ISAIA 42:24 - AMÜSÜH HÜM CL Bible (BSI)

²⁴ Shenü ayankhirü kilim Jakob jihkhea tüsho jangkhijangrarü kilim Israel jihkhea? Ha Atungpuhnü yung de, shepü azhihde isanü neak yihbeakkhea, shepü limrobo ching arünü mütsahkhea, tüsho shepü yakzan arünü manikhea?

ISAIA 42:24 Iomraidhean Croise

2 KIUTHSÜYUKHEAN 15:6

Arübo adütre kamde yihthünak, trükshihnü trükshih azhih tüsho kiutonü kiuto azhih, tümüde Thrünpuhnü arü lümthsünü aphuaphunü küpkhuk jih.

2 KIUTHSÜYUKHEAN 36:17

Jumonü apinü arü azhihde Kaldearü kiulongthsüpuh bede wutu, apinü athunubo arü arüngyam ching nukshangnü laksah, tüsho athrününgtsüng mihtsürü yungsho anünürü, ashinbuhrü yungsho azobankhi kheak mihmuzho mülade kam; apinü arü alala api khah ching jih.

MUNGSHIKHÜN 81:12

Jumonü inü arü nihbuh lümkhi ching tsahshihpü arü mulong müküppü jih.

MUNGSHIKHÜN 81:13

O, I mihtsürünü I ki anikhülaa, junangde Israelnü I limrobo ching tsahkhülaa!

ISAIA 30:15

Tümüde Wuto Atungpuh , Israel Amüsüh Thrünpuhnü ha thachoh: Arholokhi tüsho sühakhimkhi ching nüsa khümkhitbah; keamramkhi tüsho akinkhi ching nüsa sühmüh labah. Tüshe nüsanü reanglo

ISAIA 42:23

Nüsa bolung shepünü ha aniba, shenü arüba tüsho arübe kim thsungkheak aniba?

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

ISAIA 47:6

Inü I mihtsürü kheak bukakhiuk, inü I yamrüplurüp müneanjih; inü arübo nü khah ching jih, nünü arü ki mihmüthsüm muhuh; ashinbuhrü kheak nünü khide hah mülangshih.

ISAIA 48:18

O nünü I yukhümbo anido dükhülaa! junangde nü müngühmühi ju ayung nangde alabah, tüsho nü thiyuro-lungki ju keto abükkhi nangde alabah.

ISAIA 57:17

Arü mihbukmuyuk yihnelunekhi hode inü bukakhiuk; inü arü shik, inü lak tüsho bukakhiuk; tüshe arünü nihbuh limro ching rholode tso.

ISAIA 63:10

Tüshe arünü azhih tüsho api memüsüh mulong rozhakshih; jumonü api ju arü riri kam; anihbuhnü arü azhihde keochih.

JEREMIA 44:10

Arünü azhihayihkhi yungsho atrekhi khihni khiungde muhuh, yungsho inü nüsa le nüsa jipürü miki zojihkhi I yakzan tüsho I yuzüngbo ching arünü mütsah.

JEREMIA 5:15

Inü limshu chingnü trükshih khülang nü kheak handarübah, O Israel yamkhün, Atungpuhnü thachoh. Ha sühmüh lakhi trükshih, ha jipü-lün trükshih, nünü mümükheahkhi yutha trükshih, yungsho arünü athakhi nünü manikhitkhuk.

TÜZHOKHI 1:14

Inü alakmihkhi sangkaplakbo api khahnü thsünru; jurübo I hung kheak nokih, I sühmüh keakeashih; inü azhihde müzhipkhukrü kilim Atungpuhnü I jih.

TÜZHOKHI 1:18

Atungpuh alungki ching lah, tümüde inü api yu azhihdo; tüshe aniang, nüsa mihtsürü alala, tüsho I thsünükhi kheahang; I yo anünürü tüsho athrününgtsüng mihtsürübo aramkhi ching yüdo.

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

AMOS 3:6

Kiuto ching hulipungpung mütbah mihtsürübonü mütrecho de? Atungpuhnü mürhimode kiuto ching thsümütsü dünjicho de?

MATHI 22:7

Ju sobah kiulongthsüpuhnü bukakhiuk; apinü anihbuh bonungrübo yüshihbah mihkhukrübo dükheakshih tüsho arü kiuto takabahshih.

YUZÜNGTHALO 28:49

Atungpuhnü trük khülang müleang nangde aphinkhi, nüsanü arü yutha mümükheahkhi trükshih, alomi akheam, limshu chingnü nüsa azhihde handarübah.

YUZÜNGTHALO 32:30

Atungpuh arü Thrünpuhnü arü yinkhi yungsho, tüsho Atungpuhnü arü jihabahkhi yungsho, küde thsah khülangnü chithürü yande müshampü, tüsho mahnenü chithürü thürü alihde atsoshihpü?

MAHKHAPRÜ 10:7

Jumonü Israel azhihde Atungpuh bukakhiuk; tüsho apinü arübo Filistia le Amon mihtsürü khah ching yinabah.

MAHKHAPRÜ 2:14

Tüsho Israel azhihde Atungpuh bukakhiuk. Jumonü apinü arübo ju arü yankhia lurü khah ching jih; tüsho apinü arübo arü mühide lakhi thiriribo khah ching yinabah. Junangde arü riribo miki arübonü müzhipkhukde kam.

MAHKHAPRÜ 3:8

Jumonü Atungpuhnü Israelrü kheak bukakhiuk tüsho apinü arübo Mesopotamia kiulongthsüpuh Kushan-rishathaim khah ching yinabah; tüsho Israel tsührübonü kam tizheah Kushan-rishathaim tankih.