ISAIA 41:1 - AMÜSÜH HÜM CL Bible (BSI)

¹ Malande I ki aniang, O keyean lomibo; mihtsürübo arü sühmüh aso kamshang; arü arüshang, tüsho arünü asukshang; mahkhappü thsungkheak isa rukhühnü phünide aranü.

ISAIA 41:1 Iomraidhean Croise

JOB HU H T ANYU 38:3

Mihtsürü nangde nü chim rüma lung, inü nü ki keokhibah, tüsho nünü I ki alobah.

MUNGSHIKHÜN 46:10

Zhikde laang, tüsho I Thrünpuh ah de mükheahang; trükshih bolung I shuhkihbah, alomi ching I shuhkihbah!

ISAIA 1:18

Kheakü arang, isa rukhühnü lümakheahanü, Atungpuhnü thachoh: nüsa neakbo mürümdo lalashe, jurübo phürüm nangde alabah; jurübo neakrümde mürümrüm she, shihnam nangde akambah.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 34:1

Phünide arang, O trükshihbo, tüsho aniang; O mihtsürübo, nükhün muphoang! Alomi tüsho ju ching lakhi alalanü soshang; alomiküp tüsho ju chingnü arükhi alala.

ISAIA 40:31

tüshe sherünü Atungpuh aleangchonü arü sühmüh aso kambah, arünü müleangbo nangde ghibonü aphinbah, arünü alihbah tüsho mükeak, arünü atsahbah tüsho sühmükeakea.

ISAIA 41:5

Keyean lomibonü ngüdo tüsho trede lah, alomi akheambo ajanchoh; arü phünide arüdo.

ISAIA 43:26

I ki lümkhitshang, isanü mahkhappung yüanü; nüsa lümkhi jihang, junangde nüsa alim mütsanbah.

ISAIA 43:9

Trükshih alala rukhüh mukhungshang tüsho mihtsürübo mukhungshang. Arü bolung shepünü ha khipkhitkhukba tüsho atsokhibo thakhukba? Arünü mütsanmükhipü arü thiyumütsanbo hande arüshang, tüsho arünü soshang tüsho thashang, “Ha thiyuro.”

ISAIA 48:16

I ki phünide arang, ha aniang! Atankih chingnü inü ramde masuk, ha dünjipü lachoki I lakheah. Tüsho kheakü Atungpuh Thrünpuhnü api me bede I thiyikheah.

ISAIA 49:1

I ki aniang, O keyean lobo, tsüde aniang, nüsa limshu mihtsürübo! müzübechokinü Atungpuhnü I jikheah, I be nuyam ching lachoki apinü I mung jijihkheah.

ISAIA 50:8

shepünü I alim thsüjihchonü phünide lah. Shenü I ki azhihpü? Isa rukhüh zhipanü. I azhihrübo sherü a? Arü I ki arüshang.

HABAKKUK 2:20

Tüshe Atungpuh api amüsüh arüngyam ching lah; alomi alalanü api miki malande laang!

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.