ISAIA 37:24 - AMÜSÜH HÜM CL Bible (BSI)

²⁴ Nü yamlarübo hode nünü I Atungpuh keangrüdo, tüsho nünü tha, ‘ I yo khora-lolungbe ahihdo bebah inü awung achangbo kheak, Lebanon wung achangbe khiungde yükihdo; inü cedar ashangbe, amokhitkhi saipress sangbo kiushakdo; inü achangdakkhi, murungto ching arü.

ISAIA 37:24 Iomraidhean Croise

MUNGSHIKHÜN 20:7

Khürünü khora-lolungbe tüsho khürünü khorabo kheak akin lachoh; tüshe isanü Atungpuh isa Thrünpuh mung lümkhitbah.

ABEKHIT 15:9

Thiririnü tha, ‘Inü amüshambah, inü ayanphuhbah, inü arü lakhit chambah tüsho I künkhi alala lubah; inü I nukshang dukkhitbah tüsho arü lakhi alala lubah.’

ISAIA 10:18

Api müretahkhi murung tüsho sangaso lo Atungpuhnü me tüsho pang ane chido thsümünimbah, tüsho ju ashebe tukthsünü mihtsürü thsümünimkhi nangde alabah.

ISAIA 10:33

Kheahang, Wuto Atungpuhnü atrebe wunü sangkhahbo ngamshakbah; sangdung ashangshangbo kiushakbah, tüsho achangbo ju abobe kamshihbah.

ISAIA 10:34

Apinü murung akheah ju awünü akiukheambah, tüsho Lebanon atsüdak sangdungbo she akeambah.

ISAIA 14:8

Saipress sangbonü nü kurungkheak asühchoh, Lebanon cedarbonü thachoh, ‘ Tümütüsho nü abukkhüp yapmonü, isa kiushakpü she marü.’

ISAIA 29:17

Anükhüh kheaknü Lebanon ju aso-asokhi lu mükamba de, tüsho aso asokhi lu ju murung mükamba de?

ISAIA 36:9

Dale küde thsah nünü I putungrü yamlarü bolung aninibe wühkenobuh yanlokhukpü, tüsho khora-lolungbe le khoraberü thsungkheak Ijip kheak düthsün angüba?

ISAIA 37:4

Rabshake yubo Atungpuh nü Thrünpuhnü soa labah, shepü ki api putungrü Asiria kiulongthsüpuhnü arhang Thrünpuh keangrüpü, tüsho Atungpuh nü Thrünpuhnü asokhi yubo mükhemürangpü thiyikhea; jumonü aninga larü thsungkheaknü tamkhüntamnü zhiang.”

JEREMIA 22:6

Tümüde Juda kiulongthsüpuh dünkheak Atungpuhnü ha thachoh: Nü a I ki Gilead nangde Lebanon wung nangde lah; tüshe nü sunglo, mihtsürü mülakhi kiuto kamshihpü inü thiyuchihchimchoh.

JEREMIA 22:7

Inü nü azhihde thsümünimrü, arü alala thsühnuk shuhbahle tsanglungbah; arünü nü yo amokhitkhi cedarbo kiushakbah tüsho mo ching jipyukbah.

JEREMIA 46:8

Nile nangde Ijip asürüchoh, ayungbo ke nangde abükchoh. Ha tha, I asürüanü, inü alomi zhipdoanü, inü kiutobo tüsho ju ching larübo thsümünimanü.

EZEKIEL 21:2

Mihtsürü tsührü, nü miro Jirusalem azhihde abinang tüsho arüngyam azhihde thsangyuthsangraang. Israel lomi azhihde müchitang

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”