ISAIA 37:2 - AMÜSÜH HÜM CL Bible (BSI)

² Tüsho apinü Eliakim, kiulongthsürü yam abebuh, tüsho athrütbuh Shebna, tüsho awün amükeamrübo shungliukhim phuyubah Amoz tsührü wukihbuh Isaia kilim yüshih.

ISAIA 37:2 Iomraidhean Croise

2 KIULONG THSÜRÜ 18:18

Küyimki arünü kiulongthsüpuh jikhea, ju ching kiulongthsüpuh yam neakrü, Hilkia tsührü Eliakim, athrütbuh Shelma, tüsho athrütyukrü Asaph tsührü Joa akhiuk.

2 KIULONG THSÜRÜ 19:2

Tüsho apinü kiulongthsüpuh yam neakbuh Eliakim, athrütbuh Shebna tüsho awünrü amükeamrübo shungliukhim phuyubah Amoz tsührü wukihbuh Isaia kilim yüshih.

2 KIUTHSÜYUKHEAN 20:20

Arünü yapsu mükikde asürü tüsho Tekoa sunglo ching wukhiuk; tüsho arü wukhiukchoki, Jehoshaphatnü zhip tüsho tha, “I ki aniang, O Juda tüsho Jirusalem ching larübo! Atungpuh nüsa Thrünpuh kheak kinang tüsho nüsa dübiuopung labah, api yo wukihrübo kheak kinang tüsho nüsanü akuk ngübah.”

ESTER 4:1

Küyimki Mordekainü harü sokhea, akhim rukrüpbah shungliukhim phuyu tüsho awah mujubah kiuto phulung ching wukhiuk tüsho achangnü zhide trip;

ISAIA 1:1

Juda tüsho Jirusalem dünkheak, Juda kiulongthsürübo Uzzia, Jotham, Ahaz tüsho Hezekia kim ching ngükhi Amoz tsührü Isaia michih.

ISAIA 20:2

ju kim ching Atungpuhnü Amoz tsührü Isaia ki asukde tha, “ Yüang, tüsho nü chim kheaknü shungliukhimbo trünang tüsho nü jing chingnü jingkhümpü yihkhitang,” tüsho apinü ju ruk bünkeang tsahde tüsho jing keangkeangnü yüla arüla de tsah.

ISAIA 22:12

Ju nimung ching Wuto Atungpuh Thrünpuhnü atrippü tüsho atüzhopü, ku hütpü tüsho shungliukhim phuyupü jikheah;

ISAIA 22:15

Wuto Atungpuh Thrünpuhnü ha thachoh: Arang, ha khinkihthsübuh Shebna, yambuk ching aputungpuh kilim yüang, tüsho api ki thaang:

ISAIA 22:20

Ju nimung Hilkia tsührü I yamlarü Eliakim inü ajibah,

ISAIA 36:3

Tüsho ju ching kiulongthsüpuh yam ching abebuh, Hilkia tsührü Eliakim, athrütbuh Shebna, tüsho Asaph tsührü athrütyukbuh Joa api kilim arü.

ISAIA 37:14

Hezekianü yunithsürü khah chingnü kihüm leangkhi tüsho khe; judüki Hezekianü Atungpuh yam ching wutu tüsho Atungpuh miki lokhita zo.

ISAIA 37:21

Judüki Amoz tsührü Isaianü Hezekia kilim yüshih: “Atungpuh , Israel Thrünpuhnü ha thachoh: Tümütüsho Asiria kiulongthsüpuh Sennakerib dünkheak nünü I ki tamkhüntamnü,

ISAIA 38:1

Ju nimungbo ching Hezekia tukthsüde kam tüsho ashepü thsüde alakheah. Amoz tsührü wukihbuh Isaia api kilim arü tüsho tha, “Atungpuhnü ha thachoh: Nü yam tsüde tsanglunga zoang, tümüde nü ashebah; nü müngu.”

JOEL 1:13

Shungliukhim phuyuang tüsho tüzhoang, nüsa amükeamrübo; tüzhoang, nüsa kingaün sadam kheak tankihrübo. Arang, shungliukhim chingnü tsüngre hoshang, nüsa I Thrünpuh tankihrübo! Hi kingaün tüsho ayungbe kingaün nüsa Thrünpuh yam chingnü tukloa lah.