ISAIA 38:3 - AMÜSÜH HÜM CL Bible (BSI)

³ O Atungpuh , inü nü ki mushuchoh, künangde I mulong athrünkhinü thiyuro lade nü miki tsahkhea, tüsho nü miki atsü rhimokhi kheakü lümkhitang. Tüsho Hezekianü düsüknimde trip.

ISAIA 38:3 Iomraidhean Croise

THRÜNTAN 17:1

Küyimki Abram kam 99 azorü lakheanü, Atungpuh api ki akhiuk tüsho tha, “I Wuto Thrünpuh ah; I miki tsahang tüsho lungkide laang.

THRÜNTAN 6:9

Ha Noa lün ah. Noa ju api lünbo ching thiyuro-lungki, khiukdahkhi mihtsürü lakheah, tüsho apinü Thrünpuh lung tsah.

1 KIULONG THSÜRÜ 15:14

Tüshe achang dangpungbo a lubah mutso. Judüalalashe Asa mulong a api rhangdung amuyung Atungpuh kilim thiyuro lakheah.

1 KIULONG THSÜRÜ 2:4

Judüki apinü I dünkheak asukkhi Atungpuhnü api yubo zobah: ‘Nü tsühsoniusobonü arü mulong athrünkhinü tüsho arü me athrünkhinü I miki thiyuronü nihbuh limro ching anide tsahsho, Israel kiulongthsü-binkiu kheak nü müthrirü mülade müthsü.’

2 KIULONG THSÜRÜ 18:3

Api jipürü Davidnü arhimokhi nangde apinü Atungpuh miki alungki rhimo.

1 KIUTHSÜYUKHEAN 28:9

“Tüsho nü, I tsührü Solomon, nü buh Thrünpuh mükheahang, tüsho lümkhi khülang tüsho akünkhi mulongnü api tankihang; tümüde Atungpuhnü sulüm aban yimchoh, lümkhi tüsho lümzülümdo aban mükheahchoh. Nünü api yimsho, api nünü angübah; tüshe nünü api bahyuksho, apinü lünnü nü bahyukbah.

1 KIUTHSÜYUKHEAN 29:19

I tsührü Solomon kilim nü yukhümbo, nü kiuthsü yukhüm, nü yakzan thsükhibo alala yande, inü tsanglunga lakhi arüngyam thsüpü thiyuro lümkhi jihang.”

1 KIUTHSÜYUKHEAN 29:9

Judüki mihtsürübonü asühachih tümütüsho arünü künsahde jih, tümüde arü lümkhi khülangnü Atungpuh kilim akeangnü jih; kiulongthsüpuh David she khitode asüh.

2 KIUTHSÜYUKHEAN 16:9

Tümüde api kheak thiyuro mulong larü düküngshihpü Atungpuh müknü lomi athrünkhi ngürilah. Nünü ha ching bünde rhimodo; tümüde kheakünü rünbah nü rithsübo labah.”

2 KIUTHSÜYUKHEAN 25:2

Apinü Atungpuh miki alungki rhimo, tütüshe thiyuro mulongnü yung.

EZRA 10:1

Ezranü tripde arüngyam miki khukningbahle tamkhüntamnüde harü neak alokhichoki, Israel boto athrürü, aliberü, tüsho azürübo api mükamde arübah tüzhode trip.

NEHEMIA 1:4

Küyimki ha yu sokheanü inü zuhyuka binbah trip, tüsho nimung khünikhüh tüzhode yinmi Thrünpuh ki khümkeak thsüde tamkhüntamnüpü tankih.

NEHEMIA 13:14

O I Thrünpuh I lümkhitang, nü arüngyam tüsho kingaün mukhung thsungkheak inü arhimokhi alala dübahjih.

NEHEMIA 13:22

Levirübo ki nihbuh zangrü müsühkhitpü tüsho Amuni müsühde azopü thsüde chipiripitbo aheangang de inü thiyukhüm jih. I lümkhitang, O I Thrünpuh, nü amüthsüm ato hode I kümang.

NEHEMIA 13:31

Kim dükdü ching taka kingaünshihpü thsüde atakbe sang, tüsho mihtsürübo thsungkheak hi akhuh yimlukhi le sangaso akhuh asokhi, kingaünbo jihchungshihpü tsanglungjih. O Thrünpuh, ha rhimo atsü thsungkheak I lümkhitjang.

NEHEMIA 5:19

O Thrünpuh, harü mihtsürübo thsungkheak inü atsü rhimokhi lümkhitjang de nü ki tamkhüntamnüchoh.

MUNGSHIKHÜN 101:2

Inü khiukdahkhi limro ching lümlung lade yakli huhbah. O, nü küyimki I kilim arüba? Inü I mulong khiukdahkhinü I yam ching tsahbah.

MUNGSHIKHÜN 102:9

Tümüde inü awahbo ju yikhap nangde tsühdo, tüsho I chikebo ayungbe lung düsahdo,

MUNGSHIKHÜN 119:80

Nü yakzan thsükhibo dünkheak I mulong mudomüra dülashih, junangde I achih müngüde alabah.

MUNGSHIKHÜN 16:8

Inü kamruhroro Atungpuh I miki lashihlah; tümütüsho api I khah tsülimpeang lah tüsho I matrüt.

MUNGSHIKHÜN 26:3

Tümüde nü muzhodakkhi I miki lah, tüsho inü nü ki thiyuronü tsahchoh.

MUNGSHIKHÜN 32:2

Mihtsürü shepü neak Atungpuhnü api azhihde mükhecho, tüsho shepü me ching mülapmüji mülanü müngühmühi.

MUNGSHIKHÜN 6:6

Ashearakhinü I khiabahdo, atripkhinü tsüngre aban I yapkiu chimkhitchoh; chikenü I kumükhambe chimkhita lah.

MUNGSHIKHÜN 6:8

Nüsa amütsü-rhimorü alala I kheaknü chamachihang; tümüde I tripkhi düsheak Atungpuhnü sodo.

ISAIA 38:2

Judüki Hezekia nü amiro rhü lim anguh, tüsho Atungpuh ki tamkhüntamnü:

ISAIA 38:4

Judüki Atungpuh yu Isaia kilim arü:

HOSEA 12:4

Apinü yunirü bede shochih tüsho kuk; apinü trip tüsho api amuzho yim; apinü Bethel ching Thrünpuh shoru, tüsho ju ching apinü anihbuh ki asuk.

JOHAN 1:47

Jisunü Nathanael api kilim arüde ngü, tüsho api dünkheak tha, “Kheahang, amülim mülakhi thiyuro Israelrü!”

2 KORINT 1:12

Tümüde isa kükheangkhi ju ha: isanü alomi ching tüsho nüsa miki, amüsühkhinü tüsho kinde kurhangkhinü, alomi lümlungnü yung tüshe Thrünpuh amüthsüm hode yakli huhdo de isa lümkhinü thiyumütsan lah.

YUZÜNGTHALO 6:18

Tüsho nüsanü Atungpuh mük ki küpü alungkia tüsho atsüanü ju rhimoang, junangde nüsa tsüde alabah, tüsho Atungpuhnü nüsa bebuhrü kheak thiyuchihchimkhi alo atsü ching nüsanü yübah amükühbah,

IBRI 5:7

Jisunü api rhangdung lachoki achangnü zhide tüsho chike bukde api khümkhitkhukpü labuh ki tamkhüntamnüde amushukhibo lakheah, tüsho apinü wüntre lade amushukhinü api ki sojih.

IBRI 6:10

Thrünpuh ju mulungkirü yung; apinü nü rhimo, api mihtsürü rungkhi tüsho mutukzhakde arü rungkhinü api ki amuzho huhkhi mihamübah.