ISAIA 37:12 - AMÜSÜH HÜM CL Bible (BSI)

¹² I müngührünü athsümünimkhi trükshihbo, Gozan, Haran, Rezeph, tüsho Telassar ching lakhi Eden mihtsürübo, arü thrünpuhbonü bekhitdo de?

ISAIA 37:12 Iomraidhean Croise

THRÜNTAN 11:31

Teranü atsührü Abram le Haran tsührü Lot, tüsho atsühmeakbe Abram niube Sarai bea lu, tüsho arünü Kanan lo ching yüpü Kaldearü yo Ur chingnü wukhiuk; arünü Haran ching arü tüsho ju ching la.

THRÜNTAN 11:32

Tera kam 205 la, tüsho Haran ching sheabah.

THRÜNTAN 12:14

Junangde küyimki Abram Ijip ching arükhea, alibe ju khide jaktsüde Ijiprünü ngü.

THRÜNTAN 2:8

Atungpuh Thrünpuhnü Eden ching aniakhiuklim peang shahwün khülang thsü, tüsho ju ching apinü akamshihkhi mihtsürü lashih.

THRÜNTAN 28:10

Jakobnü Beersheba chingnü chamachih tüsho Haran lim yü.

THRÜNTAN 29:4

Jakobnü namfimihnu neakrübo ki keokhi, “I keoniorübo, nüsa küchingnü a?” Arünü alo, “Isa Haran chingnü ah.”

2 KIULONG THSÜRÜ 17:6

Hoshea kam tukupü ching Asiria kiulongthsüpuhnü Samaria yankhit; apinü Israelrü bebah Asiria ching yü. Apinü arübo Hala, Gozan ching lakhi Habor ayung, tüsho Midia kiutobo ching binshih.

2 KIULONG THSÜRÜ 18:11

Asiria kiulongthsüpuhnü Israelrü bede yünü Hala ching, Habor kheak, Gozan ayungbo, tüsho Midia kiutobo ching lashih,

2 KIULONG THSÜRÜ 19:12

I buh pürünü athsümünimkhi trükshihbo, Gozan, Haran, Rezeph tüsho Telassar ching lakhi Eden mihtsürübo arü thrünpuhbonü bekhitkhea de?

ISAIA 36:18

Atungpuhnü isa bekhitbah de Hezekianü thade nüsa dübemüchihshih. Trükshih thrünpuhbo khürünü arü lomi Asiria kiulongthsüpuh khah chingnü bekhitdo de?

ISAIA 36:19

Hamath tüsho Arpad thrünpuhbo küching la? Sepharvaim thrünpuhbo küching la? Arünü Samaria I khah chingnü bekhitdo de?

ISAIA 36:20

Atungpuhnü I khah chingnü Jirusalem bekhitpü thsüde, harü lomi thrünpuhbo alala bolung ching shenü arü lomi I khah chingnü khümkhit de?’ ”

ISAIA 37:13

Hamath, Arpad, Sepharvaim kiuto, Hena yungsho Ivva kiulongthsürübo küching la?”

EZEKIEL 27:23

Haran, Kanne, Eden, Sheba shothsümolorü, Asshur, tüsho Kilmadnü nü lung shothsümolo.

EZEKIEL 28:13

Nü a Thrünpuh shahwün, Eden ching lakheah; shotolungbonü nü züt thsü: shotomürüm-lung, shotolung-müküp, tüsho shihshihlung, wurüklung, lungmüsang, tüsho asherühü lung, shotolung-bluk, lungphüyak, tüsho lungmürüm; tüsho sunanü athsükhibo ju nü binpungbo tüsho nü künkihpungbo lakheah. Nü thrünkhi nimung jurübo tsanglung,

AMOS 1:5

Inü Damaska chipiripit khrihbebo yihshakbah, tüsho Aven Jindükhün ching larü tüsho Beth-eden ching kiulongthsü-tso shuhbuh mülade akamshihbah; tüsho Siria mihtsürü Kir ching ramde ayübah, Atungpuhnü thachoh.

YUNIRÜBO RHIMO 7:2

Tüsho Stephennü tha: “Keoniorü tüsho buhrübo, I ki aniang. Api Haran ching mülayide, Mesopotamia ching lachoki, müretahkhi Thrünpuhnü isa abuh Abraham ki akhiuk,