ISAIA 41:11 - AMÜSÜH HÜM CL Bible (BSI)

¹¹ Am, nü azhihde bukakhiukrü alala achih ngübah tüsho akinashu mülade akambah; sherünü nü azhihpü mürangchonü tümü mülade akambah tüsho adükheakbah.

ISAIA 41:11 Iomraidhean Croise

ABEKHIT 11:8

Tüsho nü yamlarübo alalanü I ki arübah athabah, ‘Nü tüsho nü lung yürü alala wukhiukang!’ Jushu I wukhiukbah.” Tüsho Pharao mikinü apinü khide bukakhiukde wukhiuk.

ABEKHIT 12:29

Ijip ching adüjirü kiulongthsübinkiu kheak binkhi Pharao tsührünü rhede aramrü amiting ching larü adüjirü tüsho akhuh anukhi shiwüh Atungpuhnü tsüngphulung ching laksah.

ABEKHIT 23:22

Tüshe nüsanü api düsheak anisho tüsho inü asukkhi alala rhimosho, nüsa riri ki I thiriri thsübah tüsho nüsa azhihrü ki azhihrü thsübah.

ISAIA 17:13

Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

ISAIA 29:5

Tüshe nü riri boto ju asungthulung shimshim nangde alabah, tüsho bukmüke yakzanshuhrü boto ju hitsüt phinkhi nangde alabah. Tüsho amülümkhi, zukleangnü,

ISAIA 29:7

Tüsho Ariel azhihde thirithsüpü trükshih boto alala, anihbe tüsho chipi azhihde thirithsüpü alala tüsho anihbe lümthsünü jihrü, milim khülang, tüsho are michih khülang nangde alabah.

ISAIA 29:8

Khümsahde alakhi mihtsürünü yimtsühde mibah ju ruk lang khümde asürükhi ruk, yungsho kethüri mihtsürünü ke yungde mibah ju ruk lang thüride, sühkeakeade asürükhi ruk, junangde Zion bede thirithsürü trükshih boto alala labah.

ISAIA 34:12

Arünü ju ching tümü kiulongthsü mung müji, tüsho yakzanshuhrü alala tümü mülade alabah.

ISAIA 40:17

Trükshihbo alala api miki tümü she müla; arübo ju apinü tümü mülakhi tüsho akeangkeang kheaknü anükbe khejihlah.

ISAIA 40:2

Jirusalem ki shukheamde asukang tüsho anihbe ki zhiang, junangde anihbe thirithsü kheamdo, anihbe mülimkhi shakdo, anihbe neak dünkheak mahne kinü Atungpuh khah chingnü leangkhido.

ISAIA 41:24

Nü, atsütsü, tümü müla tüsho nü rhimo kakde akeangkeang; sherünü nü mokhitchonü athraneanbe lah.

ISAIA 41:29

Yung, arü alala akeangkeang; arü rhimo tümü müla; harü sangthsübo ha akeangkeang pung tüsho ayingying lah.

ISAIA 45:24

Atungpuh kheak lang thiyuro-lungki tüsho sühmüh lah de arünü I dünkheak thabah; bukakhiukde api azhihrü alala api ki arübah tüsho achih ngübah.

ISAIA 49:25

Tüshe Atungpuhnü ha thachoh: “ Wutonü aramkhi she alubah tüsho bukmüke shih she abekhitbah; tümüde nü kheak shochihrü kheak inü shochihbah, tüsho inü nü tsührübo khümkhitbah.

ISAIA 49:26

Inü nü junorübo ki arü shih tsühloshihbah, tüsho arü thiyihnü yukhunü nangde amüshangbah. Judüki mihtsürü alalanü I Atungpuh nüsa Khümkhitrü tüsho nüsa Rhokhitrü, Jakob yo Wuto Khülang de amükheahbah.”

ISAIA 54:15

Khürünü nü zündosho, ju I kilimnü yung; sherünü nü zündobanü nü hode alungbah.

ISAIA 54:17

Nü azhihde athsükhi thsühnuk tümü she mütsüp, tüsho mahkhap ching nü azhihde athakhi yubo alala nünü alokhukbah. Ha Atungpuh yamlarü yamrüplurüp tüsho I kilimnü arü thiyuro-mütsan lah, Atungpuhnü thachoh.

JEREMIA 12:17

Tüshe trükshih khürünü manisho, inü shahde arukkhitbah, tüsho athsümünimbah, Atungpuhnü thachoh.

JEREMIA 2:3

Atungpuh kilim apinü yimlukhi akhuhbe sangaso Israel amüsüh lakheah. Ha tsührü alala amülim ngüde alakheah; thsümütsü arü kheak arü, Atungpuhnü thachoh.

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

ZEKARIA 12:3

Ju nimung mihtsürü alala thsungkheak inü Jirusalem ju lung amülang kamshihbah; ha shuhkihrü alala nihbuh zangrü khitode ayuribah. Tüsho lomi trükshih alalanü rukhüh thsübah ha azhihde arübah.

YUNIRÜBO RHIMO 16:39

jumonü arünü arübah ane ki neak kheang, tüsho arünü ane bekhitbah kiuto bahbah atsopü tha.

AMIKHEAKAKHIUKKHI 3:9

Arimri sinagog ching larübo, arü Jihudarü ah de akeangyu tharü nü jing ki khukningshihbah tüsho inü nü muzhokhi mükheahshihbah.