ISAIA 37:16 - AMÜSÜH HÜM CL Bible (BSI)

¹⁶ “ O Wuto Atungpuh , Israel Thrünpuh, shepü cherubim kumung binla, nü lang alomi kiulongthsü alala Thrünpuh; nünü yinmi tüsho alomi thrün.

ISAIA 37:16 Iomraidhean Croise

THRÜNTAN 1:1

Atankih ching Thrünpuhnü thüningbo tüsho alomi thrün.

2 SAMUEL 7:26

Hanangde lünnü nü mung shide athabah, ‘Wuto Atungpuh ju Israel kurungkheak Thrünpuh ah’; tüsho nü yamlarü David yamkhün nü miki lashihbah.

1 KIULONG THSÜRÜ 18:32

Atungpuh mung ching apinü lungbonü kingaün sadam thsü. Apinü ju mükamde ke pungdüchi 14 yüzahpü thsüde atonü wungkeru kiu.

1 KIULONG THSÜRÜ 8:6

Judüki amükeamrübonü Atungpuh sangdan lubah arüngyam alunglim Khide Amüsüh Dangpung, cherubim ghidükeangbo khüp arü.

2 KIULONG THSÜRÜ 5:15

Judüki api le api borü alala Thrünpuh mihtsürü kilim alode arü; apinü arübah amiki zhip tüsho tha, “ Kheakü Israel kheak hode alomi alala ching Thrünpuh müla de inü mükheahlah; muzhobah nü yamlarü kilimnü thsambah khülang leangkhijang.”

EZRA 1:3

Nüsa bolung shepü api mihtsürüanü–api lung Thrünpuh lashang. Tüsho api Juda ching lakhi Jirusalem ching wutubah Atungpuh , Israel Thrünpuh, shepü Jirusalem ching lanü api arüngyam thsüshang.

MUNGSHIKHÜN 146:6

shepünü thüning tüsho alomi, keto tüsho ju ching lakhi alala thrün; shepünü lünnü thiyuro zocho,

MUNGSHIKHÜN 46:11

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 46:7

Wuto Atungpuh isa lung lah; Jakob Thrünpuh ju isa tsoyukpung.

MUNGSHIKHÜN 80:1

Aniang, O Israel neakbuh, nü shepünü mihnu boto nangde Josep becho; nü shepü cherubim dükeak zhingzhingde la!

MUNGSHIKHÜN 86:10

Tümüde nü ato ah, tüsho amüyinsahbe rhimochoh; nü lang Thrünpuh ah.

MUNGSHIKHÜN 99:1

Atungpuhnü kiulongthsüchoh; mihtsürübo ajanshang! Api cherubim dükeak lah; alomi aphapshang!

ABEKHIT 25:22

Tangzüng sangdan kumung lakhi cherubim mahne dükeaknü inü nü shorubah tüsho Israelrü thsungkheak I yukhümbo alala jihbah.

ISAIA 37:15

Tüsho Hezekianü Atungpuh ki tamkhüntamnüde tha:

ISAIA 37:20

Jumonü kheakü, O Atungpuh isa Thrünpuh, api khah chingnü isa khümkhitang, junangde alomi kiulongthsübo alalanü nü lang Thrünpuh ah de amükheahbah.”

ISAIA 40:22

Api alomi mühean kumung kheak binlah tüsho ju ching larübo sangyü-tangkho nangde lah; Shepünü thüningbo zhindokhim nangde thoshangcho, tüsho lapung khimyam nangde zünglangcho;

ISAIA 40:28

Nünü mümükheah de? Nünü muso de? Atungpuh ju akheam mülakhi Thrünpuh, alomi akheambo Thrünrü. Api sühmükeakea yungsho mükeak; api anikhitkhi mümüyimkhukbe lah.

ISAIA 42:5

Atungpuh , Thrünpuhnü ha thachoh, shenü thüningbo thrünkhea tüsho atoshihkhea, shenü alomi tüsho ju ching lakhi jashihkhea, shenü ju kheak mihtsürübo kilim sheak tüsho ju ching tsahrü kilim me jihcho:

ISAIA 44:24

Atungpuhnü rhokhitrünü ha thachoh, Shepünü nuyam chingnü kamshihkhea: I Atungpuh , shepünü alala thrünkhea, shepünü lang thüningbo züngshangkhea, shepünü I küdahnü alomi jashih;

ISAIA 44:6

Atungpuhnü ha thachoh, Israel kiulongthsüpuh, tüsho api Rhokhitrü, Wuto Atungpuh : I atankih tüsho akheam; I hobah Thrünpuh she müla.

ISAIA 45:12

Inü alomi thrün, tüsho ju kheak mihtsürü thrün; I khahnü thüningbo thoshang tüsho chiningbo ki thiyukhüm jih.

ISAIA 45:22

I kilim rholoang tüsho khümkhitang, alomi alala akheambo! Tümüde I Thrünpuh ah, tüsho püpü müla.

ISAIA 54:5

Tümüde nü Thrünrü ju nü yamkhünbuh lah, Wuto Atungpuh ju api mung lah; Israel Amüsüh Thrünpuh ju nü Rhokhitrü, api alomi athrünkhi Thrünpuh de jichoh.

ISAIA 6:3

Tüsho khülangnü püpürü ki ji tüsho tha: “Amüsüh, amüsüh, amüsüh ju Wuto Atungpuh ; alomi lüpdükhi api müretahkhinü milah.”

ISAIA 8:13

Tüshe Wuto Atungpuh ki nünü amüsüh ah de lümang; nünü api ki trepü lah, nünü api ki atrearangpü lah.

JOHAN 1:3

Lüpdükhi api hode thrün tüsho thrüna lakhi ching api mübede tümü she mülakheah.

YUZÜNGTHALO 10:17

Tümüde Atungpuh nü Thrünpuh ju thrünpuhbo kurungkheak Thrünpuh tüsho atungrübo kurungkheak Atungpuh , ato Thrünpuh wu ato tüsho atrebe, shepünü jak mükheah tüsho buknim müleangkhicho,

KOLOSI 1:16

tümüde api hode alala thrün: Yinmi ching tüsho alomi kheak angübe tüsho amüngübe, kiulongthsü-binkiubo yungsho wubo yungsho yakzanshuhrübo yungsho thiyukhüm-sühmühbo; alala api hode tüsho api thsungkheak thrün.

IBRI 4:16

Jumonü isanü yihnüpü kim ching mihmüthsüm leangkhipü tüsho mihmuzho ngüpü thsüde amüthsüm kiulongthsü-binkiu thüninde isanü mulongram lade yüanü.

1 SAMUEL 4:4

Jumonü arünü mihtsürübo Shilo ching yüshih tüsho cherubim dükeak binkhi Wuto Atungpuh tangzüng sangdan ju chingnü lubah arü. Eli tsührü mahne, Hophni tüsho Phinehas Atungpuh tangzüng sangdan lung arü.