ISAIA 40:6 - AMÜSÜH HÜM CL Bible (BSI)

⁶ Düsheaknü tha, “Zhiang!” Tüsho inü tha, “ Inü tümü zhiba?” Mihtsürü alala sangrung ah, arü tsakamkhi ju thulu sangbün nangde lah.

ISAIA 40:6 Iomraidhean Croise

JOB HU H T ANYU 14:2

sangbün khülang nangde asürüchoh tüsho yiuhabahchoh, alamme khülang nangde tsochoh tüsho kheamabahchoh.

MUNGSHIKHÜN 102:11

I nimungbo ju ashangkhi me khülang nangde lah, tüsho rim nangde yiuhabahchoh.

MUNGSHIKHÜN 92:7

Küyimki mihbukmuyuk rim nangde mukhuhba, tüsho küyimki amülim rhimorübo akuk ngüba, ha arü lünnü athsümünimpü lah.

ISAIA 12:6

Achangnü zhiang tüsho asühpü khün thsang, O Zion ching larübo, tümüde nüsa bolung ato ju Israel yo Amüsühbuh Khülang lah.

ISAIA 37:27

Küyimki ju ching larü sühmüh mülade mulong niniabahkhea tüsho neamneamde akamkhea, arübo ju thulu rim tüsho rim athünak, thüyam kumung kheak rim mütoyide thsümünimkhi nangde kam.

ISAIA 40:3

Düsheak khülangnü zhichoh: “Sunglo ching Atungpuh limro thsakhamang, Loshelo ching Atungpuh isa Thrünpuh thsungkheak limto arihde thsakhamang!

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

ISAIA 58:1

Zhiang, dütuklo! Hulipungpung nangde nü düsheak shuhkihang! I mihtsürübo ki arü azhihkhi dünkheak zhiyukjang, Jakob yamkhün ching arü neakbo dünkheak zhiyukjang.

JEREMIA 2:2

Yüang tüsho Jirusalemnü sode zhiyukang, Atungpuhnü ha thachoh: Inü nü athunuchoki shuhmülanga jihkhi lümkhitchoh, akhuh yamkhün thsüchoki mümükheankhi lomi sunglo ching nünü I yankhi lümkhitchoh.

JEREMIA 31:6

Tümüde judüki nimung khülang aheangrünü Ephraim lomi wung ching jikhi labah: “Arang, isanü Atungpuh isa Thrünpuh kilim Zion ching wutuanü.”

HOSEA 5:8

Gibea ching shihjuh mütang, Rama ching hulipungpung mütang. Beth-aven ching arhunganim düsheak thsang; nü dunglim mürüngang, Benjamin!

ZEKARIA 1:14

Jumonü I ki asukachihbuh yunirünü I ki tha, Ha yusheak zhiyukang: Wuto Atungpuhnü ha thachoh: inü Jirusalem tüsho Zion thsungkheak khide mükthsülah.