ISAIA 37:4 - AMÜSÜH HÜM CL Bible (BSI)

⁴ Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

ISAIA 37:4 Iomraidhean Croise

2 SAMUEL 16:12

Khükia Atungpuhnü I lümthsünü ngüjihbah, tüsho khihni ha athrukhi thsungkheak Atungpuhnü I kilim atsü jihlobah.”

2 KIULONG THSÜRÜ 17:18

Jumonü Atungpuhnü Israel kheak khide bukakhiuk tüsho api mikinü arü yihkhita bah; Juda trük kheak hode sheshe maning.

2 KIULONG THSÜRÜ 19:4

Khükia api putungrü Asiria kiulongthsüpuhnü arhang Thrünpuh münejihshihpü thiyikhi limthobuh yubo Atungpuh nü Thrünpuhnü asobah, tüsho Atungpuh nü Thrünpuhnü asokhi yu dünkheak api thürühbah; jumonü aninga lakhi thsungkheak nünü tamkhüntamnüjang.”

2 KIUTHSÜYUKHEAN 28:19

Tümüde Israel kiulongthsüpuh Ahaz dünkheaknü Atungpuhnü Juda abobe kamshih, tümütüsho apinü marümkheamde Juda ching yakli amütsü huh tüsho Atungpuh ki akin mülade kam.

2 KIUTHSÜYUKHEAN 34:21

“Yüang, hüm yubo ngükhi dünkheak, I tüsho Israel le Juda ching aninga larü thsungkheak Atungpuh ki keoang; tümüde Atungpuh bukakhiukkhi isa kheak dungkihkhi ju ato ah, tümütüsho isa jipürübonü ha hüm ching thrütkhi yande arhimopü, Atungpuh yu mania lah.”

MUNGSHIKHÜN 106:23

Küyimki Thrünpuhnü api mihtsürü thsümünimpü thakhea, apinü mokhitkhi yamlarü Mosanü Thrünpuh reanglode zhip tüsho arü thsümünimpü api bukakhiukkhi tukloshih.

MUNGSHIKHÜN 50:21

Nünü harü rhimodo, tüsho inü zhikde la; I ju nü ruk ah de nünü lüm; tüshe inü nü thürühbah, tüsho jurübo nü miki akhin akhinnü azobah.

ISAIA 1:8

Tüsho Zion tsührübe lang kurungasolu ching yün nangde, liuheak lu ching yünshim nangde, azündokhi kiuto nangde aninga lah.

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 10:20

Ju nimung aningkhi Israel tüsho Jakob yamkhün rhangdung larübonü kheaküa arü shikrü kheak düthsün mangükih, tüshe Israel yo thiyuro Amüsühbuh kheak angükihbah.

ISAIA 10:22

Tümüde nü mihtsürü Israel keto loyi nangde lalashe arü aningkhi lang alodarübah. Adükheakshihpü ju thiyuro-lungkinü mide yakzan thsakhamlah.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 36:13

Judüki Rabshakenü zhip tüsho Ibri yutha chingnü düsheak achangnü jikhit, “Asiria ato kiulongthsüpuh yubo aniang!

ISAIA 36:18

Atungpuhnü isa bekhitbah de Hezekianü thade nüsa dübemüchihshih. Trükshih thrünpuhbo khürünü arü lomi Asiria kiulongthsüpuh khah chingnü bekhitdo de?

ISAIA 36:20

Atungpuhnü I khah chingnü Jirusalem bekhitpü thsüde, harü lomi thrünpuhbo alala bolung ching shenü arü lomi I khah chingnü khümkhit de?’ ”

ISAIA 37:17

Nü nükhün muphoang, O Atungpuh , tüsho soang; nü mük khimshuhang, O Atungpuh , tüsho kheahang; Sennakerib yubo alala sojang, küpü apinü arhang Thrünpuh mükhemükimde arüshihkhi la.

ISAIA 37:31

Juda yamkhün aninga rhangdung lakhi kheaküshe aying chinyukbah, tüsho akulim aso asobah;

ISAIA 37:32

tümüde Jirusalem chingnü aningkhi wukhiukbah, tüsho Zion Müzüng chingnü atsokhitrü bokhüh labah. Wuto Atungpuh künkhinü ha thsübah.

ISAIA 37:5

Küyimki kiulongthsüpuh Hezekia yamlarübo Isaia kilim arükhea,

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 46:3

I ki aniang, O Jakob yamkhün, Israel yamkhün aningkhi alala, shepü zübechokinü inü akümkhea, nuyam chingnü abuhkhea;

JEREMIA 26:19

Juda kiulongthsüpuh Hezekia tüsho Juda alalanü atsütsü api sheshihkhea de? Apinü Atungpuh mütrekhea de tüsho Atungpuh amuzho thsungkheak mumushu de, tüsho apinü arü azhihde athakhi thsümütsü dünkheak Atungpuh lümkhi mümüthrikhea de? Tüshe isa a isa kheak thsümütsü ato handarüpü thsüchoh!”

JEREMIA 42:2

wukihbuh Jeremia ki tha, “ Isanü mushukhi tsüde anijang, tüsho isa thsungkheak Atungpuh nü Thrünpuh ki tamkhüntamnüjang– harü aningkhi alala thsungkheak. Tümüde nü müknü ngülah, ahihdo chingnü isa anükhüh lang aningdo.

DANIEL 2:18

tüsho ha amüthakhukkhi aramyu dünkheaknü Daniel tüsho api müyamrübo Babilon lümlung larü mihtsürü lung müdükheakpü thsüde yinmi Thrünpuh kilimnü mihmuzho yimshihpü arü ki tha.

JOEL 2:17

Mükü tüsho kingaün sadam dükeak ching Atungpuh tankihrü, amükeamrübonü tripshang. Arünü thashang, “ Nü mihtsürübo aninga lashang, O Atungpuh , tüsho nü yamrüplurüp ha trükshih bolung keangrümüne, münedung dükamshih. Tümüde mihtsürü bolung ha thashihpü, ‘ Arü Thrünpuh küching la?’”

AMOS 5:15

Amütsü thraneanang tüsho atsü muzhoang, tüsho chipimurung ching thiyuro lashang; khükijua Atungpuh , Wuto Thrünpuhnü ha trükshih mihtsürü aningkhi kheak müthsümbah.

AMOS 7:2

Küyimki arünü alo rimbo tsühkhamkhea, inü tha, “ O A TU N GPU H T H RÜ NPU H , neak bahjang, inü nü ki mushuchoh! Küde thsah Jakob zhipkhukpü? Api khide ninilah!”

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

JIHUSUA 14:12

Jumonü ju nimung Atungpuhnü athakhi nangde kheakü ha awung lomi I kilim jihang; tümüde Anakimrü künangde chipi düküngde kiutobo ching lakheanü nünü ju nimung sodo; khükijua Atungpuh I lung labah, tüsho Atungpuhnü athakhi nangde inü arü yankhita bahbah.”

1 SAMUEL 12:19

Mihtsürü alalanü Samuel ki tha, “Nü yamlarübo thsungkheaknü Atungpuh nü Thrünpuh ki tamkhüntamnüjang, junangde isa müshe; tümüde isa thsungkheaknü kiulongthsürü khülang kheangkhi hode isa neakbo kheak yukajakde alü yihbeaklodo.”

1 SAMUEL 12:23

Kheaküshe nüsa thsungkheaknü tamkhüntamnüpü tuklokhi hode inü Atungpuh azhihde neak yihbeakpü I kheaknü limshuabahang; tüsho inü nüsa ki atsü tüsho alungki limro thsangyubah.

1 SAMUEL 14:6

Jonathannü api thsühnuk hanbuh athrününgtsüngbuh ki tha, “ Arang, ike harü tsütamübahkhi thiriri boto kilim wutuanü; khükia Atungpuhnü ike thsung thsüde arhimobah; tümüde hihang yungsho nükang Atungpuhnü akhümkhitpü ching tümünü she müzhipdokhuk.”

1 SAMUEL 17:26

Davidnü api ki zhiprü mihtsürübo ki tha, “ Mihtsürü khürünü ha Filistiabuh laksahkhi hode Israel chingnü mulong masühkhi hanbah tsosho api tümü ngüba? Tümüde ha tsütamübahkhi Filistiabuhnü arhang Thrünpuh bonungrü azhihpü api she a?”

1 SAMUEL 17:36

Nü yamlarünü kekhüzü tüsho kuto ane chido laksahdo; tüsho ha tsütamübahkhi Filistiabuh she arü ruk labah, tümütüsho apinü arhang Thrünpuh ki wüntre müjih.”

1 SAMUEL 7:8

Israel mihtsürübonü Samuel ki tha, “Isa thsungkheaknü Atungpuh isa Thrünpuh ki zhipü dütuklo, tüsho apinü isa Filistiarü khah chingnü akhümkhitshihpü tamkhüntamnüjang.”