ISAIA 39:2 - AMÜSÜH HÜM CL Bible (BSI)

² Hezekianü arübo leangkhi; apinü arü ki api rahpung-yam, shotoyinchi, suna, thüneathürabe, shoto müdangke, thsühnuk alala, api kukruk-zowupung ching lakhi alala huh. Api yam ching yungsho api kiulongthsü alala ching Hezekia nü arü ki muhuhkhi tümü mülakheah.

ISAIA 39:2 Iomraidhean Croise

1 KIULONG THSÜRÜ 10:10

Judüki alibenü kiulongthsüpuh kilim suna khahngak 4000 akumung mungji aphuaphu ahihdo tüsho amo-achak lungbo jih; Sheba kiulongthsübenü kiulongthsüpuh Solomon kilim jihkhi mungji aphuaphu hadükhüh küyimkishe hande marüde alakheah.

1 KIULONG THSÜRÜ 10:15

ju yinzüyindorü tüsho shothsümolorü tüsho Arabia kiulongthsürü le lomi ching kovünorbo kilimnü arükhi ching yukrulah.

1 KIULONG THSÜRÜ 10:2

Alibenü maba-thsürü ahihdo lung mungji aphuaphu hankhi kemelbo, suna ahihdo, tüsho amo-achak lungbo hanbah Jirusalem lim arü; tüsho küyimki alibe ju Solomon ki arükhea, alibenü alüm ching lakhi alala api ki tha.

1 KIULONG THSÜRÜ 10:25

Mihbüm abannü thsambah, shotoyinchi kukrukbo, suna, khimmih, thsühnukbo, mungji aphuaphubo, khora, khoranunu, kam aban hihdakde lubah arü.

2 KIULONG THSÜRÜ 20:13

Hezekianü arübo leangkhi; apinü arü ki anihbuh rahpung-yam alala, shotoyinchi, suna, rhümthüneabe mungjibo, shoto müdangke, zülu, api kukruk zopung-yam ching lakhi alala huh; Hezekianü api yam ching yungsho api kiulongthsü ching muhuhkhi tümü she mülakheah.

2 KIUTHSÜYUKHEAN 32:25

Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

2 KIUTHSÜYUKHEAN 32:27

Hezekia lakhit ato tüsho wüntrepü lakheah; tüsho apinü anihbuh yo shotoyinchi, suna, shotolungbo, thüneathürabebo, tsungbo, tüsho amo achak kukruk alala thsungkheak rahpung-yam thsü;

2 KIUTHSÜYUKHEAN 32:31

Kheaküshe, Babilonrü limburü, lomi ching amütsan rhimokhi dünkheak keokhikeorashihpü arünü athiyikhi she, api mulong ching lakhi alala apinü mükheahpü thsüde rükakiakheahpü Thrünpuhnü api kheaknü akhin.

2 KIUTHSÜYUKHEAN 9:1

Küyimki Sheba kiulongthsübenü Solomon mungthukhi sokhea, alibenü api rük tsühpü akeokhikhi amüküpbo, boto ato tüsho arhümthünea hankhi kemelbo, suna ahihdo tüsho shotolungbo lubah Jirusalem ching arü. Küyimki alibe Solomon ki arükhea, anihbe lümkhi ching lakhi alala api ki asukachih.

2 KIUTHSÜYUKHEAN 9:9

Judüki alibenü kiulongthsüpuh kilim suna khahngak 4080, arhümthüneabe ahihdo, tüsho shotolungbo jih: Sheba kiulongthsübe nü kiulongthsüpuh Solomon kilim jihkhi arhümthüneabe nangde püpü mülade alakheah.

JOB HU H T ANYU 31:25

I lakhit tokhi yungsho I khah mikhi hode inü asüh-a lasho;

MÜCHITMUDU 4:23

Nü lümzülümdokhi kümkangang; tümütüsho ju kenü ah.

T H S AN GYU T H S AN GR ARÜ 7:20

Tsükjide shahde neak müyihbeakde atsü rhimopü alomi kheak khide thiyuro larü müla.

JEREMIA 17:9

Mulong ju alala kheaknü mülapmüjikhi lah tüsho athsüngupü münchi holah, shepünü ju anikhitkhukba?

2 KORINT 12:7

Amikheak akhiukkhi hihde angükhi hode I changde mülümshihpü, Arimri yunithsürü khülang, I thsümüchishihpü I pang ching ayang khülang jih.

1 JOHAN 1:8

Isa neak müla de isanü thasho, isanü küdah thsüde mülapyukchoh, tüsho isa kheak thiyuro müla.