ISAIA 41:29 - AMÜSÜH HÜM CL Bible (BSI)

²⁹ Yung, arü alala akeangkeang; arü rhimo tümü müla; harü sangthsübo ha akeangkeang pung tüsho ayingying lah.

ISAIA 41:29 Iomraidhean Croise

MUNGSHIKHÜN 96:5

Tümüde mihtsürü thrünpuhbo alala sangthsübo ah, tüshe Atungpuhnü thüningbo thrün.

ISAIA 17:8

arünü arü khahnü athsükhi kingaün sadambo mükheah, tüsho arünü arü yingkhingbonü athsükhi, Ashera sangthsü yungsho rhümthüneabe kingaün sadam wüntre müjih.

ISAIA 2:8

Arü lomi sangthsünü mide lah; arünü arü khahnü athsükhi, arü yingkhingbonü athsükhi ki khukningchoh.

ISAIA 37:19

tüsho arü thrünpuhbo mo ching takdo, arübo ju thrünpuhbo yunga lalashe mihtsürü khahnü athsükhi–sang tüsho lung–junangde arübo thsümünimdo.

ISAIA 41:24

Nü, atsütsü, tümü müla tüsho nü rhimo kakde akeangkeang; sherünü nü mokhitchonü athraneanbe lah.

ISAIA 46:7

Arünü ju dubuh kheak shuhkih-a hanchoh, arünü azopung ching zochoh, tüsho ju ching zhipchoh; ha ju chingnü matrütkhuk. Khürünü ju ki zhisho, malojih yungsho sheshe küpkhuk chingnü mükhümkhit.

JEREMIA 14:22

Sangthsübo khürünü tsüng arüshihkhukba de? Yungsho thüningbonü wungpütsüng akishihkhukba de? O Atungpuh isa Thrünpuh, ha nü yung de? Isanü nü kheak isa mulonglam zojihchoh, tümüde ha alala nünü rhimochoh.

JEREMIA 5:13

Wukihrübo ju apung lang ah, tümüde thiyu arü kheak müla. Ha arü kheak rhimobah!

HABAKKUK 2:18

Athsürünü athsükhi sangthsü, yungsho akeangyu thsangyukhi mejak tümü yihnüpü la? Tümüde athsükhitkhi ju thiyu masukde sangthsü khülang lalashe ha thsübuhnü ju kheak kinchoh!

ZEKARIA 10:2

Tümüde sangthsübonü akeangyu thachoh; tüsho müchitrünü akeangyu ngüchoh; milim-mirünü akeangyu michoh, tüsho akeangkeang ching mulong shukheamchoh. Jumonü mihtsürübo ju namfimihnu nangde rümde tsahchoh; arübo aneakrü mülakhinü küpkhukchoh.

MAHKHAPRÜ 18:17

Judüki lomi zütakheahrü mihtsürü phüngünü wutu tüsho yüzahbah asümkhi sangthsü, kingaünbe kukruk, yambuk sangthsü, tüsho anungkhi sangthsübo lu. Amükeambuh ju mihtsürü 600 thirithsü thsühnuk hanrü lung ripit ki zhip.

1 SAMUEL 12:21

tüsho alü mülabe yungsho mükhümkhitbe akeangkeang kukruk lim danguh, tümüde jurübo akeangkeang ah.