ISAIA 39:8 - AMÜSÜH HÜM CL Bible (BSI)

⁸ Judüki Hezekianü Isaia ki tha, “ Nünü asukkhi Atungpuh yu atsü ah.” Tümüde apinü lüm, “ I nimungbo ching mungtsü tüsho thiyuro labah.”

ISAIA 39:8 Iomraidhean Croise

2 SAMUEL 15:26

Tüshe apinü I kheak masüh-a lasho, I ha ching lah, apinü atsükhi I kheak rhimoshang.”

2 KIUTHSÜYUKHEAN 32:26

Judüki Hezekianü api mulong kükheangkhi, api tüsho Jirusalem ching larünü mulong rholode kam, junangde Hezekia nimungbo ching Atungpuh bukakhiukkhi arü kheak marü.

2 KIUTHSÜYUKHEAN 34:28

Inü nü nüsa jipürü lung bede ayübah tüsho nü nü kiuyuk ching mungtsü chingnü yüzahbah; inü ha dangpung tüsho ha ching larü kheak hande arükhi thsümütsü alala nü müknü müngü.” Arünü thiyusheak lubah kiulongthsüpuh kilim yülo.

JOB HU H T ANYU 1:21

Apinü tha, “I be nuyam chingnü I bünkeang arükheah, tüsho I bünkeang yülobah; Atungpuhnü jih, tüsho Atungpuhnü lude tsodo; Atungpuh mung müngühmühi thsüshang.”

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

TÜZHOKHI 3:22

Atungpuh amuzho adüküng küyimkishe mükheam, api mihmüthsüm küyimkishe mükheam;

TÜZHOKHI 3:39

Küde thsah arhang larü mihtsürünü arü neakbo dünkheak thsümüchikhi arünü atsanglopü?

LEVI 10:3

Jumonü Mosanü Aron ki tha, “Atungpuhnü athakhi ju ha: I phünide arürü abannü I müsühkhitkhi kheak wüntre jihbeah; tüsho mihtsürübo alala ki I müretahshihbeah.” Tüshe Aronnü düsheak makhiukde la.

ZEKARIA 8:16

Harü ha nüsanü arhimobebo lah: Mihtsürü abannü nihbuh yamhingrü ki thiyuro asukang; nüsa chipiripitbo ching thiyuro mahkhap jihang tüsho mungtsü thsüang,

ZEKARIA 8:19

Wuto Atungpuhnü ha thachoh: Khinu phüyi ching khümkeakkhi, phüngü ching khümkeakkhi, thüne ching khümkeakkhi, tüsho thürüpü ching khümkeakkhi ju asühachih tüsho asühara akheahmünchibo, tüsho Juda yamkhün thsungkheak asühkhi thüniobo labah: jumonü thiyuro tüsho mungtsü muzhoang.

1 PETER 5:6

Jumonü kim dükdü ching apinü nüsa shuhkihshihpü thsüde Thrünpuh wuto khah bukkhüp azhihayihang.

1 SAMUEL 3:18

Jumonü Samuelnü api ki alala tha tüsho api ki tümü she mümüyim. Tüsho apinü tha, “ Ha Atungpuh lah; apinü atsükhi thsüshang.”