ISAIA 40:7 - AMÜSÜH HÜM CL Bible (BSI)

⁷ Küyimki ju kheak Atungpuh sheaknü amütbanü, sangrung yiuhchoh, sangbün keamkhichoh; tsükjide mihtsürübo a sangrung ah.

ISAIA 40:7 Iomraidhean Croise

JOB HU H T ANYU 14:2

sangbün khülang nangde asürüchoh tüsho yiuhabahchoh, alamme khülang nangde tsochoh tüsho kheamabahchoh.

JOB HU H T ANYU 4:9

Thrünpuh sheak hode arü dükheakchoh, tüsho api bukakhiukkhi hode arü muyuabah.

JOB HU H T ANYU 41:21

Asheaknü mokhih takkihchoh, tüsho amün chingnü motru akhiukchoh.

MUNGSHIKHÜN 102:4

I mulong kingdo tüsho rim nangde yiuhabahdo, junangde I yikhap tsühpü inü mihchoh.

MUNGSHIKHÜN 103:15

Mihtsürü thsungkheak a, api nimungbo rim nangde lah; mütüm sangbün nangde api tsüde tochoh.

MUNGSHIKHÜN 103:16

Tümüde ju kheak apung yünchoh tüsho tsoabah, tüsho ju dangpung mülümkhitlo.

MUNGSHIKHÜN 90:5

Nünü arübo düchi nangde zünde tso; arübo milim khülang nangde lah. Yapsu arübo chinde yükihkhi rim nangde lah:

MUNGSHIKHÜN 90:6

ju yapsu tode abün pungkhitchoh; arelim ju kiushakchoh tüsho yiuhchoh.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 37:27

Küyimki ju ching larü sühmüh mülade mulong niniabahkhea tüsho neamneamde akamkhea, arübo ju thulu rim tüsho rim athünak, thüyam kumung kheak rim mütoyide thsümünimkhi nangde kam.

ISAIA 40:24

Nükde arübo khimdo, nükde yangdo, nükde adungbonü alo ching aying chinyuk, küyimki apinü arü kheak yünkhea, arübo yiuhabah, tüsho chinthrümnü arübo lungjinim nangde hanbah tso.

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

HAGGAI 1:9

Nüsanü ahihkhüh thsungkheak kheahdo, tüsho kheahang ha anikhüh arüdo; tüsho küyimki nüsanü ju thüyam lim hande arükheanü, inü müta tsoshih. Wuto Atungpuhnü thachoh, tümü thsükhea? Tümütüsho nüsa alala nihbuh yam ching athsümünim ching lah.

JAKOB 1:10

tüsho alarünü azhihayihkhi ching lashang, tümütüsho mütüm sangbün nangde api tsoabahbah.

JAKOB 1:11

Tümüde ani zhipzhip takde akhiukkhinü rim yiuhabahshihchoh; asangbünbo keamkhichoh, tüsho kheahtsübe dükheakchoh. Junangde alarü mihtsürü ju api shothsümolo yüchoki dükheakabahbah.