ISAIA 39:6 - AMÜSÜH HÜM CL Bible (BSI)

⁶ Nü yam ching lakhi alala, tüsho nüsa jipürünü ha nimung khiungde zomukhungkhi Babilon ching hande ayüpü nimung arüchoh; tümü she maning, Atungpuhnü thachoh.

ISAIA 39:6 Iomraidhean Croise

2 KIULONG THSÜRÜ 24:13

Apinü Atungpuh yam rahpung, tüsho kiulongthsüpuh yam rahpungbo alala hanbah tso; ha alala Atungpuhnü müchitkhi nangde, apinü Israel kiulongthsüpuh Solomonnü athsükhi suna kukrukbo alala Atungpuh arüngyam ching lakhi adütre kamde kingthünak.

2 KIUTHSÜYUKHEAN 36:10

Mükheankim ching kiulongthsüpuh Nebukednezarnü api lung Atungpuh yam ching yo shoto pungphurubo bede lubah Babilon ching yü, tüsho aniurü Zedekia Juda tüsho Jirusalem kurungkheak kiulongthsürü kamshih.

2 KIUTHSÜYUKHEAN 36:18

Thrünpuh yam ching yo pungphuru alala, ato tüsho anini, tüsho Atungpuh yam rahpungbo, kiulongthsüpuh tüsho api yo atorübo rahpungbo, harü alala apinü Babilon ching lude yü.

JEREMIA 20:5

Inü ha kiuto lakhit alala, hi alala, shoto kukrukbo, tüsho Juda kiulongthsüpuh rahpungbo arü riri khah ching jihbah, arünü ju yankhia lubah, tüsho rama lubah, tüsho Babilon ching hande ayübah.

EZEKIEL 23:26

Arünü nü khimmihbo she züngkhia lubah tüsho nü yo mürelung atsübo lude atsobah.

DANIEL 1:2

Atungpuhnü Juda kiulongthsüpuh Jehoiakim tüsho Thrünpuh yam ching yo pungphuru khürü api khah ching jih. Apinü harü Shinar lomi ching handarü, tüsho pungphurubo ju api thrünpuhbo rahpung-yam ching zo.

DANIEL 1:3

Judüki kiulongthsüpuhnü api yam putungrü Ashpenaz ki Israelrü khürü kiulongthsü yamkhün tüsho mükheahmudurü chingnü bedarüpü thiyukhüm jih–