ISAIA 41:8 - AMÜSÜH HÜM CL Bible (BSI)

⁸ Tüshe nü, Israel, I yamlarü, Jakob, shepü inü mokhitkhea, I müyambuh Abraham tsührü;

ISAIA 41:8 Iomraidhean Croise

1 KIUTHSÜYUKHEAN 16:13

O api yamlarü Israel tsührü, Jakob tsührübo, apinü amokhitkhibo.

2 KIUTHSÜYUKHEAN 20:7

O isa Thrünpuh, nünü ha lomi ching larü nü mihtsürü Israel müngühnü yankhit, tüsho ju nü müyambuh Abraham tsühsoniusobo kilim lün thsungkheak jihkhi yung de?

MUNGSHIKHÜN 105:6

O api yamlarü Abraham müjih, nüsa Jakob tsührübo, apinü amokhitkhibo!

MUNGSHIKHÜN 135:4

Tümüde Atungpuhnü anihbuh thsungkheak Jakob, büthsükhi api rahpung thsüpü Israel mokhitdo.

MUNGSHIKHÜN 136:21

tüsho arü lomi yamrüplurüp thsüde jih, tümüde api amüthsüm lünnü rünkhiungde lah;

MUNGSHIKHÜN 136:22

api yamlarü Israel kilim yamrüplurüp, tümüde api amüthsüm lünnü rünkhiungde lah.

MUNGSHIKHÜN 33:12

Apinü ayamrüplurüp thsüde mokhitkhi trükshih, shepü Thrünpuh ju Atungpuh lanü müngühmühi.

ISAIA 14:1

Tüshe Atungpuhnü Jakob kheak mihmüthsüm labah tüsho kheaküshe Israel mokhitbah, tüsho arü lomi ching lashihbah; khiungkerünü arü lung arihbah tüsho arünü Jakob yamkhün lung labah.

ISAIA 29:22

Jumonü Abraham rhokhitbuh Atungpuhnü Jakob yamkhün dünkheak ha thachoh: Kheaküa Jakob machih, api miro mümürüm.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 42:19

Shepü mük tuka la tüshe I yamlarü, yungsho nükhün peanga inü athiyikhi yunithsürü nangde la? Shepü inü müsükhitkhi khülang nangde müktuk a, yungsho Atungpuh yamlarü nangde müktuk a?

ISAIA 43:1

Tüshe kheakü Atungpuhnü ha thachoh, shepünü nü thrünkhea, O Jakob, shepünü nü kamshihkhea, O Israel: Dütre, tümüde inü nü rhokhit; inü nü mungnü ji, nü I yo.

ISAIA 43:10

Nüsa I yumütsan thsürübo, Atungpuhnü thachoh, tüsho inü mokhitkhi I yamlarü, junangde nüsanü mükheahbah tüsho I kinbah tüsho I api ah de anikhitbah. I müngüh thrünpuh sheshe mükamde alakheah, yungsho I dunglim sheshe müla.

ISAIA 43:5

Dütre, tümüde I nü lung lah; inü nü tsührübo aniakhiuklimnü bedarübah, tüsho aniyüzahlimnü inü nüsa bemukhungbah.

ISAIA 44:21

Harü lümkhitang, O Jakob, tüsho Israel, tümüde nü I yamlarü; inü nü kamshihkheah, nü I yamlarü; O Israel, nü inü mihamübah.

ISAIA 45:4

I yamlarü Jakob tüsho inü mokhitkhi Israel mung chingnü, inü nü mungnü jichoh; nünü I mümükheahkheah she inü nü mungnü jichoh.

ISAIA 48:12

I ki aniang, O Jakob, tüsho Israel, shepü inü ajikhea: I api ah; I akhuhbuh, tüsho I ashubuh.

ISAIA 49:3

Tüsho apinü I ki tha, “ Nü a I yamlarü, Israel, shepü kheaknü I müretahpü la.”

ISAIA 51:2

Nü buh Abraham tüsho nü zübebe Sara kilim kheahang; tümüde inü api zangrü jikheah, tüshe inü api müngühjih tüsho api hihde kamshih.

ISAIA 63:16

Tümüde nü isa abuh, Abrahamnü isa mümükheahkheah she tüsho Israelnü isa mümütsantsan she; nü, O Atungpuh , isa abuh lah; adüsonü isa Rhokhitbuh ju nü mung ah.

JEREMIA 33:24

Nünü mihtsürübonü harü thakhi manikhit de, “Atungpuhnü mokhitkhi yamkhün mahne apinü bahyukdo,” tüsho trükshih khülang mükhejihde künangde arünü I mihtsürü bahyukcho?

LEVI 25:42

Tümüde arübo I yamlarübo, inü Ijip lomi chingnü abekhitkheah, arü azhorü nangde ayinpü mukuk.

MALAKI 1:2

Inü nü muzhodo, Atungpuhnü thachoh. Tüshe nünü thachoh, “ Küde thsah nünü isa muzhokhi?” Esau ju Jakob akhiung yung de? Atungpuhnü thachoh. Tütüshe inü Jakob muzhodo

MATHI 3:9

tüsho nüsa küdah thsüde, ‘Abraham ju isa abuh ah,’ de athapü dülüm. Tümüde Thrünpuhnü harü lungbo kheaknü Abraham kilim tsührübo akhiukshihkhuklah de inü nüsa ki thachoh.

GALATIA 3:19

Dale tüsho yakzan dungtokhi ju tümü a? Alokhia lakhi müjih marüyi khiungde alakmihkhibo dünkheaknü ha yukajakkheah; tüsho yakzan ju limburü hode yunirünü jih.

YUZÜNGTHALO 10:15

Tüshe khihni lakhi nangde Atungpuhnü nüsa jipürü kheak mulong keamde muzho tüsho apinü arü tsührü-tsührübo, nüsabo trükshih alala kurungkheak mokhit.

YUZÜNGTHALO 14:2

Tümüde Atungpuh nüsa Thrünpuh kilim nüsa amüsüh mihtsürü ah, tüsho alomi mihtsürü alala kurungkheak lakhit atsübe Atungpuhnü api thsungkheak nüsa mokhit.

JAKOB 2:23

tüsho amüsühyu dünjide tha, “Abrahamnü Thrünpuh kin, tüsho api kilim thiyuro-lungki khejih”; tüsho api ju Thrünpuh müyambuh de ji.