ISAIA 40:1 - AMÜSÜH HÜM CL Bible (BSI)

¹ Shukheamang, O I mihtsürü shukheamang, nü Thrünpuhnü thachoh.

ISAIA 40:1 Iomraidhean Croise

NEHEMIA 8:10

Kheakü thüyam lim yüang tüsho aniojiang. Nüsanü tsühyungpü musuhdahrü ki chamachihang. Khihni ha isa Atungpuh kilim amüsüh ah, jumonü mulong dütukthsü. Asühpü Atungpuh nü ajihkhi hode nüsa reangzahshihbah.”

MUNGSHIKHÜN 85:3

Nünü nü mulong zhipzhip alala lude tso; nünü nü bukmükekhi chingnü rholo.

MUNGSHIKHÜN 85:8

Atungpuh Thrünpuhnü tümü asukbanü inü anibah, tümüde apinü api mihtsürü tüsho amüsührü ki mungtsü asukbah; tüshe arü makhakhi lim dürholoshih.

T H S AN GYU T H S AN GR ARÜ 3:4

atrippü kim khülang, tüsho amünepü kim khülang; atüzhopü kim khülang, tüsho atsünpü kim khülang;

ISAIA 12:1

Ju nimung nünü athabah: Inü nü ki makshe jihbah, O Atungpuh , tümüde nünü I kheak bukakhiukkhiuk she, nü bukakhiukkhi rholode tso tüsho nünü I mulong shukheam.

ISAIA 3:10

Thiyuro larü ki arü kuhi lakhi thaang, tümüde arünü arü rhimokhi sangaso tsühbah.

ISAIA 41:27

Inü akhuhde Zion ki thakheah, Kheahang ju ching arü lah! tüsho Jirusalem ki thiyusheak atsü jihkheah.

ISAIA 50:10

Nüsa bolung shepünü Atungpuh trecho tüsho api yamlarü düsheak anicho, shepünü amiting ching tsahcho tüsho ayin müla, tütüshe Atungpuh mung ching kincho tüsho api Thrünpuh kheak düthsün angücho?

ISAIA 51:12

I, shepünü shukheamchonü api ah; dale tümüde ashepü lakhi mihtsürü trecho, mihtsürü khülang shepü rim nangde yiuhabahcho?

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

ISAIA 52:9

Rukhühnü khün thsüde zhiang, nü athsümünimkhi Jirusalem; tümüde Atungpuhnü api mihtsürü shukheamdo, apinü Jirusalem rhokhitdo.

ISAIA 60:1

Asürang, yinshang; tümüde nü yo ayin arüdo, tüsho Atungpuh müretahkhi nü kheak asürüdo.

ISAIA 61:2

Atungpuh mulongkhi kam zhiyukpü, tüsho isa Thrünpuh royimkhi nimung zhiyukpü; tüzhode alarü alala shukheampü;

EZEKIEL 16:42

Judüki nü azhihde I mulong zhipzhip keamlobah tüsho I mükthsü bukakhiuk nü kheaknü rholode atsobah; I azhihayihde akambah tüsho kheaküa bukmakhiuk.

ZEKARIA 1:13

Judüki Atungpuhnü I ki asukachihbuh yunirü ki muzhode tüsho ashukheam yubonü alo.

ZEKARIA 1:17

Zhiloang: Wuto Atungpuhnü ha thachoh: I kiutobo kheaküshe lakhitnü azhikhiukbah; Atungpuhnü kheaküshe Zion shukheambah tüsho Jirusalem mokhitlobah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

2 KORINT 1:4

shepünü isa thsümütsü alala ching isa mulong shukheamcho, junangde Thrünpuhnü isa mulong shukheamkhi junü thsümütsü ching larü isanü mulong shukheampü kukbah.

1 TESALONIKA 4:18

Jumonü harü yubonü khülangnü khülang mulong shukheamachihang.