ISAIA 38:18 - AMÜSÜH HÜM CL Bible (BSI)

¹⁸ Tümüde Ashe-lominü nü ki makshe müjihkhuk, ashekhinü nü müshikkhuk; sherü shingkung ching yüzahchonü nü thiyuro dünkheak mulong mülamkhuk.

ISAIA 38:18 Iomraidhean Croise

MUNGSHIKHÜN 28:1

O Atungpuh , I tsungdorü, inü nü ki jichoh; inü ajikhi anijang, nünü I ki malojihsho Ashe-lomi ching yüzahrü bolung I labah.

MUNGSHIKHÜN 30:9

“I alokhün ching yüzahsho, I shekhi ching tümü alü la? Asungthulungnü nü shiba de? Junü nü thiyuro lakhi thaba de?

MUNGSHIKHÜN 6:5

Tümüde ashekhi ching nü lümkhitpü müla; Ashe-lomi ching shenü nü shikhukpü?

MUNGSHIKHÜN 6:6

Ashearakhinü I khiabahdo, atripkhinü tsüngre aban I yapkiu chimkhitchoh; chikenü I kumükhambe chimkhita lah.

MÜCHITMUDU 14:32

Mihbukmuyuk ju nihbuh amütsü rhimo ching yana bah-a lah, tüshe thiyuro-lungkirü a api ashepü ching she tsoyukpung lah.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

WÜHKHE 16:33

Jumonü arü le arü lung lakhi mihtsürübo arhangnü alo khün ching yüzahbah; alonü arü hüpdoabah, tüsho arübo boto bolungnü dükheakabah;

MATHI 25:46

Judüki harü akheam müla thsümüchi ching yüshihbah, tüshe thiyuro-lungkirü a akheam müla rhangdung ching yübah.”

MATHI 8:12

Tüshe kiulongthsü ching larübo a amiting ching yankhita bahbah. Ju ching atripkhi tüsho hü mütrütkhi labah.”