ISAIA 35:6 - AMÜSÜH HÜM CL Bible (BSI)

⁶ Judüki jingkikrünü shihmüchi nangde ajukbah, tüsho mulokikrünü asühkhi khün thsübah. Tümüde sunglo ching ke bukkhitbah tüsho loshelo ching yungzü labah;

ISAIA 35:6 Iomraidhean Croise

NEHEMIA 9:15

Arü khümde alachoki, nünü yinmi chingnü yikhap kip tüsho arü kethürichoki lung chingnü ke rhapkhita duh. Arü kilim jihpü alokhikhi lo mükühshihpü nünü arü ki tha.

MUNGSHIKHÜN 107:35

Apinü sunglo ju kekhipbo, tüsho akung lo ju ke bukpungbo kamshih.

MUNGSHIKHÜN 46:4

Thrünpuh kiuto, Khide Achangbuh amüsüh yam ching asühpü hande arükhi ayung khülang lah.

MUNGSHIKHÜN 51:15

O Atungpuh , I münküp khimshuhjang, tüsho inü nü shibah.

ABEKHIT 17:6

Kheahang, I nü müngüh Horeb kheak zhipbah; nünü lungto kheak rhapbah tüsho ke akhiukbah, junangde mihtsürübonü ayungbah.” Tüsho Israel azothsürübo mikinü Mosanü jude rhimo.

ISAIA 30:25

Tode alaksahkhi, aheangsadam lungkhi nimung ching awung mujuk tüsho awung achang kheak ke bukkhi ayungbo labah.

ISAIA 32:2

Mihtsürü abannü apung chingnü ajikpü dangpung nangde, chinthrüm chingnü alampung, akung lo ching ke yungbo nangde, kethüri lo ching lungto ato alamme nangde alabah.

ISAIA 32:4

Makharü lümkhinü tsüde anikhitbah tüsho mulo kudukrünü nahnahde tüsho mütsande athabah.

ISAIA 33:23

Nüsa shungliubo niukniuklah; arhükkhi kukruk düngdüng mutholo, yungsho abekhi mütsah. Judüki suhdahde ayankhikhi kukrukbo chama lubah tüsho jingkikrünü she kukruk hana lubah.

ISAIA 35:1

Sunglo tüsho akung lo asühbah, loshelo asühachihbah tüsho apungbah; mumükin sangbün nangde,

ISAIA 42:11

Loshelo tüsho kiutobonü arü düsheak shuhkihang, Kedarrü lakhi kiulongbo; Sela ching larübonü asühkhi thsungkheak khün thsüshang, arünü awung mujukbo kheaknü ahoshang.

ISAIA 44:3

Tümüde inü akung lo kheak ke dungkihbah, tüsho alo akung kheak yungzü lashihbah; inü nü tsühsoniuso kheak I me dungkihbah, tüsho nü münü kheak I müngühmühibo jihbah.

ISAIA 48:21

Apinü arübo loshelo behochoki arü kemüthüri; apinü arü thsungkheak lung chingnü ke bukshih; apinü lung peangrüp tüsho ke bukkhit.

ISAIA 51:3

Tümüde Atungpuhnü Zion mulong shukheambah; apinü anihbe yo thsümünimkhi dangpungbo alala shukheambah, tüsho anihbe sunglo ju Eden nangde kamshihbah, anihbe loshelo ju Atungpuh shahwün nangde kamshihbah; asühachih tüsho asühkhi anihbe kheak labah, makshe jihkhi tüsho khün düsheak labah.

JOEL 3:18

Ju nimung ching müzüngbonü amühdo yukhu atsamkhibah, awungbo ching niuhke bukbah, tüsho Juda yungzü alala ching ke bukbah; kenü khülang Atungpuh yam chingnü abukkhitbah tüsho Akasia Jindükhün dütsütbah.

ZEKARIA 14:8

Ju nimung Jirusalem chingnü rhangdung kebo bukkhitbah, chamkhüh aniakhiuklim keto lim tüsho chamkhüh aniyüzahlim keto lim yübah; ha tsüngkam ching le muzhu ching mutuklode alabah.

MALAKI 4:2

Tüshe nüsa I mung wüntrerü thsungkheaknü thiyuro-lungki ani ju aghidükeangbo kheak athsüngu kihde akhiukbah. Nüsa moshi nunu ayam chingnü jukde ayükhi nangde jukde ayübah.

WÜHKHE 20:11

Jushu Mosanü akhah shuhkihbah atsonü lung kheak mahne ki rhap; tüsho ke suhdahde akhiuk, tüsho boto le arü shiwühbonü yung.

MATHI 11:5

Müktukrünü ngüchoh tüsho jingkikrünü tsahchoh; apham kihrü müsühkhitdo tüsho nükhünpeangrünü sochoh; asherü arhang kamloshihdo tüsho zhochihrü ki thiyusheak atsü thsangyudo.

MATHI 12:22

Judüki amünean me yüzahkhi, müktukrü aduh-a api ki bedarü; tüsho apinü anihbuh thsüngu, junangde mihtsürü müktukrü aduh-a lakhinü thiyu tha tüsho ngü.

MATHI 21:14

Müktukrü le jingkikrü arüngyam ching api kilim arü, tüsho apinü arü thsüngu.

LUKNÜ ATHRÜTKHI THIYUSHEAK-ATSÜ HUHTANYU 1:64

Zukleangnü api mün khimshuhde amulo kikkhi tsüabah, tüsho Thrünpuh shide thiyu tha.

LUKNÜ ATHRÜTKHI THIYUSHEAK-ATSÜ HUHTANYU 11:14

Apinü amünean aduh me yankhitde alakheah. Jumonü küyimki amünean me wukhiukkheanü aduh-a lakhi junü thiyu tha; tüsho botobonü müyinsah.

YUNIRÜBO RHIMO 3:2

Mihtsürü khülang zübechokinü jingkikrü arüngyam ching yüzahrü kheak kakheangshihpü Akheahakham Ripit de ajikhi ki nimung aban hande yünü binshihde alakheah.

YUNIRÜBO RHIMO 8:7

Tümüde amünean me yüzah-a lakhibo düsheak achangnü zhide ahihkhüh chingnü akhiuk; tüsho thripshe thsürü yungsho kikzükikdorü ahihkhüh thsüngu.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.