ISAIA 36:4 - AMÜSÜH HÜM CL Bible (BSI)

⁴ Rabshakenü arü ki tha: “Hezekia ki thaang: Ha Asiria ato kiulongthsüpuhnü thachoh: Nü mulong tokhi ha tümü kheak düthsün angükihla?

ISAIA 36:4 Iomraidhean Croise

2 KIULONG THSÜRÜ 18:17

Asiria kiulongthsüpuhnü bonungrü ahihdo lung Tartan, Rabsari tüsho Rabshake Lakish chingnü Jirusalem ching kiulongthsüpuh Hezekia kilim yüshih. Arünü wutu tüsho Jirusalem ching arü. Küyimki arü khiungkhea, Müsühmürarü Thulu limro ching achangbe kekhip keru ching zhip.

2 KIULONG THSÜRÜ 18:5

Apinü Atungpuh Israel Thrünpuh kheak akin la; junangde api dunglim yungsho api müngüh, Juda kiulongthsürü alala bolung sheshe api nangde mülakheah.

2 KIULONG THSÜRÜ 19:10

“Nünü Juda kiulongthsüpuh Hezekia ki ha thaang: Jirusalem ju Asiria kiulongthsüpuh khah ching muyukjih de alokhikhi hode nünü düthsün angübuh nü Thrünpuhnü nü düthsungyukshih.

MUNGSHIKHÜN 42:10

Arünü mükhemükimkhinü I züthünaka lah, arünü I ki nimung amuyung keochoh, “Nü Thrünpuh kükheak la?”

MUNGSHIKHÜN 42:3

I chikebo ju animung tüsho are I jim lakheah, I riribonü mutukzhakde I ki tha, “Nü Thrünpuh kükheak la?”

MÜCHITMUDU 16:18

Lülüshishi ju athsümünim müngüh, tüsho kükheangküyang akeamkhi müngüh yüchoh.

JEREMIA 48:14

“ Isa athrungrübo tüsho amüzhak thirithsürübo ah” de küde thsah nüsanü thakhukpü?

DANIEL 4:30

tüsho kiulongthsüpuhnü tha, “ Kheahang Babilon küdükhüh ato a! Ha inü I wu tüsho sühmüh, I müretah tüsho mungthu huhpü I yo kiuying thsükheah.”

JUDNÜ ATHRÜTKHI KIHÜM HUHTANYU 1:16

Harübo ju jijineahneahrü tüsho mührü müdamrü, nihbuh amütsü künkhi yanchoh, thiyu-tode kükheangchoh, alü thsüpü mihtsürü thsungyukchoh.