ISAIA 40:24 - AMÜSÜH HÜM CL Bible (BSI)

²⁴ Nükde arübo khimdo, nükde yangdo, nükde adungbonü alo ching aying chinyuk, küyimki apinü arü kheak yünkhea, arübo yiuhabah, tüsho chinthrümnü arübo lungjinim nangde hanbah tso.

ISAIA 40:24 Iomraidhean Croise

2 SAMUEL 22:16

Judüki keto rubo ngüde kam, Atungpuh bukakhiukkhinü, api nupung sheak akhiukkhinü, alomiküp khimtan aleangkheak kam.

2 KIULONG THSÜRÜ 10:11

Jumonü Jehunü Jezreel ching Ahab yamkhün aningkhi alala, limberü alala, mükheahachihrübo tüsho amükeamrübo, rhangdung lapü maningshihde laksahkham.

JOB HU H T ANYU 21:18

Küdükhüh ki lang arü apung müngüh müneang ruk laba, tüsho tsüngpungtsüngpungnü zünde atsokhi hitsüt ruk laba?

JOB HU H T ANYU 4:9

Thrünpuh sheak hode arü dükheakchoh, tüsho api bukakhiukkhi hode arü muyuabah.

JOB HU H T ANYU 8:17

Arü yingbonü lungmujuk mükamde hingchoh; arü ju lung bolung lapü kheahchoh.

MUNGSHIKHÜN 58:9

Arünü mümükheahyide rimbo nangde rhipa bahbah; Thrünpuhnü api bukakhiukkhi ching arü rhangdung lachoki yünde atsobah.

MUNGSHIKHÜN 83:13

O I Thrünpuh, arübo chitmühean asungthulung nangde, apung müngüh müneang nangde kamshang!

MÜCHITMUDU 1:27

küyimki nü atrebe chinthrüm nangde tüsho nü athsümünim chitmühean nangde, tüsho lümthsünü le tukmüsüp nü kheak arüba.

ISAIA 11:4

tüshe thiyuro lungkinü apinü zhochihrü mahkhapbah tüsho alomi ching azhihayihrü thsungkheak alungkinü khikzhakbah; apinü api mün tsonü alomi shikbah, tüsho amün sheaknü apinü mihbukmuyuk laksahbah.

ISAIA 17:11

nüsanü akhimkhi nimungnü jurü chinkihshihshih she, tüsho nüsanü mükheankhi yapsunü pungkhitshihshih she, tütüshe mulong tukthsü tüsho müthsüngube thsünükhi nimung khülang ching yimlupü mülade akambah.

ISAIA 17:13

Trükshihbonü ke ahihdo ahukkhi nangde ahukchoh, tüshe apinü arü müdanbah, tüsho arü awungbo kheak müneang apung müngüh yünkhi nangde tüsho chinthrüm müheankhi asungthulung nangde limshude atsobah.

ISAIA 30:33

Tümüde adüsonü Asiria kiulongthsüpuh takpü dangpung tsanglunga lah; atakpung ju asük tüsho aküngküng, mo tüsho atakbe-sang suhdahlah, ju takkihpü Atungpuh sheak motru ayung nangde thsükhitchoh.

ISAIA 37:7

Inü api kheak me yukjihbah, junangde apinü kiubuyu khülang sobah, tüsho anihbuh lomi lim rholobah; inü anihbuh khah ching yo nukshangnü api lungshihbah.”

ISAIA 40:7

Küyimki ju kheak Atungpuh sheaknü amütbanü, sangrung yiuhchoh, sangbün keamkhichoh; tsükjide mihtsürübo a sangrung ah.

ISAIA 41:16

Nünü arü yünbah tüsho apungnü hande atsobah, tüsho chinthrümnü arü yünmüzütbah. Judüki nünü Atungpuh lung asühachihbah; Amüsüh Israel Thrünpuh lung nü müretahbah.

ISAIA 41:2

Shepünü aniakhiuklimnü khülang asürüshihkhea, api tankihpü thiyuro ching jikhea? Apinü trükshihbo api kilim jih tüsho kiulongthsübo müphü khüp thrüm; apinü arübo api nukshangnü asungthulung nangde, api sanglühnü yüna tsoshihkhi müneang nangde kamshih.

JEREMIA 22:30

Atungpuhnü ha thachoh: Ha mihtsürü ha tsührü mülapü thrütyukang, api nimungbo ching akuk müngüpü mihtsürü; tümüde api tsührü shenü she David kiulongthsü-binkiu kheak binpü api tüsho Juda ching yakzan shuhpü api mümüthri.

JEREMIA 23:19

Kheahang, Atungpuh tsüngpungtsüngpung! Bukakhiukkhi tsodo, chitmühean khülang; ha mihbukmuyuk ku kheak keamkihbah.

HOSEA 13:15

Api keoniorü bolung lakhitde kamkam she, aniakhiuklim pung Atungpuh kilimnü arübah, sunglo chingnü ayükihbah; tüsho api kenü ngahabahbah, api yungzü kungabahbah. Junü api rahpung, shoto kukruk alala luabahbah.

HOSEA 13:3

Jumonü arübo ju yapsu shumuliu nangde yungsho mükikde kheamabahkhi ayinke nangde, rhimopung chingnü hitsüt yüna tsoshihkhi nangde yungsho ayinripit ching mokhüh nangde alabah.

NAHUM 1:14

Atungpuhnü nü dünkheak thiyukhüm jihdo: “ Nü mung lapü thsüde tsühsoniusobo müla; nü thrünpuhbo yam chingnü inü nü sangthsübo thsümünimjihbah. Inü nü kiuyuk thsübah, tümüde nü amo mülakhi lah.”

HAGGAI 1:9

Nüsanü ahihkhüh thsungkheak kheahdo, tüsho kheahang ha anikhüh arüdo; tüsho küyimki nüsanü ju thüyam lim hande arükheanü, inü müta tsoshih. Wuto Atungpuhnü thachoh, tümü thsükhea? Tümütüsho nüsa alala nihbuh yam ching athsümünim ching lah.

ZEKARIA 7:14

tüsho inü arübo arünü mümükheahkhi trükshih alala bolung chinthrümnü hiumüzütshih. Hanangde arünü abahjihkhi lomi ju zhika lakheah, junangde shenü yüla arüla müthsü, tüsho alomi atsü ju zhika lakheah.

ZEKARIA 9:14

Judüki arü kurungkheak Atungpuh akhiukbah, tüsho api hühzo chinchobe nangde ayübah; Atungpuh Thrünpuhnü hulipungpung khungbah tüsho düjinglim chinthrüm ching mikhuhlim yübah.