ISAIA 42:22 - AMÜSÜH HÜM CL Bible (BSI)

²² Tüshe ha mihtsürübo ahühkhi tüsho yankhia-lukhi lah, arü alala alokhünbo ching phuh-a lah tüsho rihyambo ching rama zolah; arübo shih kamdo, shenü mübekhit, arübo yankhia ludo, shenü mütha, “Tsoloshang!”

ISAIA 42:22 Iomraidhean Croise

MUNGSHIKHÜN 102:20

aramrü ashekhi anipü, ashepü akhua larü trünkhipü,

MUNGSHIKHÜN 50:22

Kheakü ha lümakheahang, nüsa Thrünpuh mihrü, jude yungsho inü nüsa adütre kamde ayihthünakbah, tüsho nüsa bekhitrü she mülade alabah:

ISAIA 1:7

Nüsa lomi zhikrangkhündo lah, nüsa kiutobo monü taka lah; nüsa mikinü khiungkerünü nüsa lo thsümünimdo; khiungkerünü lahyuka bahkhinü zhikrangkhündo lah.

ISAIA 14:17

shepünü alomiküp loshelo nangde kamshih tüsho kiutobo yanabahkhea, shepünü nihbuh aramrübo thüyam lim müyüshihkhea?

ISAIA 18:2

limburü Nile chingnü, sangküp-sangkung ching kenü kheaknü arüshihchoh! Yüang, nüsa athrikhi yunithsürübo, ashang tüsho küp-shahshah trükshih kilim, aphüni tüsho limshu ching trede alakhi mihtsürü kilim, wu-sühmüh lakhi tüsho akuk ngükhi trükshih kilim, shepü lomi ayungbonü chamnakbah la.

ISAIA 24:18

Mihtrebe düsheak sobah sherü tsochonü shingkung ching keamyukbah; tüsho sherü shingkung chingnü künkhitchonü qimürip ching phuhbah. Tümüde thüning ayinripitbo khimshuhlah, tüsho alomi khimtan ajanchoh.

ISAIA 24:22

Arübo shingkung ching aramrü nangde rukhüh bemukhungbah; arübo rihyam ching rihdobah, tüsho nimung ahihdo dunglim thsümüchibah.

ISAIA 24:3

Alomi ju shahde akeangkeang kamshihbah tüsho shahde athsümünimbah; tümüde Atungpuhnü ha yu asukdo.

ISAIA 36:1

Kiulongthsüpuh Hezekia kam thürükheak phüyipü ching, Asiria Kiulongthsüpuh Sennakeribnü chipi ayünkhi Juda kiuto alala yanpü atu tüsho yankhit.

ISAIA 42:23

Nüsa bolung shepünü ha aniba, shenü arüba tüsho arübe kim thsungkheak aniba?

ISAIA 42:7

müktukrü mük khimshuhpü, amiting rihyam chingnü aramrü bekhitpü.

ISAIA 45:13

Inü thiyuro-lungki ching Sairus asürüshihdo, tüsho inü api limro alala mukhiungshihbah; apinü I kiuto thsübah tüsho I yo ramtsorübo zuzu thsüde dükhebah, adün yungsho thsambah thsungkheak yung, Wuto Atungpuhnü thachoh.

ISAIA 5:29

Arü arungkhi kekhüzü nangde arungchoh; arünü ahukchoh tüsho shih ramchoh, arünü lude tsochoh, tüsho shenü müyankhikhuk.

ISAIA 51:23

Tüsho inü ju nü thsümüchirü khah ching yukjihbah, shepünü nü ki tha, “Mükhümang, junangde isanü nü kheak tsahanü;” tüsho nünü nü düthsün ju atsahpung lo nangde tüsho arü thsungkheak kiudunglimro nangde kamshih.

ISAIA 56:9

Nüsa mütüm shiwüh alala, murung ching mütüm shiwüh alala, amuyupü arang!

JEREMIA 50:17

Israel a kekhüzünü namfimihnu yanmüzütkhi nangde lah. Akhuhde Asiria kiulongthsüpuhnü api muyu, tüsho kheakü akheam ching Babilon kiulongthsüpuh Nebukednezarnü arobo mutro.

JEREMIA 52:31

Juda kiulongthsüpuh Jehoiakin ramtso ching lakhi kam samrükheak thünepü, khinu thürükheak mahne, nimung mukukheak phüngü nipü, Babilon kiulongthsüpuh Evil-merodaknü api kiulongthsü atankih kam, Juda kiulongthsüpuh Jehoiakin ki amuzho huh tüsho rihyam chingnü api bekhit;