ju ching larübo sangyü-tangkho nangde lah; Shepünü thüningbo zhindokhim nangde thoshangcho, tüsho lapung khimyam nangde zünglangcho;

ISAIA 40:28

Nünü mümükheah de? Nünü muso de? Atungpuh ju akheam mülakhi Thrünpuh, alomi akheambo Thrünrü. Api sühmükeakea yungsho mükeak; api anikhitkhi mümüyimkhukbe lah.

ISAIA 41:5

Keyean lomibonü ngüdo tüsho trede lah, alomi akheambo ajanchoh; arü phünide arüdo.

ISAIA 42:10

Atungpuh ki khün aso khülang thsang, keto tüsho ju ching lakhi alalanü, keyean lomibo tüsho ju ching larübonü alomi akheam chingnü api shiang!

ISAIA 42:12

Arünü Atungpuh kilim müretahkhi jihshang, tüsho keyean lomibo ching api mungshi thashang.

ISAIA 42:21

Atungpuhnü api thiyuro-lungki dünkheak api thsangyukhi thushihpü tüsho ju müretahde kamshihpü asühdo.

ISAIA 49:1

I ki aniang, O keyean lobo, tsüde aniang, nüsa limshu mihtsürübo! müzübechokinü Atungpuhnü I jikheah, I be nuyam ching lachoki apinü I mung jijihkheah.

ISAIA 51:4

I ki aniang, I mihtsürü tüsho I ki anguhang, I trükshih; tümüde I kheaknü thsangyukhi khülang wukhiukbah, tüsho ayin khülang thsungkheaknü I yakzan ju mihtsürübo kilim labah.

ISAIA 51:5

I yo thiyuro-lungki phünide lah, I yo akhümkhit wukhiukdo tüsho I khahbonü mihtsürübo yakzan shuhbah; keyean lomibonü I aleangchoh tüsho I khah kheak arünü mulonglamchoh.

ISAIA 55:5

Kheahang, nünü mümükheahkhi trükshihbo nünü ajibah, tüsho nü mümükheahkhi trükshihbonü, Atungpuh , nü Thrünpuh, Israel Amüsüh Thrünpuh dünkheaknü nü kilim arübah; tümüde apinü nü müretahshih.

ISAIA 60:9

Tümüde keyean lomibonü I aleangbah, Tarshish sangkungbo akhuhlah, nü tsührübo limshu chingnü bedarüpü, arü lung shotoyinchi tüsho suna, Atungpuh nü Thrünpuh tüsho Israel Amüsüh Thrünpuh mung thsungkheak, tümütüsho apinü nü müretahshihdo.

ISAIA 66:19

tüsho inü arü bolung amütsan khülang zobah. Arü bolungnü inü trükshihbo ching arhang larü yüshihbah, Tarshish lim, Put, tüsho Lud–sanglüh kiprü– Tubal tüsho Javan lim, I mungthu tüsho I müretah müngükhi limshu keyean lomibo ching; tüsho arünü trükshih bolung I müretahkhi khipkhitbah.

ISAIA 9:7

Api kiulongthsü sühmüh mutuklode azokihbah, tüsho ju ching akheam mülakhi mungtsü David tüsho api kiulongthsü-binkiu thsungkheak labah. Thiyuro tüsho thiyuro-lungkinü ha kimnü ründe tüsho kamruhroro apinü arhimobah. Wuto Atungpuh mulungkhinü ha rhimobah.

DANIEL 9:24

“Thünenü shu nerü kambo ju nü mihtsürü tüsho amüsüh kiuto thsungkheak akhua zojihlah: alakmihkhi banshihpü, neak kheamshihpü, amülim dünthsükhipü, lün thsungkheak thiyuro-lungki hanyukpü, michih tüsho wukihrü chido yümdopü, tüsho khide Amüsüh Dangpung müsükhitpü lah.

ZEKARIA 2:11

Trükshih ahihdonü ju nimung Atungpuh lung bebah, tüsho I mihtsürü thsübah; tüsho I nüsa bolung labah. Tüsho Wuto Atungpuhnü I nüsa kilim thiyido de nüsanü mükheahbah.

MATHI 12:21

tüsho mihtsürü alalanü api kheak mulonglam labah.”

MARK 3:3

Judüki apinü khah thripshe thsükhi mihtsürü ki tha, “Mikhuhlim arang.”

ROMRÜ KILIM PAULNÜ ATHRÜTKHI KIHÜM HUHTANYU 16:26

Judüalalashe kheakü, wukihrübonü athrütkhi hode thiyuro ju amikheak akhiukshih; tüsho akheam müla Thrünpuh yukhüm hode trükshih alala ki ju mükheahshih, junangde alalanü akinbah tüsho mihyuanibah.

1 KORINT 9:21

Yakzan mülarübo ki arü bedarüpü thsüde, Thrünpuh kilim yakzan mülakhi yung tüshe Khrista yakzan bukkhüp I ju yakzan mülarü khülang kam.