ISAIA 39:1 - AMÜSÜH HÜM CL Bible (BSI)

¹ Ju kim ching Baladan tsührü Merodak-baladan Babilon kiulongthsüpuhnü kihümbo le thsambahbo mühahbah yunithsürübo Hezekia kilim yüshih, tümüde api tukthsübah angukhi apinü so.

ISAIA 39:1 Iomraidhean Croise

2 SAMUEL 10:2

Davidnü tha, “Nahashnü I ki thiyuro-amuzho huhkhi nangde inü api tsührü Hanun ki thiyuro-amuzho huhbah.” Jumonü Davidnü yunithsürü thiyia anihbuh abuh dünkheak mulong shukheamshihpü yüshih. Küyimki David yunithsürü Amonrü lo ching arükhea,

2 SAMUEL 8:10

Toinü api tsührü Joram kiulongthsüpuh David ki salüm tüsho makshe jihshihpü yüshih tümütüsho apinü Hadadezer bede keochihbah api kuk. Kheakü Hadadezernü Toi kheak ahihdo ki thirithsüde alakheah. Joramnü shotoyinchi, suna tüsho müwayinchi han;

2 KIUTHSÜYUKHEAN 32:23

Ahihdonü Jirusalem ching Atungpuh kilim thsambahbo tüsho Juda kiulongthsüpuh Hezekia kilim shoto kukrukbo lude arü, junangde ju kimnü rünbah trükshih alala miki api shuhkih.

2 KIUTHSÜYUKHEAN 32:25

Tüshe Hezekianü anihbuh kheak yihnüpü rhimokhi yande malo, tümüde api mulong kükheangde alakheah. Jumonü bukakhiukkhi api le Juda tüsho Jirusalem kheak arü.

2 KIUTHSÜYUKHEAN 32:31

Kheaküshe, Babilonrü limburü, lomi ching amütsan rhimokhi dünkheak keokhikeorashihpü arünü athiyikhi she, api mulong ching lakhi alala apinü mükheahpü thsüde rükakiakheahpü Thrünpuhnü api kheaknü akhin.

ISAIA 13:1

Amoz tsührü Isaianü Babilon dünkheak ngükhi müchityu.

ISAIA 13:19

Tüsho kiulongthsübo müretahkhi Babilon, Kaldea atsüdak tüsho mungthu ju Thrünpuhnü Sodom tüsho Gomorra dükheakshihchoki nangde akambah.

ISAIA 14:4

nüsanü Babilon kiulongthsüpuh azhihde ha mükhemükimbah: “ Küdükhüh she ajunorü arün thsüde! Küdükhüh she api mulong zhipzhip arün thsüde!

ISAIA 23:13

Kaldearü lomi kheahang! Ha mihtsürü kheakü mükheyukde lah; ha Asiriarünü mütüm shiwühbo khilim akhukheah. Arünü ayanpü aheangpungbo thsüa zhipshih, arünü anihbe kiulongthsürü-yambo thokheam, arünü anihbe athsümünimkhi kamshih.