ISAIA 4:6 - AMÜSÜH HÜM CL Bible (BSI)

⁶ Haju animung alam chingnü ku alampung tüsho alamme labah tüsho chinthrüm le tsüng chingnü tsoyukpung tüsho jikpung labah.

ISAIA 4:6 Iomraidhean Croise

MUNGSHIKHÜN 27:5

Küpkhuk nimung api lapung ching I jikshihbah; apinü arüngkhimyam phudobe khüp I jikshihbah, apinü I lungto khülang kheak changde azojihbah.

MUNGSHIKHÜN 55:8

tsüngpungtsüngpung tüsho chinthrüm chingnü atsokhipü inü aniokheambah.”

MUNGSHIKHÜN 91:1

Shepü Khide Achang ajik dangpung ching lachonü Wuto alamme khüp labah.

MÜCHITMUDU 18:10

Atungpuh mung ju aheangsadam adüküng lah; thiyuro-lungkirünü ju lim shande yüchoh tüsho khümkhitchoh.

ISAIA 14:32

Trükshih yunithsürü ki shenü tümü aloba? Atungpuhnü Zion thsükhitdo, tüsho api mihtsürü bolung küpkhukrü ju ching tsoyukbah.

ISAIA 25:4

Tümüde nü a zhochihrü tsoyukpung lakheah, küpkhukrü lümthsünüchoki tsoyukpung, tsüngpungtsüngpung chingnü kurampung tüsho atak chingnü alamme lah. Tsüngkam tsüngpungtsüngpung nangde mihmukhiuh sheak amütchoki,

ISAIA 30:30

Tüsho Atungpuhnü api wüntre-müretah düsheak soshihbah tüsho api khah akikhi ngübah; bukakhiukde, aniuabahbe motru, amo-shokhi, chinthrüm tüsho aru belah.

ISAIA 32:1

Kheahang, kiulongthsürü khülangnü thiyuro-lungki ching kiulongthsübah, tüsho yakzanshuhrübonü thiyuro ching yakzan shuhbah.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 8:14

Api ju arüngyam khülang labah; Israel yamkhün ane chido thsungkheak api jingmükhelung khülang labah– Jirusalem ching larü thsungkheak azheang tüsho qimürip labah.

EZEKIEL 11:16

Jumonü thaang: Wuto Atungpuhnü ha thachoh: Inü arübo trükshih bolung limshude yüshihshih she tüsho lomi bolung ching arü hiumüzütshihshih she, arü yükhi lomibo ching arü thsungkheaknü I arüngakopung khülang lakheah.

IBRI 11:7

Akin hode Noanü adünjipü lakhi müngüyia lalashe Thrünpuhnü athakhi yande api yamkhün khümkhitpü sangkung khülang thsü; ha hode apinü alomiküp bahyuk tüsho akin hode arükhi thiyuro-lungki yamrüplurüp lurü kam.

IBRI 6:18

junangde Thrünpuhnü akeangyu müthakhukbe, mümüthrikhukpü mungji mahne hode isa kilim jihkhi mulonglam kheak ramrihpü isa shande ayürü khide mulong toshihbah.

AMIKHEAKAKHIUKKHI 7:16

Arü kheaküa mükhüm yungsho kemüthüri; aninü yungsho alamlamnü arü mütak.