ISAIA 41:18 - AMÜSÜH HÜM CL Bible (BSI)

¹⁸ Inü achangbo kheak ayungbo, tüsho jindükhünbo ching kenübo khimshuhbah; inü sunglo ju kekhip khülang kamshihbah tüsho akunglo kenübo kamshihbah.

ISAIA 41:18 Iomraidhean Croise

MUNGSHIKHÜN 104:10

Apinü jindükhünbo ching yungzübo, tüsho awungbo dükeak ching ayungbo bukshihchoh.

MUNGSHIKHÜN 105:41

Apinü lungto khimshuh, tüsho ke bukkhit; ayung nangde akung dangpungbo ching buk.

MUNGSHIKHÜN 107:35

Apinü sunglo ju kekhipbo, tüsho akung lo ju ke bukpungbo kamshih.

MUNGSHIKHÜN 126:4

O Atungpuh , düjinglim ayung nangde isa aramrübo belode arang.

MUNGSHIKHÜN 46:4

Thrünpuh kiuto, Khide Achangbuh amüsüh yam ching asühpü hande arükhi ayung khülang lah.

ISAIA 12:3

Asühde akhümkhit kekhip chingnü nünü ke khipbah.

ISAIA 30:25

Tode alaksahkhi, aheangsadam lungkhi nimung ching awung mujuk tüsho awung achang kheak ke bukkhi ayungbo labah.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 33:21

Tüshe ju ching Atungpuh ju wüntre-müretah ching, ayungbo ato tüsho yungzübo lakhi dangpungbo, sangkung-tso mülade sangkung müyükhuk, yungsho sangkung amülak muhokhukpü lakhi ching isa thsungkheak labah.

ISAIA 35:1

Sunglo tüsho akung lo asühbah, loshelo asühachihbah tüsho apungbah; mumükin sangbün nangde,

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 48:21

Apinü arübo loshelo behochoki arü kemüthüri; apinü arü thsungkheak lung chingnü ke bukshih; apinü lung peangrüp tüsho ke bukkhit.

ISAIA 58:11

Atungpuhnü mutuklode nü bebah, tüsho atak dangpungbo ching nü yihnübebo reangkeamshihbah, tüsho nü robo düküngshihbah; tüsho nü a keduhkhi ayündo nangde, küyimkishe mubukde mülakhi kenü nangde alabah.

ISAIA 65:13

Jumonü Atungpuh Thrünpuhnü thachoh: I yamlarübo atsühbah, tüshe nüsa akhümbah; I yamlarübo ayungbah, tüshe nüsa kethüribah; I yamlarübo asühachihbah, tüshe nüsa achih ngüshihbah;

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

ZEKARIA 14:8

Ju nimung Jirusalem chingnü rhangdung kebo bukkhitbah, chamkhüh aniakhiuklim keto lim tüsho chamkhüh aniyüzahlim keto lim yübah; ha tsüngkam ching le muzhu ching mutuklode alabah.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 7:17

Tümüde kiulongthsü-binkiu phulung ching Namfimihnunu ju arü neakrü thsübah, tüsho apinü arhang kenü lim arü bebah; tüsho Thrünpuhnü arü mükbo chingnü chike nana bahjihbah.”

MAHKHAPRÜ 15:19

Jumonü Thrünpuhnü Lehi ching alokhün yahshungjih, tüsho ju chingnü ke akhiukbah apinü yung; tüsho api sühmüh arülobah düküngde kam. Jumonü apinü ju ki En Hakkore de ji, ju Lehi ching khihni khiungde lah.