ISAIA 40:5 - AMÜSÜH HÜM CL Bible (BSI)

⁵ Judüki Atungpuh müretahkhi akhiukbah, tüsho mihtsürü alalanü rukhühnü angübah, tümüde Atungpuh münnü asukdo.”

ISAIA 40:5 Iomraidhean Croise

1 KIULONG THSÜRÜ 14:11

Jeroboam betsührü shepü kiuto ching shebanü, khihnunü atsühbah; tüsho khürü mükeak ching shesho, thüning wuhnubonü atsühbah; tümüde Atungpuhnü asukdo.’

MUNGSHIKHÜN 102:16

Tümüde Atungpuhnü Zion thsülobah; anihbuh müretahkhi ching api akhiukbah.

MUNGSHIKHÜN 102:17

Apinü abahyukkhi mihtsürübonü tamkhüntamnükhi leangkhijihbah, tüsho arü tamkhüntamnükhi mükhemükim müthsü.

MUNGSHIKHÜN 72:19

Api müretahkhi mung lünnü shiang, tüsho alomi athrünkhi api müretahnü mishang. Amen tüsho Amen.

MUNGSHIKHÜN 96:6

Wüntre tüsho wüntre-müretah api miki lah; sühmüh tüsho jaktsü api arüngakopung lah.

MUNGSHIKHÜN 97:6

Yinmibonü api thiyuro-lungki khipkhitchoh, tüsho mihtsürü alalanü api müretahkhi ngüchoh.

ABEKHIT 16:7

tüsho yapsu nüsanü Atungpuh müretahkhi ngübah, tümütüsho Atungpuh azhihde nüsanü dapdapneangneangkhi apinü sodo. Ike tümü ah de nüsanü ike azhihde dapdapneangneangcho?”

ISAIA 1:20

tüshe nüsanü reanglosho tüsho azhihsho, nukshangnü nüsa muyubah; tümüde Atungpuh münnü asukdo.

ISAIA 11:9

Arü I yo amüsüh wung alala kheak müyuri yungsho müthsümünim; tümüde kenü keto zündokhi nangde Atungpuh mükheahkhinü alomi mide akambah.

ISAIA 26:15

Tüshe nünü trükshih alü kamshih, O Atungpuh , nünü trükshih alü kamshih; nü müretahdo; nünü lomi aredung alala jakihshihdo.

ISAIA 34:16

Yimang tüsho Atungpuh hüm chingnü kheang: Harü bolung khülang she mülakphah; sheshe drepung mabande müla. Tümüde Atungpuh münnü thiyukhüm jihdo, tüsho api menü arü bemukhungdo.

ISAIA 35:2

suhdahde apungbah tüsho asühde khün thsüde asühachihbah. Lebanon müretahkhi ju kheak jihbah, Karmel tüsho Sharon wüntre-müretah labah. Arünü Atungpuh müretahkhi, isa Thrünpuh wüntre-müretah ngübah.

ISAIA 40:4

Jindükhün aban shuhkihbah tüsho awung le amujuk aban keamkhishihbah; mutromutruk lo arihde akambah, tüsho keamkhikeamyuk dangpungbo shahshah akambah.

ISAIA 41:20

Junangde alalanü angübah tüsho mükheahbah, alalanü lümakheahbah tüsho anikhitbah, junangde Atungpuh khahnü ha rhimoa lah, Amüsüh Israel Thrünpuhnü ha thrüna lah.

ISAIA 49:6

Apinü tha, “Jakob trükbo bemusupü nü I yamlarü thsüpü tüsho Israel arhang larü belodarüpü ju khide athülih ah; inü trükshihbo ki nü ayin khülang nangde ajihbah, junangde I akhümkhitnü alomi akheam khiungbah.”

ISAIA 52:10

Atungpuh amüsüh khah trükshih alala miki akhiuka lah; tüsho alomi alalanü isa Thrünpuh akhümkhit ngübah.

ISAIA 58:14

judüki Atungpuh lung nünü asühbah, tüsho inü nü alomi achangbo kheak tsahshihbah; inü nüsa jipürü Jakob yamrüplurüpnü nü kipduhbah, tümüde Atungpuh münnü asukdo.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

ISAIA 60:1

Asürang, yinshang; tümüde nü yo ayin arüdo, tüsho Atungpuh müretahkhi nü kheak asürüdo.

ISAIA 66:16

Tümüde Atungpuhnü mo tüsho api nukshang hode mihtsürü alala kheak mahkhapbah; tüsho Atungpuhnü alaksahkhi ahihdo labah.

ISAIA 66:18

Tümüde inü arü rhimobo tüsho arü lümkhi mükheahlah, tüsho trükshih le thiyutha alala bemukhungpü I arüchoh; tüsho arünü arübah I müretahkhi ngübah,

ISAIA 66:23

Khinu aso tüsho amunimung aban, mihtsürü alalanü I miki kingaünpü arübah, Atungpuhnü thachoh.

JEREMIA 32:27

Kheahang, I Atungpuh , mihtsürü alala Thrünpuh; tümükhüh I thsungkheaknü khide chakla shi?

JEREMIA 9:12

Ha anikhitpü shepü lümlung khiukde la? Apinü akhipkhitshihpü thsüde shepü ki Atungpuh münnü asukkhea? Shenü mütsahhopü thsüde, sunglo nangde tümüde alomi thsümünima yapla?

JOEL 2:28

Ju dunglim inü alala kheak I me dungkihbah; nüsa tsührübo tüsho nüsa tsührübebonü müchitbah, azobuhrübonü milimbo mibah, tüsho athrününgtsüngbonü michihbo ngübah.

MIKA 4:4

tüshe arü alala arü nihbuh kurungaso tüsho khubasodung khüp binbah, tüsho shenü arü mütreshih; tümüde Wuto Atungpuh münnü asukdo.

HABAKKUK 2:14

Tüshe kebonü keto zhidokhi nangde, Atungpuh müretahkhi mükheahmudunü alomi mibah.

ZEKARIA 2:13

Mihtsürü alala Atungpuh miki zhikde laang; tümüde api amüsüh lapung chingnü api arüchoh.

LUKNÜ ATHRÜTKHI THIYUSHEAK-ATSÜ HUHTANYU 2:32

khiungkerü ki akhiuka huhpü ayin khülang, tüsho nü mihtsürü Israel müretah thsungkheak.”

LUKNÜ ATHRÜTKHI THIYUSHEAK-ATSÜ HUHTANYU 3:6

Tüsho mihtsürü alalanü Thrünpuh akhümkhit ngübah.’ ”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 12:41

Harü Isaianü api müretah ngüchoki tüsho api dünkheak asukchoki thakheah.

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

YUNIRÜBO RHIMO 2:17

‘Tüsho akheam nimungbo ching ha labah, Thrünpuhnü khipkhitchoh, junangde inü mihtsürü alala kheak I me dungkihjihbah, tüsho nüsa tsührübo le tsührübebonü müchitbah, nüsa tsührü athunurübonü michihbo ngübah, tüsho ashinbuhrübonü milimbo mibah;

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

AMIKHEAKAKHIUKKHI 21:23

Tüsho kiuto yinpü ani yungsho khinu yihnüpü müla, tümüde Thrünpuh müretahkhi ju ayin, tüsho Namfimihnunu ju tsün ah.