ISAIA 37:37 - AMÜSÜH HÜM CL Bible (BSI)

³⁷ Jushu a Asiria kiulongthsüpuh Sennakerib, thüyam lim yü, tüsho Nineve ching la.

ISAIA 37:37 Iomraidhean Croise

2 KIULONG THSÜRÜ 19:1

Küyimki kiulongthsüpuh Hezekianü ju sokhea, apinü akhim thorüpbah shungliukhim phuyu, tüsho Atungpuh yam ching yüzah.

2 KIUTHSÜYUKHEAN 32:1

Harü thülünde arhimoshu, Asiria kiulongthsüpuh Sennakeribnü arübah Juda ching yüzah tüsho anihbuh thsungkheak jurü kukpü lümde chipi ayünkhi kiuto yanpü thsakham.

ISAIA 31:8

Judüki Asiria ju nukshangnü alungbah, mihtsürü nuknü yung; tüsho mihtsürü nukshangnü yungde api muyubah; api nukshang kheaknü atsobah, tüsho api mihtsürü athunubo azhorü kambah.

ISAIA 31:9

Atrekhinü apinü nihbuh chipi bahbah atsobah, tüsho api torübonü riphin ngübah ajande atsobah, Atungpuhnü thachoh, shepü mo Zion ching la, tüsho shepü motru Jirusalem ching la.

ISAIA 33:19

Nünü kheaküa mulong zhipzhip mihtsürü, mümütsanmükhi yu tharü mihtsürü, manikhitkhukpü lakhi aduhduh yu thakhibo müngü.

ISAIA 37:29

Tümütüsho nünü I azhihde bukakhiuk tüsho nü mulong zhipzhipkhi I nükhün ching arü, inü yinchi-khoyang nü nupung ching yukjihbah tüsho yinchikaplak nü mün ching yukjihbah, inü nü arükhi limro ching rholoshihbah.

ISAIA 37:7

Inü api kheak me yukjihbah, junangde apinü kiubuyu khülang sobah, tüsho anihbuh lomi lim rholobah; inü anihbuh khah ching yo nukshangnü api lungshihbah.”

JONA 1:2

“ Kiuto ato Nineve lim yüang, tüsho ju azhihde zhiang; tümütüsho arü mihbukmuyukbo I miki akihdo.”

JONA 3:3

Jumonü Jonanü Atungpuh yu yande tsahmusu tüsho Nineve lim yü. Kheakü Nineve ju tomülakkhi kiuto, nimung mahsam tsahhobe lakheah.

JONA 4:11

Dale küdükhüh inü ju kiuto ato Nineve kheak amuzho mülapü. Ju ching amülim mülakhi mihtsürübo 120,000, tüsho shiwühbo she ahihdo lah!”

MIKA 5:6

Arünü Asiria lomi nukshangnü, tüsho Nimrod lomi nukshang dukkhitbah yakzan shuhbah; mürangkhüh arünü isa lomi ching yungsho isa aredungyean ching thrümsho arünü Asiriarü kheaknü isa khümkhitbah.

NAHUM 1:1

Nineve dünkheak müchityu. Elkoshrü Nahum michih hüm.

ZEPHANIA 2:13

Tüsho dukulim azhihde api khah chungkihbah, tüsho Asiria thsümünimbah; tüsho apinü Nineve ju azhikkhi, loshelo nangde abahkhi akung kamshihbah.

MATHI 12:41

Mahkhap nimung Nineve mihtsürübonü ha lün lung zhibah tüsho amülim jihbah, tümütüsho Jonanü thsangyuthsangrakhi hode arü mulong müthri, tüsho kheakü Jona kheaknü atobe khülang ha kheak lah.