ISAIA 42:16 - AMÜSÜH HÜM CL Bible (BSI)

¹⁶ Inü müktukrü arünü mümükheahkhi limronü abebah, arünü mümükheahkhi tsahpung ching limbebah. Inü arü müngüh amitingnü ayin kamshihbah, mutromutruk dangpungbo alo arih kamshihbah. Harü ha inü arhimobebo lah tüsho inü harü mübahyuk.

ISAIA 42:16 Iomraidhean Croise

MUNGSHIKHÜN 94:14

Tümüde Atungpuhnü api mihtsürü yana mübah, yungsho api yamrüplurüp mübahyuk.

T H S AN GYU T H S AN GR ARÜ 1:15

Tümü khürangdo lanü mümukhiungshihkhuk, tüsho tümü mülade lanü mükhekhuk.

T H S AN GYU T H S AN GR ARÜ 7:13

Thrünpuh rhimo lümakheahang; apinü khürangshihkhi shepünü mukhiungshihpü kukla?

ISAIA 26:7

Thiyuro-lungki limro arihlah; O Thiyuro labuh Khülang, nünü thiyuro-lungki limro arihde kamshih.

ISAIA 29:18

Ju nimung nükhünpeangrünü thrütqiu yubo sobah, tüsho azhingdokhi tüsho amiting chingnü müktukrü müknü angübah.

ISAIA 29:24

Tüsho sherünü me ching lakmih-a lanü anikhitkhi ching arübah, tüsho sherünü arhunganimchonü thsangdankhi leangkhibah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 30:21

Tüsho küyimki nüsanü tsülim yungsho huzulim rholoba, nüsa nükhünnü nüsa dunglim thakhi yu sobah, “Ha limro ah; ju ching tsahang.”

ISAIA 32:3

Judüki mük larübo müyihdo, tüsho nükhün kihrübonü anibah.

ISAIA 35:5

Judüki müktukrü mükbo khimshuhbah tüsho nükhünpeangrünü asobah;

ISAIA 35:8

Ju ching limto khülang labah tüsho ju Amüsüh Limro de ajibah; mümüsühkhinü ju kheak mütsah, tüshe ha Thrünpuh mihtsürü thsungkheak labah; hantsahrü, makharünü she mütsahmih.

ISAIA 40:4

Jindükhün aban shuhkihbah tüsho awung le amujuk aban keamkhishihbah; mutromutruk lo arihde akambah, tüsho keamkhikeamyuk dangpungbo shahshah akambah.

ISAIA 41:17

Küyimki zhochihrü tüsho müthsümülarünü ke yimba, tüshe ju ching mülaba, tüsho kethürinü arü mulo kungba, I Atungpuhnü arü ki alobah, I Israel Thrünpuh nü arü mübahyuk.

ISAIA 41:3

Apinü arü müshamchoh tüsho tsüde shanchoh, api jingnü limro phütdü lang qiuchoh.

ISAIA 45:2

I nü müngüh yübah tüsho awungbo keamarihshihbah, inü müwayinchi khimdopübo lakthünakbah tüsho yinchi-khrihbo yihshakbah,

ISAIA 45:7

Inü ayinatrüm kamshih tüsho amiting thrünchoh, inü müngühmühi tüsho thsümütsü thrünchoh; I Atungpuhnü ha alala thsüchoh.

ISAIA 48:17

I Atungpuhnü ha thachoh, nü Rhokhitrü, Amüsüh Israel Thrünpuh: shepünü nü tsüpü thsungkheak thsangyucho, shepünü nü yüpü lakhi limro ching nü becho, I Atungpuh nü Thrünpuh.

ISAIA 52:12

Tümüde nüsa niokheamde muwukhiuk, tüsho nüsa shande müyüzah; tümüde Atungpuh nüsa müngüh yübah tüsho Israel Thrünpuh nüsa dunglim aheangrü thsübah.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 58:10

nünü tsühyungpü akhümrü kilim jihsho tüsho thsünürü yihnüpü reangkeamshihsho, nü yo ayin amiting ching tahbah tüsho nü yo amiting ju animuro nangde alabah.

ISAIA 62:12

Arübo ki “Amüsüh Mihtsürü, Atungpuhnü Rhokhitkhi” de ajibah; tüsho nü ki “Ayimkhitkhi, Mübahyukkhi Kiuto” de ajibah.

EZEKIEL 14:23

Nünü arü limrobo tüsho arü rhimobo ngüchoki nü mulong shukheambah, tümüde amütsan mülade ju ching inü tümü mürhimokhi nünü mükheahbah. Wuto Atungpuhnü thachoh.

HOSEA 2:14

Jumonü, kheakü inü alibe münitbah, tüsho anihbe sunglo ching bede yüzahbah, tüsho alibe ki muzhode athabah.

HOSEA 2:6

Jumonü inü anihbe limro ayangbonü arhamdobah; tüsho anihbe ki rhünü akhiungdobah, junangde anihbe limro müngükhuk.

AMOS 5:8

Shepünü chirhangshuhrü tüsho yamungshuhrü thrünkhea, tüsho zhingdoa amitingkhi ju yapsu kamshihkhea, tüsho animung ju azhing kamshihkhea, Shepünü keto kebo jikhea tüsho alo kheak dungkhitkhea, Atungpuh ju api mung,

LUKNÜ ATHRÜTKHI THIYUSHEAK-ATSÜ HUHTANYU 3:5

Jindükhün aban adangmibah, müzüng tüsho awung aban arihde akambah. Akhürang limrobo mukhiungarihdo akambah, dükukthuruk limrobo shahshah akambah.

YUNIRÜBO RHIMO 26:18

arü mükbo khimshuhbah amiting chingnü ayin lim tüsho Arimri wu chingnü Thrünpuh kilim rholoshihpü lah, junangde arünü neak bahkhi tüsho I kheak akin hode atsangkhitkhi nüsa bolung lapung leangkhibah.’

EFISIA 5:8

tümüde nüsa khülangki amiting ching lakheah, tüshe kheakü nüsa Atungpuh lung ayin ching lah; ayin tsührübo nangde laang

IBRI 13:5

Sho muzhokhi chingnü nü rhangdung zuzu laang, tüsho nü tümü lanü ju kheak reangkeamang; tümüde apinü tha, “Inü küyimkishe nü müdükhe yungsho nü mübahyuk.”

JIHUSUA 3:4

junangde nüsa yüpü limro nüsanü amükheahbah tümüde nüsa püpüki ha limro arüamükheah, tüshe tangzüng sangdan phünide düyü; kilomitir 1 ngüm ching tsahang.”

1 PETER 2:9

Tüshe nüsa amokhitkhi trük, kiulongthsü amükeamrü, amüsüh trükshih, Thrünpuh mihtsürü, junangde amiting chingnü nüsa amüyinsahbe ayin ching jikhitkhi amüyinsahbe api rhimobo nüsanü akhipkhitbah.