ISAIA 42:2 - AMÜSÜH HÜM CL Bible (BSI)

² Apinü müzhi yungsho api düsheak müchang yungsho kiudunglimro ching musoshih;

ISAIA 42:2 Iomraidhean Croise

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 42:3

kiupung akhürang apinü müyihshak tüsho rerede atrukhi tsün müyihmüt; apinü thülünde thiyuro hande arübah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 11:29

I sangkap lubah nüsa kheak yihkihang tüsho I kheaknü anikhitang, tümüde I tsüyihrü tüsho mulong athünak, tüsho nüsa me sühakhim ngübah.

LUKNÜ ATHRÜTKHI THIYUSHEAK-ATSÜ HUHTANYU 17:20

Pharisirünü Thrünpuh kiulongthsü küyimki arüba de api ki keokhichoki, apinü arü ki alo tüsho tha, “Thrünpuh kiulongthsü ju angüpü thsüde marü,

2 TIMOTHI 2:24

Tüsho Atungpuh tankihrünü a murukachihbeah tüshe mihbüm aban ki muzhode, thsangyurü thsüpü thülünde arümkheam,

1 PETER 2:23

Küyimki api luhkheanü, apinü muluhlo; küyimki api thsünükheanü, apinü mümüzün; tüsho thiyuro mahkhapbuh kheak apinü mulonglam la.