ISAIA 37:36 - AMÜSÜH HÜM CL Bible (BSI)

³⁶ Judüki Atungpuh yunirü tsahmusu tüsho Asiriarü binkheampung ching 185,000 laksah; küyimki ayinkhikhea, arübo alala ashemibo lakheah.

ISAIA 37:36 Iomraidhean Croise

2 SAMUEL 24:16

Tüshe küyimki yunirünü athsümünimpü Jirusalem lim akhah chungkhea, Atungpuhnü amütsü dünkheak lümlo, tüsho mihtsürü bolung athsümünimpü hanbah arürü yunirü ki ju tha, “Ha suhdo, kheakü nü khah tukloang.” Judüki Atungpuh yunirü ju Jebusrü Arauna hinitpung ching lakheah.

2 KIULONG THSÜRÜ 19:35

Ju tsüngrenü Atungpuh yunirü tsahmusu tüsho Asiria binpung ching 1,85,000 kinga lungshih; küyimki yapsu kamkhea, arü alala ashemi lakheah.

1 KIUTHSÜYUKHEAN 21:12

kam mahsam khümzung a shi; yungsho nü riri nukshangnü khinu mahsam nü yanpü; yungsho Atungpuh nukshangnü nimung mahsam Atungpuh yunirünü Israel lomi alala thsümünimde arüm arüpü.’ I thiyibuh kilim tümü lulobah ayübanü kheakü alokhiang.”

1 KIUTHSÜYUKHEAN 21:16

Davidnü abinkih-a kheah tüsho thüning le alo dükeak Atungpuh yunirü zhipa ngü, tüsho nukshang khülang Jirusalem kumung dünkih-a api khah ching shuh. Judüki David tüsho azothsürübonü shungliukhim phuyubah khukning.

JOB HU H T ANYU 24:24

Anükhüh kheak thsungkheak arü shuhkih-a lah; tüsho arübo tsoabahdo; arü yiuhabahchoh tüsho püpürü nangde keamkhiabahchoh; arübo hi ye nipshakkhi nangde kungabahchoh.

JOB HU H T ANYU 34:20

Kim khülang ching arü shechoh; tsüngphulung ching mihtsürübo niukchoh tüsho dükheakchoh, mihtsürü khah mübede sühmüh larübo lude tsochoh.

ABEKHIT 12:23

Tümüde Atungpuhnü Ijiprü laksahpü hode ayübah; tüsho apinü ripit kumung le dungjing mahne kheak thiyih ngüsho, Atungpuhnü ripit hode ayübah tüsho athsümünimrü nüsa yambo ching alaksahpü mazahshih.

ABEKHIT 12:30

Jumonü Pharao, api yamlarübo tüsho Ijiprü alala azhing ching asürü; tüsho Ijip ching tripachihkhi ato lakheah, tümüde mihmüshekhi yam khülang she mülade alakheah.

ISAIA 10:12

Küyimki Atungpuhnü Zion Müzüng tüsho Jirusalem kheak arhimo alala banbanü, apinü Asiria kiulongthsüpuh bukakhiukde kükheangkhi dünkheak thsümüchibah.

ISAIA 10:25

Tümüde anükhüh kheaknü nüsa azhihde I mulong zhipzhipkhi arün thsübah tüsho arü thsümünimpü I bukakhiukbah.

ISAIA 10:26

Wuto Atungpuhnü Oreb Lungto kheak Midiarü shikkhi nangde arü azhihde rhaptso shuhkihbah; api shitso keto mikheak labah, tüsho Ijip ching rhimokhi nangde apinü ashuhkihbah.

ISAIA 27:7

Anihbe shikrü apinü ashikkhi nangde apinü anihbe shikdo de? Yungsho anihbe laksahrü laksahkhi nangde anihbe laksahdo de?

ISAIA 29:5

Tüshe nü riri boto ju asungthulung shimshim nangde alabah, tüsho bukmüke yakzanshuhrü boto ju hitsüt phinkhi nangde alabah. Tüsho amülümkhi, zukleangnü,

ISAIA 31:8

Judüki Asiria ju nukshangnü alungbah, mihtsürü nuknü yung; tüsho mihtsürü nukshangnü yungde api muyubah; api nukshang kheaknü atsobah, tüsho api mihtsürü athunubo azhorü kambah.

DANIEL 3:28

Judüki Nebukednezarnü tha, “Shadrak, Meshak tüsho Abednego Thrünpuh shiang, shepünü Api yunirü thiyi tüsho api yamlarübo khümkhit! Arünü api kheak kin tüsho kiulongthsüpuh yukhüm mani tüsho arü Thrünpuh kheak hobah püpü thrünpuhbo tankihde mükingaünpü rhangdung shuhmülanga jih.

MIKA 5:6

Arünü Asiria lomi nukshangnü, tüsho Nimrod lomi nukshang dukkhitbah yakzan shuhbah; mürangkhüh arünü isa lomi ching yungsho isa aredungyean ching thrümsho arünü Asiriarü kheaknü isa khümkhitbah.

NAHUM 1:12

Atungpuhnü ha thachoh, “Arübo sühmüh lakhi tüsho hih-a lalashe, arü athsümünimbah tüsho adükheakbah. Inü nü thsümüchia lalashe, inü kheaküa nü müthsümüchi.

NAHUM 3:3

Khoraberünü müneahchoh, nukshang phürapchoh tüsho thsüh rakrakchoh, ashekhi keamkihchoh, ashemibo mujunglah, ashemi pangbo mükhebin– arübo ju mibo kheaknü mürhelochoh!

YUNIRÜBO RHIMO 12:23

Zukleangnü Atungpuh yunirünü api shik, tümütüsho apinü Thrünpuh müremütah; api ju musonü ru tüsho sheabah.