ISAIA 38:1 - AMÜSÜH HÜM CL Bible (BSI)

¹ Ju nimungbo ching Hezekia tukthsüde kam tüsho ashepü thsüde alakheah. Amoz tsührü wukihbuh Isaia api kilim arü tüsho tha, “Atungpuhnü ha thachoh: Nü yam tsüde tsanglunga zoang, tümüde nü ashebah; nü müngu.”

ISAIA 38:1 Iomraidhean Croise

2 SAMUEL 12:22

Apinü tha, “Khungarü rhangdung lachoki, inü khümkeak thsü tüsho trip; tümüde Atungpuhnü I ki amuzho huhde khungarü ju müsheshihpü labah de inü lüm.

2 SAMUEL 17:23

Küyimki Ahithophelnü athsunganah mürhimokhi anihbuhnü angükhea, apinü nihbuh donki kheak hah mühahbah kiuto ching thüyam lim yüabah. Apinü nihbuh yam akhinashu thsüde zowu, tüsho azangrü sük; api sheabah tüsho abuh mibahpung ching kiuyukabah.

2 KIUTHSÜYUKHEAN 32:24

Ju nimungbo ching Hezekia tukthsüde kam tüsho ashepü thsüde alakheah. Apinü Atungpuh ki tamkhüntamnü, apinü anihbuh ki alo tüsho amütsan khülang jih.

T H S AN GYU T H S AN GR ARÜ 9:10

Tümüpürü nü khahnü arhimopü ngübanü, mürangde rhimoang; tümütüsho nü yüde alakhi Ashe-lomi ching rhimo yungsho lümkhi yungsho mükheahmudu yungsho lümlung müla.

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

ISAIA 37:2

Tüsho apinü Eliakim, kiulongthsürü yam abebuh, tüsho athrütbuh Shebna, tüsho awün amükeamrübo shungliukhim phuyubah Amoz tsührü wukihbuh Isaia kilim yüshih.

ISAIA 37:21

Judüki Amoz tsührü Isaianü Hezekia kilim yüshih: “Atungpuh , Israel Thrünpuhnü ha thachoh: Tümütüsho Asiria kiulongthsüpuh Sennakerib dünkheak nünü I ki tamkhüntamnü,

JONA 3:10

Küyimki arünü arhimokhi, arü amütsü limrobo chingnü rholokhi Thrünpuhnü angükhea, apinü arü kheak thsümütsü hande arüpü thakhi Thrünpuhnü api lüm müthri; tüsho apinü ju mürhimo.

JONA 3:4

Jonanü nimung khülang tsahde kiuto ching yüzahpü tsahmusu. Tüsho apinü zhi, “ Nimung yirü labah Nineve thsümünimbah!”

YUNIRÜBO RHIMO 9:37

Ju kim ching alibe tukthsü tüsho sheabah; alibe pang ju müsüh tüsho achangbe khiungshak ching yapshih.