ISAIA 37:3 - AMÜSÜH HÜM CL Bible (BSI)

³ Arünü api ki tha, “Hezekia nü ha thachoh, ha nimung lümthsünü, athürühkhi tüsho mümuzhokhi nimung khülang; tsührübo zübedo, tüsho arü mütrümusupü sühmüh müla.

ISAIA 37:3 Iomraidhean Croise

2 KIULONG THSÜRÜ 19:3

Arünü api ki tha, “Hezekianü ha tha, Ha nimung ha lümthsünü, athürühkhi, tüsho mihmüthsüm mülakhi nimung khülang ah; khungarübo zübedo, tüsho arü mütrümusupü sühmüh müla.

2 KIUTHSÜYUKHEAN 15:4

tüshe arü lümthsünükhi ching küyimki arünü Atungpuh , Israel Thrünpuh kilim rholokhea, tüsho api yimkhea, api ju arünü ngü.

MUNGSHIKHÜN 50:15

tüsho küpkhuk nimung I jiang; inü nü bekhitbah, tüsho nünü I müretahbah.

MUNGSHIKHÜN 91:15

Apinü I ki jibah, tüsho inü api ki alobah; küpkhuk ching I api lung labah; inü api bekhitbah tüsho api wüntrebah.

MUNGSHIKHÜN 95:8

“Nüsa mulong azhihkhi ching nangde, tüsho sunglo ching rükakikhi nimung nangde dümüküp,

ISAIA 22:5

Tümüde Wuto Atungpuh Thrünpuh nimung khülang arhunganim tüsho junakpü tüsho yingyingrara michih jindükhün ching lah, rhübo kingkheamdo tüsho arung thsungkheak zhikhi awungbo ching lah.

ISAIA 25:8

Judüki Atungpuh Thrünpuhnü alala miro kheaknü chike nanjihbah, tüsho api mihtsürü masühkhi alomi alala chingnü lude atsobah, tümüde Atungpuhnü asukdo.

ISAIA 26:16

O Atungpuh , lümthsünü ching arünü nü yim, nünü arü thsümüchichoki arünü nü ki tamkhüntamnü.

ISAIA 29:2

Tütüshe inü Ariel lümthsünü jihbah, tüsho ju ching mitripkhi tüsho atüzhokhi labah, tüsho alibe ju I ki Ariel nangde alabah.

ISAIA 33:2

O Atungpuh isa ki müthsümang; isanü nü aleanglah. Yapsu aban isa sühmüh thsang, Küpkhuk kim ching isa khümkhitang.

ISAIA 66:7

Anihbe mükhiyide alibenü zübejih; anihbe kheak thsünü marüyide tsührü khülang zübejih.

ISAIA 66:9

Inü nuyam yeahshungbah müzübeba de? Atungpuhnü thachoh; I, angüshihbuhnü nuyam yihdoba de? Nü Thrünpuhnü thachoh.

JEREMIA 30:7

Aha! ju nimung küde atrebe, ju ruk püpü müla; ha Jakob thsungkheak lümthsünü kim lah; tütüshe api ju chingnü abekhitbah.

HOSEA 13:13

Khungarü zübekhi thsünü api kheak arüchoh, tüshe api lümlung mülakhi tsührü ah; tümüde kim dükdü ching apinü nuyam mün ki marü.

HOSEA 5:15

Arünü arü mülimkhi muhuhyi khiungde, inü I mihtsürü bahyukbah. Tüsho arünü I miro yimbah; arü thsünükhi ching arünü mushude I yimbah.

HOSEA 5:9

Ephraim ju thsümüchi nimung ching azhik khülang labah; Israel trük bolung ching tümü tsükjide lanü inü khipkhitchoh.

AMIKHEAKAKHIUKKHI 3:19

Sherü ki inü muzholanü, inü thürühchoh tüsho thsümüchichoh; jumonü künsahde laang tüsho mulong müthriang.