ISAIA 42:14 - AMÜSÜH HÜM CL Bible (BSI)

¹⁴ Kim ashangkhüh inü mungtsü zodo, inü zhikde lado tüsho tukloa lado; kheakü inü aliberü zübe-thsünükhi nangde inü azhikhitbah, inü sheak dükipbah tüsho sheak thsübah.

ISAIA 42:14 Iomraidhean Croise

JOB HU H T ANYU 32:18

Tümüde I a thiyubonü milah; I kheak lakhi menü I athsungchoh.

JOB HU H T ANYU 32:20

Inü asukbeah, junangde I sheak akhimbah; inü I münküp khimshuhbah tüsho alobah.

MUNGSHIKHÜN 50:2

Thülünde akhamkhi Zion chingnü, Thrünpuhnü tah-a arüshihchoh.

MUNGSHIKHÜN 50:21

Nünü harü rhimodo, tüsho inü zhikde la; I ju nü ruk ah de nünü lüm; tüshe inü nü thürühbah, tüsho jurübo nü miki akhin akhinnü azobah.

ISAIA 30:18

Jumonü Atungpuhnü nüsa ki müthsümpü aleangchoh; nüsa ki amüthsüm huhpü api asürübah. Tümüde Atungpuh ju thiyuro Thrünpuh; api aleangrü alala müngühmühi.

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

ISAIA 64:12

Ha alala dunglim, nü tukloba de, O Atungpuh ? Nü zhikde alaba de, tüsho isa khitode thsümüchiba de?

ISAIA 65:6

Kheahang, I miki ha thrüta lah: Inü zhikde müla, tüshe inü athrihlobah; atsütsü inü nü ki samde athrihlobah,

JEREMIA 15:6

Nünü I bahyukdo, Atungpuhnü thachoh, nü dunglim peang yüchoh; jumonü nü azhihde I khah chungkhitkheah tüsho nü thsümünim– tümütüsho I bukakhiukkhi danlopü keaka lakheah.

JEREMIA 4:31

Tümüde azoberü thsünüchoki nangde azhikhi khülang inü sodo, anihbe tsührü atuzuk zübechoki nangde, Zion azhikhinü sheak dükipchoh, anihbe khah chungkihchoh, “ I ayokhe! I mihkhukrü miki sheshihchoh!”

JEREMIA 44:22

Nüsanü amütsü rhimokhibo tüsho nüsanü athraneanbe yihbeakkhi Atungpuhnü marümkhuk; jumonü nüsa lomi azhikkhi tüsho athsümünim tüsho muthrumünean, mihtsürü mülade, khihni ha nangde kamshihbah.

LUKNÜ ATHRÜTKHI THIYUSHEAK-ATSÜ HUHTANYU 18:7

Thrünpuhnü apinü amokhitkhi animung tüsho are api ki zhirü mahmükhapjihba de? Apinü arü ki aruhba de?

2 PETER 3:15

Isa keoniorü Paulnü, Thrünpuhnü api kilim jihkhi lümlung hode nüsa kilim thrütkhi nangde, Atungpuhnü arümkheamkhi ju akhümkhit ah de lümang.