ISAIA 37:31 - AMÜSÜH HÜM CL Bible (BSI)

³¹ Juda yamkhün aninga rhangdung lakhi kheaküshe aying chinyukbah, tüsho akulim aso asobah;

ISAIA 37:31 Iomraidhean Croise

MUNGSHIKHÜN 80:9

Nünü ju thsungkheak alo wochakkhit, tüsho aying sükde chinyukshih, tüsho alomi mide kam.

MUNGSHIKHÜN 92:14

Arübo ashinshu she sangaso asobah; arübo rhüngrhüngde tüsho phüyakde alabah,

ISAIA 1:9

Wuto Atungpuhnü isa anükhüh aninga mülashihkhülaa, isa Sodom nangde alabah, tüsho Gomorra nangde akambah.

ISAIA 11:11

Ju nimung Asiria, Ijip, Pathros, Ethiopia, Elam, Shinar, Hamath, tüsho keto kekunglo chingnü aninga larü khümkhitpü mahne kipü Atungpuhnü akhah chungbah.

ISAIA 27:6

Arübe nimung ching Jakobnü aying chinbah, Israelnü adübit chinde abün pungbah tüsho alomiküp athrünkhi sangasonü amibah.

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 6:13

Thürü ching khülang aningning she, kheaküshe athsümünimbah, mudungsang yungsho ame wokhi nangde.” Müjih amüsüh ju hoju ame ah.

ISAIA 65:9

Inü Jakob kheaknü tsühsoniuso, tüsho I wungbo yamrüplurüp lurü Juda chingnü handarübah; inü mokhitkhinü ju yamrüplurüp lubah, tüsho I yamlarübo ju ching labah.

JEREMIA 30:19

Jurü chingnü makshe jihkhi arübah tüsho asühachihrü düsheak sobah. Inü arübo hihde akamshihbah tüsho arü nükde müla; inü arü müretahde kamshihbah tüsho arü khenoa müla.

JEREMIA 31:7

Tümüde Atungpuhnü ha thachoh: Jakob thsungkheaknü asühde achangnü khün thsüang, tüsho trükshih yo atobe thsungkheak zhiang; zhiyukang, mungshi jihang, tüsho thaang, “ O Atungpuh , nü mihtsürü aningkhi Israel khümkhitang.”

JEREMIA 44:28

Tüsho nukshang chingnü atsokhitrü akhekhi nükde Ijip lomi chingnü Juda lomi lim alodarübah; tüsho aningkhi Juda Ijip lomi ching lapü arürübonü I yu a shi arü yu zhipbanü amükheahbah!

EZEKIEL 7:16

Rhangdung larü tüsho atsokhitrü alala müzüngbo ching labah, mihbüm aban nihbuh neak dünkheaknü jindükhün müthrithrümpübo nangde ashearabah.

ROMRÜ KILIM PAULNÜ ATHRÜTKHI KIHÜM HUHTANYU 11:5

Jumonü kheakü kim ching she amüthsüm hode mokhitkhi aningkhi lah.

ROMRÜ KILIM PAULNÜ ATHRÜTKHI KIHÜM HUHTANYU 9:27

Tüsho Isaianü Israel dünkheak zhi: “Israel tsührübo khekhi ju loyi nangde lalashe, arü aningkhi lang akhümkhitbah;

GALATIA 3:29

Tüsho nüsa Khrista yo thsüsho, alokhikhi ayannü nüsa ju Abraham müjih tüsho yamrüplurüp lurü ah.