ISAIA 41:16 - AMÜSÜH HÜM CL Bible (BSI)

¹⁶ Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 41:16 Iomraidhean Croise

MUNGSHIKHÜN 1:4

Mihbukmuyukbo jude yung, tüshe apungnü yünde atsokhi hirüp ruk ah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 17:13

Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

ISAIA 25:9

Ju nimung thabah, Kheangang, ha isa Thrünpuh ah; isa khümkhitshihpü thsüde isanü api aleangkheah. Ha isanü aleangkhi Atungpuh lah; isanü api akhümkhit ching asühanü tüsho asühachihanü.

ISAIA 28:5

Ju nimung Wuto Atungpuh ju müretah kuthran khülang labah, tüsho aningkhi api mihtsürü kilim akheahakham zhingzhing labah;

ISAIA 29:19

Azhihayihrünü Atungpuh kheak asühachihkhi rünkihbah, tüsho küpkhukrü mihtsürünü Israel Amüsühbuh Khülang kheak asühkhi labah.

ISAIA 29:5

Tüshe nü riri boto ju asungthulung shimshim nangde alabah, tüsho bukmüke yakzanshuhrü boto ju hitsüt phinkhi nangde alabah. Tüsho amülümkhi, zukleangnü,

ISAIA 35:10

Tüsho Atungpuh zuzu alodarübah tüsho khün thsüde Zion lim arübah; akheam mülakhi asühachihkhi arü ku kheak labah; arünü asühpü tüsho asühara ngübah, tüsho mulong rozhak tüsho sheak-dükip tsoabahbah.

ISAIA 40:24

Nükde arübo khimdo, nükde yangdo, nükde adungbonü alo ching aying chinyuk, küyimki apinü arü kheak yünkhea, arübo yiuhabah, tüsho chinthrümnü arübo lungjinim nangde hanbah tso.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 60:19

Kheaküa animuro ani ju nü yo ayin müthsü yungsho azhing ching khinunü nü kilim ayin mütah; tüshe Atungpuh lang akheam mülakhi nü yo ayin labah, nü Thrünpuh ju nü müretahkhi labah.

ISAIA 65:18

Tüshe inü athrünkhi ching lünnü asühbah tüsho asühachihbah; tümüde inü Jirusalem ju asühkhi thrünpü thsüchoh, tüsho ha mihtsürü asühpü labah.

JEREMIA 15:7

Inü arübo phürünü lomi chipiripitbo ching yüna bahdo; inü arü tüzhoshihdo, inü I mihtsürü thsümünimdo; arünü arü limrobo ching murholo.

JEREMIA 51:2

tüsho inü athrüprü Babilon ching yüshihbah, tüsho arünü anihbe thrüpbah. Küpkhuk nimung ching arünü anihbe azhihde thrip aban chingnü arüchoki anihbe lomi akeangkeang kamshihbah.

JEREMIA 51:20

Nü a I yo thirithsü yümlung, I yo keochih thsühnuk; nü shuhbah inü trükshihbo yümnakchoh; nü shuhbah inü kiulongthsübo thsümünimchoh;

JEREMIA 51:33

Tümüde Wuto Atungpuh , Israel Thrünpuhnü ha thachoh: Tsührübe Babilon a hinitpung ching nitkhi nangde lah, anihbe yimlupü kim nahde arübah.

DANIEL 2:35

Judüki yinchi, alo, müwayinchi, shotoyinchi, tüsho suna alala ju adütre kamde yihthünak tüsho muzhu rhimopung yo hitsüt nangde kam; tüsho apungnü jurü yünde tsoabah, junangde arü ru müngükhukde kam. Tüshe sangthsü kingkhi lung junü müzüng ato khülang kam tüsho alomi athrünkhi mi.

HOSEA 11:9

Inü I bukakhiukkhi mürhimo; inü Ephraim müthsümünimlo; tümüde I a Thrünpuh ah tüsho mihtsürü yung, nüsa bolung Amüsüh Khülang lah tüsho inü I bukakhiukde marü.

JOEL 2:23

O Zion zürübo, Atungpuh nüsa Thrünpuh lung asühang tüsho asühachihang; tümüde apinü thiyuro-lungkinü nüsa kilim mumükin tsüng jihdo. Apinü nüsa kilim suhdahde, mumükin tüsho mükheankim tsüng püpüki nangde arüshihdo.

MIKA 5:8

Tüsho trükshih bolung ching aningkhi Jakob, mihtsürü ahihdonü zündoa lakhi ju, mütüm shiwüh bolung kekhüzü khülang nangde, namfimihnu boto lung hode yüchoki junakkhi, abekhitrü she mülade adütre kamde thonakkhi kekhüzü nunu khülang nangde alabah.

HABAKKUK 3:18

tütüshe inü Atungpuh lung asühachihbah; inü I khümkhitrü Thrünpuh lung tode asühbah.

MATHI 3:12

Api khah ching phürü shuhlah, tüsho apinü rhimopung tsüde amüsühbah tüsho api jakam ching hi hanmukhungbah; tüshe apinü atsütbo a amümütbe mo ching takbah.”

ROMRÜ KILIM PAULNÜ ATHRÜTKHI KIHÜM HUHTANYU 5:11

Ju lang yung, tüshe shepü hode kheakü isa tsüarihkhi leangkhia la, isa Atungpuh Jisu Khrista hode Thrünpuh lung she isa asühachihchoh.

FILIPI 3:3

Tümüde isa ju me ching Thrünpuh kingaünrü, Jisu Khrista ching müretahrü, tüsho shih ching mulongram mülakhi thiyuro tsütabahkhi lah.