ISAIA 41:10 - AMÜSÜH HÜM CL Bible (BSI)

¹⁰ dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 41:10 Iomraidhean Croise

THRÜNTAN 15:1

Ha dunglim Atungpuh yu michih khülang ching Abram kilim arüde tha, “Dütre Abram. I nü tsung, khide ato nü thsambah ah.”

THRÜNTAN 26:24

Ju tsüngre Atungpuh api ki akhiuk tüsho tha, “I nü buh Abraham Thrünpuh ah; dütre, tümüde I nü lung lah. Inü I yamlarü Abraham thsülimnü nü müngühjihbah tüsho nü tsühsoniusobo bushihbah.”

THRÜNTAN 31:5

tüsho ane ki tha, “Inü nüke abuh yakli I kheak püpüki kheaknü büthsüde ngüchoh; tüshe I buh Thrünpuh I lung lakheah.

THRÜNTAN 49:24

Tüshe Jakob Thrünpuh Wuto wu, namfimihnu neakrü, Israel kümdorü hode api sanglüh tsüde la, tüsho api khah düküngde kamshih,

2 SAMUEL 22:19

I thsümütsü nimung arübo I kheak arü, tüshe Atungpuh ju I angükihpung lakheah.

1 KIUTHSÜYUKHEAN 12:18

Judüki samrü yo akubeatobuh Amasai kheak me arü, tüsho apinü tha, “Isa nü yo, O David; tüsho nü lung lah, O Jesse tsührü! Mungtsü, nü kilim mungtsü, tüsho nü rungrü kilim mungtsü! Tümüde nü Thrünpuh ju nü rungbuh.” Judüki Davidnü arübo leangkhi, tüsho api bonungrü torübo kamshih.

2 KIUTHSÜYUKHEAN 20:17

Ha keochihpü ju nüsanü akeochihbe yung; nüsa zhippung thsakhamang, zhikde zhipang, tüsho nüsa thsung thsüde Atungpuhnü akukkhi kheahang, O Juda tüsho Jirusalem.’ Dütre yungsho mulong dünini; shido arü azhihde wukhiukang, tüsho A TUN GPU H nüsa lung labah.”

2 KIUTHSÜYUKHEAN 32:8

Api lung bekhi ju shih yo bonungrü ah; isa lung bekhi a Atungpuh isa Thrünpuh, isa rungpü tüsho isa thsung thsüde keochihjihpü lah.” Juda kiulongthsüpuh Hezekianü athakhi yubo hode mihtsürübo mulong tode kam.

MUNGSHIKHÜN 144:11

Khiungkerü khah chingnü I khümkhitang tüsho I bekhitang, shepü münnü akeangkeang yubo asukcho, tüsho shepü khah tsülim ju arükchih khah tsülim la–

MUNGSHIKHÜN 144:8

shepü münnü akeangkeang yubo asukcho, tüsho shepü khah tsülim ju arükchih khah tsülim la.

MUNGSHIKHÜN 145:14

Atungpuhnü akeamrü alala tholochoh, tüsho mükhüma larü alala bemusuchoh.

MUNGSHIKHÜN 147:12

Atungpuh shiang, O Jirusalem! Nü Thrünpuh shiang, O Zion!

MUNGSHIKHÜN 18:36

Nünü I khüp limro tode kamshih; junangde I jing mujuphah.

MUNGSHIKHÜN 27:1

Atungpuh ju I tsün tüsho I akhümkhit; inü she trepü la? Atungpuh ju I rhangdung sühmüh ah; inü she trepü la?

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

MUNGSHIKHÜN 33:12

Apinü ayamrüplurüp thsüde mokhitkhi trükshih, shepü Thrünpuh ju Atungpuh lanü müngühmühi.

MUNGSHIKHÜN 37:17

tümüde mihbukmuyuk binbo zhakbah, tüshe Atungpuhnü thiyuro-lungkirü tholochoh.

MUNGSHIKHÜN 37:24

Api lunga lalashe phapde müyap; tümüde Atungpuh khahnü api tholochoh.

MUNGSHIKHÜN 41:12

Nünü I rungbah, tümütüsho inü alungki rhimochoh; nünü I nü miki lünnü alashihbah.

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 63:8

I menü nü kheak kapkihchoh; nü khah tsülimnü I thololah.

MUNGSHIKHÜN 65:5

Thiyuro-lungki ching atrebe rhimokhinü nünü isa ki alobah, O isa akhümkhit Thrünpuh, alomi alala tüsho ketobo akheamnü nü kheak mulonglamchoh;

MUNGSHIKHÜN 99:4

Wuto kiulongthsüpuhnü she thiyuro muzhochoh; nünü alungki thsakhama zo; nünü Israel ching thiyuro tüsho thiyuro-lungki rhimo.

ABEKHIT 14:13

Tüsho Mosanü mihtsürübo ki tha, “Dütre. Düngde zhipang, tüsho Atungpuhnü nüsa khümkhitpü khihni rhimopü lakhi kheahang. Tümüde nüsanü khihni ngükhi Ijiprübo lünnü müngülo.

ABEKHIT 20:20

Tüsho Mosanü mihtsürübo ki tha, “Dütre; tümüde nüsa rüka kheahpü Thrünpuh arüdo, tüsho api trekhi nüsa miki labah, junangde nüsanü neak müyihbeak.”

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 35:4

Mulong ajande alarü ki thaang, “ Reangzahang, dütre! Ha ching nüsa Thrünpuh lah. Apinü atrebe thsüde athrihlopü royimjihpü arübah. Api arübah tüsho nüsa khümkhitbah.”

ISAIA 37:6

Isaia nü arü ki tha, “ Nüsa putungrü ki thaang, Atungpuhnü ha thachoh: Nünü asokhi Asiria kiulongthsüpuh yamlarübonü I luhmünekhi yubo dünkheaknü tre.

ISAIA 43:5

Dütre, tümüde I nü lung lah; inü nü tsührübo aniakhiuklimnü bedarübah, tüsho aniyüzahlimnü inü nüsa bemukhungbah.

ISAIA 44:2

Atungpuhnü ha thachoh, shepünü nü thrünkhea, shepünü nü nuyam chingnü kamshihkhea tüsho nü rungpü la: Dütre, O I yamlarü Jakob, Jeshurun, shepü inü mokhitkhea.

ISAIA 49:8

Atungpuhnü ha thachoh: Amulongkhi kim khülang ching inü nü ki alojihdo, akhümkhit nimung khülang ching inü nü rungdo; inü nü kümde zodo tüsho nü tangzüng khülang nangde lomi laloshihpü, thsümünima lakhi yamrüplurüp arünü alushihpü mihtsürübo kilim jihdo;

ISAIA 50:9

I rungbuh ju A TU N GPU H T H RÜ NPU H lah; shenü I amülim jihpü? Arü alala khim nangde amürhütbah; arinü tsühabahbah.

ISAIA 52:7

Awungbo kheak mungtsü zhiyukrü jing küdükhüh she akhamla, shepünü thiyusheak atsü handarücho, shepünü akhümkhit zhiyukcho, shepünü Zion ki thacho, “ Nü Thrünpuhnü kiulongthsüchoh.”

ISAIA 60:19

Kheaküa animuro ani ju nü yo ayin müthsü yungsho azhing ching khinunü nü kilim ayin mütah; tüshe Atungpuh lang akheam mülakhi nü yo ayin labah, nü Thrünpuh ju nü müretahkhi labah.

TÜZHOKHI 3:57

Inü nü jichoki nü phünide arükheah; nünü tha, “Dütre!”

DANIEL 10:12

Apinü I ki tha, “Dütre Daniel, tümüde nünü alü anikhitpü tüsho nü Thrünpuh miki azhihayihpü nü lümkhi jihkhi akhuhbe nimung chingnü, nü yubo sodo, tüsho nü yubo hode I arükheah.

DANIEL 6:16

Judüki kiulongthsüpuhnü thiyukhüm jih, tüsho Daniel bedarübah kekhüzübo yam ching jipyuk. Kiulongthsüpuhnü Daniel ki tha, “ Nünü thülünde tankihkhi nü Thrünpuhnü nü bekhitshang!”

HOSEA 1:9

Atungpuhnü tha, “Api mung Lo-ammi jiang, tümüde nüsa I mihtsürü yung tüsho I nüsa Thrünpuh yung.”

HAGGAI 1:13

Judüki Atungpuh yunithsürü Haggainü mihtsürübo ki Atungpuh yusheak asuk, I nüsa lung lah, Atungpuhnü thachoh.

HAGGAI 2:5

nüsa Ijip chingnü akhiukchoki inü nüsa ki alokhikhi nangde. I me nüsa lung lah; dütre.

ZEKARIA 10:12

Inü arübo Atungpuh kheak düküngde akamshihbah, tüsho arünü api mung ching tsahbah, Atungpuhnü thachoh.

ZEKARIA 10:6

Inü Juda yamkhün düküngde akamshihbah, tüsho Josep yamkhün inü khümkhitbah. Inü arü belode arübah, tümütüsho arü kheak I muzhokhi lah, tüsho arü ju inü mübahyukkhi nangde alabah; tümüde I ju Atungpuh arü Thrünpuh tüsho inü arü ki alojihbah.

ZEKARIA 13:9

Tüsho ha shihchamkhüh ju inü mo ching yukbah, khürünü shotoyinchi changkhitkhi nangde arü changkhitbah, tüsho suna taka kheahkhi nangde arü taka kheahbah. Arünü I mung jibah, tüsho inü arü ki alobah. Inü athabah, “Arü I mihtsürü ah;” tüsho arünü athabah, “Atungpuh ju isa Thrünpuh.”

LUKNÜ ATHRÜTKHI THIYUSHEAK-ATSÜ HUHTANYU 1:13

Tüshe yunirünü api ki tha, “Zakaria dütre, tümüde nü tamkhüntamnü sojihdo; nü niube Elizabethnü nü kilim tsührü khülang zübejihbah tüsho nünü api mung Johan de ajibah.

LUKNÜ ATHRÜTKHI THIYUSHEAK-ATSÜ HUHTANYU 1:30

Yunirünü alibe ki tha, “ Mari dütre, tümüde Thrünpuh kilimnü nü mihmuzho ngüdo.

ROMRÜ KILIM PAULNÜ ATHRÜTKHI KIHÜM HUHTANYU 8:31

Dale tüsho isanü ha küde athaba? Thrünpuh ju isa thsungkheak a sho, isa azhihrü she la?

2 KORINT 12:9

Tüshe apinü I ki tha, “Nü thsungkheaknü I amüthsüm suhdahde lah, tümüde reangmüzahkhi ching I wu khiukdahde kamshihdo.” I reangmüzahkhi dünkheak inü alü asühde kükheangbah, junangde Khrista wu I kheak labah.

EFISIA 3:16

junangde api müretah lakhitbo yande pang lung ching api Me hode sühmüh lade nüsa düküngshihbah,

YUZÜNGTHALO 20:1

“Küyimki nüsa thiriri azhihde keochihpü yübanü, tüsho khorabo le lolungbe tüsho mihtsürübo nüsa kheaknü hihde angübanü arübo dütre; tümüde nüsa Ijip lo ching bede atubuh Atungpuh nüsa Thrünpuh nüsa lung lah.

FILIPI 4:13

I sühmüh jihbuh hode inü lüpdükhi thsükhuklah.

JIHUSUA 1:9

Reangzahpü tüsho mulonglampü inü nü ki thiyukhüm jihdo de lümkhitang! Dütre tüsho mulong dünini, tümüde Atungpuh nü Thrünpuh, nü küching küching yüyü she nü lung lah.”

MAHKHAPRÜ 6:16

Tüsho Atungpuhnü api ki tha, “ Tsükjide I nü lung labah, tüsho nünü Midiarü mihtsürü khülang nangde akukbah.”